يآحلوين بخصوص دوره اليوم التدريبيه تبع السنترآ الي ما حضرت تتفضل

[آمال جده]

السلآم عليكم ورحمة الله وبركآته

كيفكم بنآت أخبآركم إن شاء الله بخير وصحة وسلآمه

محآ أطوول عليكم انا كثير بنآت قالو يبغو يعرفو ايش صآر اليوم بالدوره التدريبيه

انا صرآحه استفدت منها اخذت مننا وقت تقريبا سآعه بس

عرفتنا ع البرنآمج الوضع أسهل مما تتصورو لآتشيلو هم أهم شي خلو تفكيركم كيف تجيبو معدل وبس

القلق والتوتر النفسي يضيع كلللل شي وأسالوني مجربه وأبعدي عن الصآحبات الي يجيبو لك الهم

في بنات تسبب لك القلق بكلآمها فاتك وقتك ضآع ومن الكلآم ذا صحيح وقتنا ضيق

بس تقدري تجيبي معدل قوي إن شاء الله ...

المهم محآ اطول بالمقدمات بقولكم الكلآم الي قالت لنا ومع انو كثير موآضيع نزلوهآ عن السنترآ

الى اني بفيدكم بالشي الي عرفتو وبرضو بنآت طلبو ذا الشي

أول شي طبعآ وضحت لنآ انو إحنا يابنات طالبات انتسآب مطور يعني لو آحد سالك ماتقولي انا طالبه تعليم عن بعد لآ اولآ احنا دآفعين 3000 يعني احنا طالبات انتساب مطور

طالبات التعليم عن بعد يدفعو 4000 ويكون عندهم حضور وغيآب وكل شي زي الانتظام بالظبط

لكن اللهم انو دي تدرس من البيت والثانيه في الجامعه حتى الشهاده أقرب للإنتظآم

يعني خلآصه الكلآم دا انو احنا طالبات انتسآب مطور وليس تعليم عن بعد في فرق بينهم كبير


ثآني شي قالت لنا كيف نحمل البرامج المطلوبه طبعآ مانحتاج فقط الا برنآمجين الي همآ

1/ الجآفا
2/ برنامج السنترآ

التحميل يكون مرآ وحدهـ فقط يعني لاتحمليه مرتين مثلآ

وبرضو ياحلوين في بنات سألوهآ وقالو ممكن الويندوز لو علآقه انو البرامج ماتشتغل او شي لآ

الويندوز مالو اي علآقه سوآ كان 7 أو كان فيستا او xp

طبعا اذا خلصتي تحميل للبرامج لآتقولي ليه مااشتغلت لآنو محآ يبين معاكي لانو الدوره لسه مابدأت أصلآ

انتي تنزليها ع الجهاز عشان تكون عندك جاهزه للإستخدام وقت الدوره

وبخصوص القلق الي يجي بنات تقول دخلت وبعدين مافتح معايه

أطمنو يآحلوين لانها محآ تفتح الا لما تبدأ الدوره

كيف تدخلي على السنترا انا اقولك

تتبعي الخطوآت ذي :

1/ تفتحي موقع الجامعه

2/ تروحي على العمادات من القائمه الي فوق

3/عماده التعليم عن بعد طلآب

4/انتساب مطور

بعدين تلاقي ع اليمين مكتوب خطوات الإنطلآق بالنظآم

بعدين تختاري نظام الفصول الافتراضيه

يفتح معاكي صفحه بيضاء تلاقي مكتوب فوق عربي / إنجليزي اختاري عربي أفضل لك

وبرضو مكتوب اسم المستخدم والرقم السري

طبعآ اسم المستخدم هوآ رقمك الجامعي

الرقم السري الهويه الي هيا السجل المدني لكن بدون رقم 1 الي هوآ اول رقم

وأعيد وأكرر محا يفتح معاكي الا يوم السبت إن شاء الله قبل المحاضره بربع سآعه

او اثناء المحاضره عادي بس بعد المحاضره خلآص تلاقيها مسجله مايمديك تحضري اذا انتهى وقتها

وبالنسبه للحضور والغياب منتي مطالبه فيه يعني على كيفك تبغي تحضري في وقتها ماتبغي برآحتك

