طلاب خطة ب ما هو الحل مع الكيمياء دكتور البار؟؟؟؟

[sultan929]

السلام عليكم ورحمه الله وبركاته

اما بعد:

شباب بصراحه شفت الوضع ما يطمن والمستوى في تدهور خصوصا في الكيمياء مع الدكتور حسن البار

المهم الكتب الي طلبها البار لم اجد في ذاك الشرح الوافي للمسائل والمعدلات ألخ...

سؤالي هل توجد كتب اخرى أو تست بانك أو اي شي يساعدنا في المادة الكيمياء؟

ارجو التفضل بطرحه..

ياناس هذا مستقبل وليس بأمر الهين علينا خصوصا نحن طلاب

[Ҙ’ᾃɭƴȁ ̐]

والله حتى احنا متأزمين ..

يعني من جد يبغالو تيست بانك او شي زي كدا عشان نجيب فيلو درجات ونعرف ايش نذاكر

مو دحين مو مفهوم شي ومو موضح شي والدنيا ملخبطه ..

ياريت الي يعرف يقولنآ ..

[sloooom]

السلام عليكم بالله حبيت اسالك
صح الكلام يقولون الكتب حقة البار اسئلة الاختبار تجي منها الاسئله صح ولا لا

[do7me]

هذي الشباتر للدكتور محد عبدالسلام ... بكل صراحة انا فاااااهم جدا جدا والحمد لله
اذا فتحتوا الرابط موجود شابتر 1 و2 (( طبعا تبع الكتاب الازرق ويساوي 4 شباتر من تشانغ )) يعني الي اختبرناه في الدوري الاول ...
http://mabdelsalam.kau.edu.sa/conten...g=AR&cid=14578
وبالتوفيق ... دمتم بود

[sultan929]

كيف هل وهو جيد افضل من كتب البار

[mo0dy]

تبغى نصيحة ذاكر الكتاب الازرق الملخص للمنهج تلاقيه في مكتبة الشقري ب 55 ريال واضمنلك الفل مارك غير كذا في نهاية الكتاب في اختبارات دوري اول ودوري ثاني ونهائي زي الي في اختبار الجامعة فكرتها وتلاقي حلها في اخر الصفحات
غير الاسئلة في نهاية كل تشابتر وايضا موجود حلها بس لازم انت كمان تاخذ اسئلة اختبارات السنة الي فاتت حق يوسف زويل بشرح الحل بالتفصيل وان شالله تعوض في الاختبارت الجاية

[سحر البيان]

شوف يا أخوي ... مادة كيمياء 110

لها لجنة خاصة ... و الجميع ملتزم بكتاب شانج و الكتاب الأزرق

لا تشتت نفسك في كتب كثيرة .... و في الأخير لا تلحق تذاكر و لا تفهم


و خذ أسئلة اختبارات فاتت + و تست بانك

و خلي دايم في المنتدي

و شوف هذه المواضيع ممكن تنفعك

http://www.skaau.com/vb/showthread.php?t=267400

http://www.skaau.com/vb/showthread.php?t=280684

بالتوفيق

[maveak]

ألحل وبأختصار انا درست عند البار الترم اللي فات
الاستاذ ماشاءالله عليه عاااااالم بس مشكلته مررة مايعرف يوصل المعلومة للطلاب
الا لو واااحد مرررة مركز معاه .. واذا كنت مركز وعطست راح تركيزك انسى ترجع معاه
الحل هو انك تاخذ ملخصات واحد والله نسيت اسمو تلاقيها في المكتبة مو زويل ولا اشرف سالم اذا افتكرت الاسم بقولكم هو بس مرة تففهم تاخذها وتحل اسالة البار الكتاب 4 على ما ظن حل اللي تقدر عليه وتفهم وتجيب ان شاءالله درجة حلوة

[xo7]

شوف حتى انا واحد من طلاب الدكتور البار وفعلا هو شرحة صعب فهمه لكن يفهم اذا ركزت معاه طبعا لاتحضر معاة الا وانت دقيتلك كوبين نسكافة سادة واهتم بالكتابين النظري والاسـألة المبوبة لانها تحتوي على الاختبارات الماضية كلها يصير بس باقيلك تدور على حلها وهو دكتور طيب واخلاقة عالية جدا جدا اذا مافهمت شئ اطلبة في ساعات مكتبية صدقني ماراح يقولك لا حتى لو كنت لحالك
وعلى فكرة لا احد يظحك عليك ويقولك دكتورنا يفهم احسن من دكتورك تراة كلام فاضي و الدكاترة كلهم سواسية وعى مرتبة عالية من العلم واتمنى اني افدتك