طالبة تحضيري ترجو مساعدتكم ...!!!

[يالبى أنا]

.." السلام عليكم ورحمة الله وبركاته "..



انا طالبة تحضيري وحلمي ادخل هذي الكلية واتخصص في المختبرات ...
لكن كل اللي حولي احبطوني لأنهم يقولوا ان المختبرات ما لها مستقبل ومن هذا اكلام اللي يحطم ومالي الا الله ثم انتم......
حابة اعرف كل شي عن هذي الكلية وهذا التخصص بالذات لأني حابته وحاسة انه يناسبني.
وهل اذا تخرجت ان شاء الله من المختبرات الوظيفة مضمونة بإذن الله وكيف طريقة الدراسة والدوام والراتب وكم وقف المعدل السنة الماضية وكل شي تكفووووووووووون يا أهل الخبرة والتخصص ابغى اعرف كل شي وهل المختبرات من التخصصات المطلوبة ؟

ومشكووورين مقدما

[يالبى أنا]

يا ناااااااااااااااااااااااااس 15 مشاهدة ولا رد واحد على الاقل مشكوووووووووووووووووورين

[الدكتور المحتار]

اختي العزيزه
انا راااح اعلق على الناس اللي احبطووكي
اولا اي تخصص في مجال الطب مستقبلو جدا رائع
ان كان طب وجراحه او طب اسنان او علوم طبيه تطبيقيه
ثانيا
لا تاخذي بكلام الناس انتي ادخلي في المجال اللي تحسي نفسك
راااااح تبدعي فيلو
كلام الناس لا رااح يودي ولا يجيب
ووتذكري انو (( غايه الناس لا تدرك ))

واي انسااان راح يمشي ورى كلام النااس عمرو ما راااح ينجح
لانو كلام الناس دائما ما يكووون محبط
حاولي يكوون كلام اللي حولك يشجعك
انك تثبتي عكس ذلك

اتوكلي على الله وادخلي التخصص اللي تكوني انتي مرتاحتله
ولا تنسي ان تستخيري ربك


ومعليييش ع الاطاله

[اسويس]

حتى انا ابي اعرف نفس تسائلاتك والله

[M!sS chocolate]

كأنك وانتي تتكلمي انا
كنت مرررررره متعلقه بالمختبرات وماأبغى الا هيا عاجبتني المجاهر
وللآن احبها كل ماأشوف ادوات المختبرات لازم اوقف عندها ^^

حتسأليني طب ليش دخلتي اشعه //
بعد دوخه وصداع وحيره فضلت اني أسأل واحد متخرج من المختبرات
ووكلت اخويا بدي المهمه أول ماقاله محتاره بين المختبرات والأشعه
على طول قال تدخل اشعه أسهل وأبسط ووظايف موجوده ورواتبهم أعلى
وغير كدا المختبرات وهيا تدرس حتحلل حاجات مقرفه أنا لهنا وقفت كان على بالي
انو مارح احلل حاجات زي كدا الا لو اتخصصت في القسم الخاص بدي الأشياء طلع لا وانتي تدرسي
حتحللي ...

دوامهم //
صراحه أرأف جدا بحال المختبرات مايخرجوا الا3وجدولهم مليااااان
مافي بريك غير بريك الصلاه *_* ...

موادهم//
دسمه بإختصااار عام ..

لكن أحب اقولك شيء اذا انتي حابه التخصص دا وشايفه انه يناسبكي ادخليه
لأنو لو دخلتي شيء ماتحبيه مارح تنتجي فيه ..والوظايف أرزاااق
وأسألي أحد له دخل بالمختبرات لاتسمي كلام أي أحد وأفتكر اني قريت
هنا في المنتدى اعتقد قصة غروب يقول انو السنوات الجايه حيكون قسم المختبرات قسم مطلوب

[weddah]

أشوف ان M!sS chocolate ما اعطت المختبرات حقها
واحبطتيها زي الناس اللي احبطوها

اتمنى يجيكي الرد من طلاب وطالبات المختبر اللي أدرى في تخصصهم

[M!sS chocolate]

weddah أنا ماحطمت البنت وولا حاجه أنا قولت لها الكلام اللي قاله ليا شخص متخرج
من القسم اللي هيا تسأل عنه لأني لمن سألت طلاب كان كلامهم سمعنا وشوفنا ولمن أسأل عن التوظيف
يقولك الوظايف أرزاق صح كلامهم مهم غلطانين فأنا فضلت متخرج عشان يكون مجرب ونقلت لها الشيء
اللي قاله ليا..
لأنو أنا قبل كم شهر كنت في نفس مكانها ونفس حيرتها
من حيث المختبرات ...

بعد دوخه وصداع وحيره فضلت اني أسأل واحد متخرج من المختبرات

وفي شيء ماكنت حابه أقوله لكن كلامك حيخليني اقوله انو الولد اللي سألته اتوظف بالوااسطه لأنو مالقي وظيفه
كل ماقدم مافي وظايف لجأ للواسطه على طول لقي الوظيفه وهو لسى متخرج العام ..

[D.A.N.T.E.]

السلام عليكم ورحمة الله وبركاته
صراحة انا من زمان عن المنتدي وتوي انتبهت للموضوع من ناحية القسم تراه مرة حلو انا متخصص في المختبرات سنة ثانية صح الجدول حقو صعب في البداية ودش لكن العبرة في النهاية من ناحية المواد مو مرة صعبة بعضها يبغالها فهم وبعضها حفظ ورد للاخت M!sS chocolate ترى القسم مرغوب جدا وغير كدا كمان مجال الابتعاث فيه مرة حلووو ومن ناحية الاشياء المقرفة ما اعتبرو سبب انو يخلني ابتعد عن قسم انا عن نفسي شفت التحاليل يقومو فيها طلاب سنة ثالثة وكنت انا معاهم ما حسيت بأي شي بالعكس كان جو التعاون فيه مرة حلوو
ومن ناحية الولد الي اتوظف بالواسطة اكيد كان معدله ضعيف او مو عالي وانا متأكد لو كان معدله عالي ما كان اتوظف بالواسطة لانو قسمنا بالذات نسبة الخطأ فيه مرة قليلة ما تتجاوز 1% معليش على هادا الرد لكن الي يتوظف بالواسطة احسو اخذ مكان مو من حقه ان يأخذ واكيد انو في احسن منو بكثير
ومعليش اذا طولت في الكلام
واذا في اي سؤال عن القسم حقنا اسألي وانا موجود

[DarkRoXaS 13]

كلامك صحيح 100% طيب بالنسبه للعملي المختبر عندكم كيف دراسته وشكرا يا d.a.n.t.e.

[do0ody-do]

أنا راح أقلك ع نسبة البنات يا حلوه

٤.٥٠ هي اكتر بس في الخمسينيات .. البنات أدفر من الأولاد فعشان كدا النسبه عاليه

و من ناحية المختبر أنا مرررررررا كان نفسي فيه بس أنا من التنوي الوضع اتحول لتغذية ^^

بعدين تخصصاته مرا حلوة دم و جينات و فايروسز يعني ..

ربي يوفقك