حاولت ترجمة اول صفحة من كتاب "مناهج البحث " جلست أكثر من ثلاث ساعات...

[نايف 26]

السلام عليك ورحمة الله وبركاته.
يا اخوان من يعرف طريقة للمذاكرة بشكل أسرع يدلنا عليها وله من الله الاجر على مساعدتنا ...
يبدو أنني لواترجم لغة الفراعنة أسهل من ترجمة بعض كلمات هذا الكتاب.

[المنتسب2222]

اخ نايف وين الخصوصي وين الدروس راااااااااااااحت والا أيه

[حلاها زايد]

الله يعينك اخوي واللهي حتى انا تعبت من الترجمة هذا وانا مستوى ثالث
بس انت حاول انه مو كل شي تترجمة راح تتعب كذا حاول تخمن وتحس بالمعنى من سياق الجملة والله مو عارفة افهمك بس انا مرات اسوي كذا يعني افهم معني الكلام من الكلمات اللي حولها
وكمان لو تعملو قروب وتتعاونو ع الترجمة يعني كل واحد يمسك جزء ويشرحة ويترجمة للباقين كذا حلو وتختصرو ع نفسكم الوقت والجهد
والله يسهلك ويسهلي المذاكرة وتسير زي شرب المويه هههههههههههه

[.. بيســـان ..]

انت أصلا ليش بتاخدها ولسة بعدك مستوى خامس
من جدك انته ؟
تعرف احنا القسم بيحذفولنا المادة و لمن أضفتها الترم اللي فات
خلتنا الأستاذة نحذفها و قالتلنا أشوف وجهكم آخر سيمستر

بعدك ما اتعودت على الكتابة بشكل ممتاز
دحين لو طلبو منك تكتب إيساي .. مارح تعرف مزبوط
أجل كيف بحث ؟

[نايف 26]

شكرا ولكن للتوضيح فقط أنا لم ارغب في تعليم احد ولكن لان الجامعة لم تساعدني ولم اتمكن من التسديد حاولت اعمل أي شئ مقابل أن أسدد الرسوم ومنها ان اعلم طلاب المستوى الثالث مثلا ولكن يبدو أنه من غير المجدي ان اعلم احد وانا مازلت في المستوى الخامس حقيقة لأن الله امرنا أذا قمنا بعمل ان نتقنه ويرزقنا الله وأياكم لنسدد جامعة الملك عبدالعزيز حسبي الله عليهم ونعم الوكيل طيحوا وجيهنا بين العرب.

[نايف 26]

المشاركة الأصلية كتبت بواسطة .. بيســـان .. انت أصلا ليش بتاخدها ولسة بعدك مستوى خامس من جدك انته ؟ تعرف احنا القسم بيحذفولنا المادة و لمن أضفتها الترم اللي فات خلتنا الأستاذة نحذفها و قالتلنا أشوف وجهكم آخر سيمستر بعدك ما اتعودت على الكتابة بشكل ممتاز دحين لو طلبو منك تكتب إيساي .. مارح تعرف مزبوط أجل كيف بحث ؟

أشكرك اختي العزيزة بيسان وكلامك صحيح.

[نايف 26]

المشاركة الأصلية كتبت بواسطة حلاها زايد الله يعينك اخوي واللهي حتى انا تعبت من الترجمة هذا وانا مستوى ثالث بس انت حاول انه مو كل شي تترجمة راح تتعب كذا حاول تخمن وتحس بالمعنى من سياق الجملة والله مو عارفة افهمك بس انا مرات اسوي كذا يعني افهم معني الكلام من الكلمات اللي حولها وكمان لو تعملو قروب وتتعاونو ع الترجمة يعني كل واحد يمسك جزء ويشرحة ويترجمة للباقين كذا حلو وتختصرو ع نفسكم الوقت والجهد والله يسهلك ويسهلي المذاكرة وتسير زي شرب المويه هههههههههههه

شكرا لاهتمامك ياختي العزيزة "حلاها زايد" حقيقة كلامك وضع النقاط على الحروف ولكن المشكلة أنني بدأت أشعر بملل يتسرب لنفسي رغم انني أعرف كلامك وسبق أن درسته واتذكره تماما وهو تخمين معنى الكلمة من الجملة او النص أي من السياق ولكني غير مقتنع فيه لأنهم يحاولون من خلال مناهجهم تعليم اللغة الانجليزية بالانجليزية وهو محاولة لاقصاء اللغة العربية الجميلة نهائيا ويسوقون لذلك بقولهم ان هذا هو الطريق الوحيد والواقع يكذبهم لأن تعليم اللغة الانجليزية من خلال اللغة العربية يساعد على فهم اللغة الانجليزية والتعمق باللغة العربية ومعاني مفرداتها وأيضا تعلم اللغة الانجليزية ومفرداتها من خلال معرفة المرادف العربي لها يساعد على التمكن في الترجمة وهذا هو المغزى من فهم اللغة الانجليزية.
الطالب يقوم بالترجمة ويصرف الكثير من الوقت على الترجمة للعربية ليعرف المعنى لنص انجليزي وهذا يجعلني اتسائل لماذا لا يترجمون أساتذتنا اللغة الانجليزية للعربية نص ثنائي الترجمة عربي-أنجليزي لنختصر الوقت ونركز على الفهم والحفظ وهذا السؤال احيله لرئيس القسم ايضا؟

[إلهام]

ربنــــــــآآ ييسر عن جد عندنآ أشيآء لآآآآآآآزم نترجمهآآآ كثيييييييير
وأنـآ بصرآحه أستخدم التخمين بس مو دآئم .. أعتمد أكثر شيء تقريبآ على ترجمة كل كلمـــة جديــــدة
وهذآ يأخذ وووقتــ بس يرضيني ويريحنآ في الأخير
~~~~
كل التوفيق للجميع ..‘

[dedo11]

انا عندي سلايداتس مرة حلوة ومرتبة استاذتنا اعطتنا اياها بس مااعرف كيف اعمل attach to file or slides :-s

مااعرف كيف احملها على الموقع قوليلي واكون من الشاكرين

[maglory]

والله يا اخ نايف الدعوة يبالها شدة حيل من بدري . انا حايس في مقدمة في اللغويات وخلصت شابتر 2 وشابتر 4 . وحاس بصداع من voiced ,voiceless

ولكن لسى الوقت امامنا باذن الله نتجاوز كل هذه الصعوبات