بنات ثانيه اشعه مهم جدا

[XHUNTERX]

السلام عليكم ورحمة الله وبركاته


بصراحه مواد التخصص تعتبر مشتركه بينا وبينكم ونفس الملخصات والسلايدات ونفس الدكاتره

في جهود خاصه تكون من قبلكم او من قبلنا كترجمه او تلخيص او شرح ويهمني انا وزملائي واكيد

انتو انو يوصلكم كل شي اول باول اليوم الشباب ما قصرو نزلو ترجمه لسلايدات د/ زبير وحبينا

انها توصلكم حطينا نسخه لكم في مكتبة الهندسه البعض يقدر يوصلها والبعض لا بسبب المواصلات

اي عذر ثاني المهم الي ابغا اوصله انو لازم تكون وحده فيكم مسؤوله عن هذي الاشياء اي وحده

تحدد مكتبه معينه قريبه عليها هيا وتكون حولين الجامعه يعني الجامعه السليمانيه مو مشكل

السلايدات الالكترونيه بسيطه ممكن ننزلها على الموقع بس نقصد الورق عشان كذا ياليت نتعاون بشكل اكبر


واتمنى التوفيق والنجاح لجميع الزملاء والزميلات

تحياتي

[M!sS chocolate]

اممممممم طيب ممكن في النسيم
المكتبه قريبه من بالبيد حق السيارات أكيد كلكم عارفينه
ممكن أنا بوصف لكم مكانها برسمها لكم بالرسام وأنزلكم الصوره ..

[AL oOo SH]

نزلي الصورة وانا احطها في المكتبة

[XHUNTERX]

ايوه انت مره قريب يا علوووووش بس اهم شي اسم المكتبه ومكانها بس هل تقدري توصليها للبنات

[M!sS chocolate]

???????????????
Alo0osh بنت

[AL oOo SH]

لا غلطانة >>>>>> ولد على فكرة

يعني ماتشوفي مكتوب علوووش وتحتها ذكر <<<<<< مسوي زعلان

[M!sS chocolate]

النت فصل
واللا أنا فهمت وكنت بسوي تعديل في ردي ... عموما هادي الصوره ان شاء الله تفهم الوصف
طبعا في مسافه كبييره بين ديما وبالبيد وعيب الشارع انو عشان توصل لديما مالفي لفه فلازم تطوووول
بعدين حتلاقي لفه وفي طريق ثاني اللي هو من جهة سوبرماركت اسرتي
">

Alo0osh اذا مافهمت الوصف قلي اش اللي مافهمته فيه عشان اشرحه لك ..

[AL oOo SH]

طيب اوكشن حأنزلها بعد شوي

طيب بس هذه مو على طرف الشارع

عشان البقية ياخذونها

طيب ايش اقووول لراعي المكتبة

[M!sS chocolate]

أكتبها بإسم ثانيه أشعه ..
لاتنــــــــــــزل شيء اليوم من بعد اليوم اذا في شيء حطوه في المكتبه دي واذا شيء مننا
ححطها أنا في المكتبه دي ... لأنو ماعندي أرقام البنات كلهم وغير كدا مابيمدي الوقت اجلس اوصف لبنت بنت
على الجوال أنا كان قصدي اني انا أجيب لهم الورق بنفسي للجامعه لأنو في بنات برضو مننا في سكن مايقدروا يخرجوا

ايوه هيا على الشارع ( قرطاسية الوزير)
مو على شارع عااام قبال المكتبه في عماير والمكتبه نفسها تحت عماره
انت لمن تجي من الدوار اللي قبال الأندلس مول وعلى يمينك سور الحوامل حتروح لمن بداية السور
قبل ماتوصل للإشاره اللي في بداية السور في لفه على يسارك لف منها اللفه الثانيه اللي قبل الإشاره
لأنو حتلاقي لفه قبل دي اللفه بعد ماتدخل اللفه حتلاقي لفه ثانيه حتسير على يمينك
يمينها تراااب مافي شيء ويسارها قاعه جالسه تنبني أدخل منها وطوااااااالي حتلاقي على يمينك
مشغل الأندلس وبعدين حتجيك لفه لاتدخل منها طول حتلاقي سوبرماركت اسرتي وكمان طول شويه حيجيك
الشارع وعلى طول بتشوف الصيدليه تطول حتلاقي المكتبه على يمينك ههههههههههههههههه حسيت اني ولد وأنا أشرح .

[AL oOo SH]

نزلت الاوراق في المكتبة

يسلمووووووا على الشرح كان روعة