عندك زي المدير هذا...!

[الزهراااااني]

السلام عليكم ياشباب
المدير في الدوام طلبني اجيب جدول الاختبارات قبل شهر من بدء الاختبارات
ويقول لازم تجيب لي جدول موضح فيه المواد اللي عندك واسمك يكون في الجدول<<والله المدير النشبه صدق

سؤالي ياشباب هل من الممكن انه اطبع جدول الاختبارات واسمي موجود
وياليت تعطوني الطريقه لاني مااعرف لها <<< موظف جديد
فما عندي خلفيه هل هيه الافادة اطبعها بس او يوجد طريقة ثانيه
وشكرا

[الأمورة بسوم]

مآشاء الله على مديرك

اتوقع مآتقدر الحين لأن الجدوآل لسسه مآنزلت ولسه بدري عليهآ

[طالب بكلوريوس]

اقولك شي

اخريوم دوام لك قبل الاختبارات
قوله الاسبوعين الجايات عندي اختبارات مع السلامه

وبعد ماترجع عطه افادة الجامعه مع الجدول .
ولو ما اعجبته قوله هذا الي عندي ويبي يحولك للتحقيق ويبي يكونون متفهمين لانهم يعرفون النظام مو زي هالمدير المتسلط

النظام معك ويكفل لك الاجازه ماعليك من احد حتى الوزير مايقدر يمنعك طبعآ لو معك موافقه مسبقه على الدراسه .

[شجره المسك]

السلام عليكم تقدر تأخذ الجدول لما ينزل مع جدولك الدراسي والمدير راح يقارن المواد في جدولك بالمواد في جدول الإختبارات وجدول الإختبارات أظن ينزل قبل أسبوعين من الإختبارات

[fahdxxx]

شوف اخوي الكريم انا بعد موظف وفاهم النظام زين ....
ودي اسألك سؤال :
هل عندك موافقة رسمية ( خطية ) على مواصلتك للجامعة ؟
اذا كان جوابك نعم فما يهمك احد اول ما ينزل الجدول ارفقه بخطاب وعطه لمديرك وحط معه جدولك ( موادك )
ولا تنتظر موافقته و بعد نهاية الامتحانات اطبع من النت افادة بأنك حضرت الامتحانات وقدمها له
و صدقني مايقدر يسوي لك شيء

[نبع الغديرFF]

شفت مديرك هذا خله يجلس يضرب اخماس ف اسداس
طنشه وروح اختبر
واذا عنده شيء قول له روح بلط البحر..

[albader]

شوف اخوي الكريم انا بعد موظف وفاهم النظام زين .... ودي اسألك سؤال : هل عندك موافقة رسمية ( خطية ) على مواصلتك للجامعة ؟ اذا كان جوابك نعم فما يهمك احد اول ما ينزل الجدول ارفقه بخطاب وعطه لمديرك وحط معه جدولك ( موادك ) ولا تنتظر موافقته و بعد نهاية الامتحانات اطبع من النت افادة بأنك حضرت الامتحانات وقدمها له و صدقني مايقدر يسوي لك شيء

نفس الكلام ....

بعض المدراء بتفلسفون وبالنسبه لي ساكت عشان اخذ قبلها يومين ... ولا انا عندي موافقه وانواع الطنش ولا له دخل كم موادك ووين جدولك اذا خلصت عطه خطاب انك حضرت الاختبار ويخب عليه ....

صارت قبل سنتين مع واحد من زملاءنا ماعندها الا 4 مواد فقط وبين كل مادة ومادة 3 ايام لا ومادة راسب فيها والمواد الباقيه 60 وجاء المدير يبي يتفلسف رفع فيه جاءه مالك شكل هذا شغل ودرجها بالعامية ... تحياتي

[الزهراااااني]

الله يعطيكم الف عافيه ياشباب وان شاء الله ربي يكتب لكم المعدلات العاليه

بالنسبة لوضعي ياشباب ما اخذت موافقة رسمية من الشركة ولا شي
ايش السوااات في هذي الحالة
والف شكر
بالتوفيق

[Tamim]

انت شكلك قطاع خاص مو عام علشان كذا افضل لك تاخذ اجازه من رصيدك وتريح راسك ...

[الجاهز]

اخوي الزهراني اسمع بارك الله فيك
طالما انت في شركه فلائحة العمل والعمال هي المطبقه بحقك وبموجب الماده رقم65 منها والتي تنص علي ما يلي: تمنح المنشأة العامل السعودي الذي يتابع تدريبه أو تحصيله العلمي إجازة بأجر كامل طوال مدة الامتحان وذلك عن سنة غير معادة تحدد مدتها بعدد أيام الإمتحان الفعلية ، أما إذا كان الإمتحان عن سنة معادة فيكون للعامل الحق في إجازة دون أجر لأداء الإمتحان وللمنشأة أن تطلب من العامل تقديم الوثائق المؤيدة لطلب الإجازة وكذلك ما يدل على أدائه الإمتحان . وعلى العامل أن يتقدم بطلب الإجازة قبل موعدها بخمسة عشر يوماً على الأقل . ويحرم العامل من أجر هذه الإجازة إذا ثبت أنه لم يؤد الإمتحان ، مع عدم الإخلال بالمساءلة التأديبية

ولا بد اخوي الزهراني ان اللائحه تستخدم ثلاث عبارات في الاجازات وهي
1- يستحق العامل
2-يجوز للعامل
3-يسمح للعامل
وللمعلوميه لم تتطرق اللائحه الي اخذ موافقه مسبقه لاداء الامتحانات وبالتالي ينطبق عليك البند الثالث (يسمح للعامل) فلا يضيقنا صدرك اخوي ومثل ما قالو الاخوان كلها ايام ويضهر كل شي