استطلاع رضى ساكني مدينة جدة

[dr_love]

السلام عليكم ورحمة الله وبركاته

الامانة تطرح استبيان لاستطلاع رضى ساكني مدينة جدة عالرابط التالي:-
http://www.jeddah.gov.sa/JeddahSurvey/index.php

كل واحد يدخل ويعبي الاستبيان لعل وعسى بالنسبة لي اغلب اللي حطيته غير راضي تماماً وهذا الواقع اللي عايشينه في جدة

[نمر من النمور]

وحشتني الأمانة والله


الله يذكرها بالخير هذيك الأيام



بعدين في أحد راضي عن جدة !! .. أقسم بالله سيارتي اتكسرت من المطبات والحفر وهذا أول شي قاهرني 8:

[dr_love]

طيب ادخل وعبر عن مشاعرك الفياضة والجياشة تجاه الامانة وخدماتها

انت سيارتك اتكسرت نحن راحت عندنا المساعدات والجيربوكس راح وكرسي المكينة راح وكل شي انعدم في السيارات

الواحد يبغاله يشتري دبابة يمشي بيها في الشوارع دي وياخوفي تتكسر كمان

[كريستيانو]

كل شي غير تمام

والله مستحي اكمل الاستبيان

[roro ksa]

كويس ماعندي سيارة هههههههههههههههههههههه بس رجولنا اتكسرت لما نتهوور ونمشي

[dr_love]

المشاركة الأصلية كتبت بواسطة كريستيانو كل شي غير تمام والله مستحي اكمل الاستبيان

انا زيك بس استحيت شوية وحيطتلهم كم وحدة راضي نوعاً ما اما بالنسبة للمولات راضي تماماً ارحمونا شوية من المولات اللي بين كل مول والثاني مول

واتوقع هم عندهم استعداد انه حيشوفو 95% من الاستبيان غير راضي تماماً لانهم شايفين وعارفين كيف الوضع في جدة

نصيحة يهدوها ويبنوها ثاني

[dr_love]

المشاركة الأصلية كتبت بواسطة roro ksa كويس ماعندي سيارة هههههههههههههههههههههه بس رجولنا اتكسرت لما نتهوور ونمشي

في فقرة في الاستبيان بتتكلم عن اماكن الترفيه واماكن المشي

يعني الاستبيان مو بس للشباب حتى الاناث برضه يدخلو ويعبوه لانه في النهاية راح يسأل عن الجنس ذكر ام انثى

يعني ياريت الكل يساهم في الاستبيان يمكن سبحان الله ينصلح حالهم

[Eng:da7moon]

والله ارسلت الابليكاشن بس ان شاء الله نشوف تطور لأنو الحاله في جده صارت زفت ما في شي كويس في جده كلو من سيء الى اسوء

[BluexBlue]

واحد من اثنين ..

إما بيستهبلوا ..

أو انها استبانة الغرض منها انها ترفع للمسؤولين حتى يصدقوا معاناة الناس ..

أنا أرشح الاحتمال الأول ..

[.,.نيــــــــــــــــــــران.,.]

تــــــــــــــــم