ممكن مساعدة صغيرة في مادة الفيزياء 110

[*..وردة السعودية..*]

السلام عليكم ورحمتة الله وبركاته

ممكن تقولوا الوحدات الفيزيائية(الطول - الوزن- الزمن- ..) بالترتيب من الأضغر الي الأكبر وكم القيمة اللي اضرب /او اقسم عليها عشان احول من وحدة الي اخرى ؟
سؤال ذكي ههههه بس والله جدا محتاجه اعرفه

[saheb-alsmoo]

هذي شرحها مرا يطول
شوفي بموضوع مثبت عن الفيزياء في ملف يشرح شابتر الواحدات حملليه
تلاقيها مرا مفصله ومشروحه حلو
وبعد في ملزمة أ.طلعت سالم مرا موضضضح كل الاشياء دي
عن شابتر واحد واثنين وثلاثه

[sleep]

اممم شوفي انا ماعرفهاا كولهاا بس حقولك اللي اعرفها لعلك تستفيدي منهاا =))

الكيلو = 1000 متر
المتر = 100 سم
سم = 10 ملم

ومن كبير لصغير "نضرب" خليها قاعدة في بالك الكبير دايما مفتري في الصغير ويضربه
وحيكون العكس بالنسبة من صغير لكبير

و لمن تحولي من كيلو لمتر نضرب في 1000 ومن متر لكيلو نقسم على 1000
و من متر لـ سم نضرب في 100 و من سم لمتر نقسم على 100
و نفس الحكاية للباقين

و شوفي التيبل 1-2 في صفحة 3
دا مررة مهم.. عاملينهاا بالقوة
زي الكيلو كاتبين قدامه 10 اس 3
يعني لمن حتحولي الكيلو لمتر حتضربي في 10 اس 3
او المتر لــ ملم حنضرب في 10 اس -3 <<السالب موجود لانو المفروض كنا نقسم لانه اصغر بس حطينا السالب و ضربناا

اتمنى اكون افدتك ولو شوية و زي ماقال الأخ النوت تبع أ.طلعت سالم مررة كويس ارجعيله اكيد حتفهمي من هنااك أكتر

و الله يوفقنا أجمعييييييييين =))

[*..وردة السعودية..*]

المشاركة الأصلية كتبت بواسطة saheb-alsmoo هذي شرحها مرا يطول شوفي بموضوع مثبت عن الفيزياء في ملف يشرح شابتر الواحدات حملليه تلاقيها مرا مفصله ومشروحه حلو وبعد في ملزمة أ.طلعت سالم مرا موضضضح كل الاشياء دي عن شابتر واحد واثنين وثلاثه

تسلم الله يعطيك العافية بس هل هيا نفسها الملخصات اللي بتقول عنها اللي في الرابط هذا ولا اللي عندك شئ ثاني

http://www.skaau.com/vb/showthread.php?t=280042&page=3

[*..وردة السعودية..*]

المشاركة الأصلية كتبت بواسطة sleep اممم شوفي انا ماعرفهاا كولهاا بس حقولك اللي اعرفها لعلك تستفيدي منهاا =)) الكيلو = 1000 متر المتر = 100 سم سم = 10 ملم ومن كبير لصغير "نضرب" خليها قاعدة في بالك الكبير دايما مفتري في الصغير ويضربه وحيكون العكس بالنسبة من صغير لكبير و لمن تحولي من كيلو لمتر نضرب في 1000 ومن متر لكيلو نقسم على 1000 و من متر لـ سم نضرب في 100 و من سم لمتر نقسم على 100 و نفس الحكاية للباقين و شوفي التيبل 1-2 في صفحة 3 دا مررة مهم.. عاملينهاا بالقوة زي الكيلو كاتبين قدامه 10 اس 3 يعني لمن حتحولي الكيلو لمتر حتضربي في 10 اس 3 او المتر لــ ملم حنضرب في 10 اس -3 <<السالب موجود لانو المفروض كنا نقسم لانه اصغر بس حطينا السالب و ضربناا اتمنى اكون افدتك ولو شوية و زي ماقال الأخ النوت تبع أ.طلعت سالم مررة كويس ارجعيله اكيد حتفهمي من هنااك أكتر و الله يوفقنا أجمعييييييييين =))

اميـــــــــــــــــــــــــــــتن يارب بس حبيت اسئل هل فيه عندنا منها في مكتبه خوارزم وهل اللي عندك نفسها اللي في هذا الرابط http://www.skaau.com/vb/showthread.php?t=280042&page=3

[мαѕooяy]

^^
نفسهـآ يابطه والملخص موجود بالشقري

[*..وردة السعودية..*]

المشاركة الأصلية كتبت بواسطة мαѕooяy ^^ نفسهـآ يابطه والملخص موجود بالشقري

مـــــرا شكرا ياعسل
بس ممكن تنزلي لنا باقي الشباتر الأختبارات ع صيغه صور اذا مافيها تعب عليكي
لان انا في الفيزيا حدث ولا حرج الله يستر بس