لانو أصلآ حتلاقي كللللللللللللللل المحاضرات مسجله في الادوس الي هوآ تدخلي على بياناتك منو

اي محاضره جديده تتسجل على طوووووووووووول دآيركت ترجعي لها متى ماتبغي على كيفك

بس نصيحه لكم تابعوهآ اول بأول عشآن الوقت ضيق علينا وأي مشاكل توآجه الطالبه تراجعهم


وزعو لنا ورقه بس للاسف الاسكنر عندي مشكله فيها الي تقدر تدعم الموضوع بالورقه تسوي خير والله


بس رآح اكتب لكم المهم فيها الي أقدر اسآعدكم فيه


1/ رقم الجامعه 6952000

2/ مركز الاتصال بعماده التعليم عن بعد 26499- 26373-63892

3/القبول والتسجيل :

وحده القبول 96550
الشؤن التعليمه : 63752-26255

عماده خدمه المجتمع : 26134


موآقع تهمك

http://kau.edu.sa

موقع عماده التعليم عن بعد

http://elearning.kau.edu.sa/


موقع الفصول الافتراضيه سنترا

http://centra.kau.edu.sa/


موقع مشغل جآفا

http://java.com/en/download/index.isp


إن شاء الله أكون أفدتكم

أي استفسآر اانا حآآضره


أهم شي أدعولي أجيب معدل عالي ويحقق الي ببالي


دمتم بوود



ملآحظه حآبه أضيفها اذا مافهمتي شي ترآ في سآعات مكتبيه تروحي للجامعه للدكتوره وتفهمك

ورآح تعطينا ايميلها عشآن اذا حآبه تتواصلي معاها

والي حآبه برضو تحضر وتتآكد بنفسها بكرآ في فرصه برضو بس روحو بدري عشآن تلحقوو

لآنو اليوم سووها على دفعتين عشآ ماكفت المقاعد

وترآ الحذف او المنهج الكامل حسب الدكتوووووره الله يعين بس

[المحبه في الله]

يديكي العافيه كفيتي ووفيتي
بس كيف اعرف مواعيد المحاضرات ما في شي عندي عند بياناتي

[وردة الأيام]

مششششششكورة آمال جدة والله يعطيكي ألف عافية
من أول وانا أنتظروحدها تحاكينا عن اللي صار اليوم
لكن بغيت أسالك عاتي لو اروح بكرة الدورة وانا مو مسجلة
من أول ياليت تردي .

[آمال جده]

ايوآ يآعسل عادي في بنات دخلو بدون تسجيل اليوم بس حاولي تروحي بدري

لانو تكون على دفعتين بكرا ماادري

[...moon...]

مشكورة صراحة ماقصرت وان شاء الله تجيب معدل عالي

[آمال جده]

المشاركة الأصلية كتبت بواسطة المحبه في الله يديكي العافيه كفيتي ووفيتي بس كيف اعرف مواعيد المحاضرات ما في شي عندي عند بياناتي

الله يعآفيكي

لآنو لسه مافتح النظآم يآحلوآ يوم السبت ان شاء الله لما تدخلي على السنترا رآح يفتح معاكي

وبتلاقي المحاضرات والساعه ولكن بتلاقي المحاضره مكتوب بالانقلش وجنبها رمز الماده

يعني مثلآ الرياضيات math 111


كل ماعليكي تضغطي فقط على حضور واذا ماحضرتي بوقتها بتلاقيها مسجله في الاودس تبعك

[آمال جده]

المشاركة الأصلية كتبت بواسطة ...moon... مشكورة صراحة ماقصرت وان شاء الله تجيب معدل عالي

العفووووو الله يسمع منكـ يآرب أجيب معدل عالي

[سومة الصغيرة]

طيب بالنسبة للمحاضرات الي تسجلت كيف طريقة فتحها

[آمال جده]

المشاركة الأصلية كتبت بواسطة سومة الصغيرة طيب بالنسبة للمحاضرات الي تسجلت كيف طريقة فتحها

حسب مافهمت منها اليوم انو لما تبدأ السنترا حتلاقيه في الاودس

والبنات خطه ب تقدر تسآعدك من فين تدخلي عليها

عموما لما تبدأ السنترا رآح يبين لنا كل شي

[سومة الصغيرة]

يعطيكي العافية ماقصرتي