طالبة المشورة

[ريموووووني]

انا من اول ما بدأت التسجيل في الجامعة وانا حاطة في بالي ادارة موارد بشرية ادارة اعمال
ولسوء حظي والكثيرين مثلي قررت الجامعة انها تسوي تجارب على دفعتنا 10
انها نقلت ادارة الاعمال لرابغ
صح الحمد لله الدراسة والاختبارات في جدة وانا سجلت على هاده الاساس ادارة اعمال
رجعو دحين فتحو الموضوع بالذات دحين وانا احضر الدورات كتير مدرسات بيقولو اان السنة الجية الدراسة في رابغ
حاسة نفسي مشوشة وغير الضغوط اللي من بيتي وحالتي النفسية والقرارات اللي كل شوية تتغير من نفس الجامعة
هاده حتى اقرب الناس بيحطمني اني أأجل وان رابغ ماهي مهم اي شهاده وخلاص
هاده لسة ما دري انو في احتمال ان السنوات الجية في رابغ
والله اني لدرجة صايرة افتح الكتب مني قادرة اسوعب وما بقي شي على الاختبارات
بما انكم طلبة زيي وانا عارفة ان في كتيير عندهم ظرووف زيي
من جد مررة محتاجة رفع معنويات
هل أأجل وأحول ادارة واقتصادة عامة ولا استمر واذاكر واتوكل على الله
ترى انا مني شايلة هم ان الوقت قصير على قد انهم ينقلو الدراسة في رابغ لاني عارفة اذا سوو كدة حأحول وأتحمل هاده التعب على فاضي

[Wisaal]

ليش حبيبي تضيعي وقتك وتفكيرك فأخبار مو أكيده
انتي حاليا ركزي في دروسك واختباراتك مشان تجيبي معدل كويس
غير كذا لاتأجلي ولاتحولي وتضيعي ع نفسك ترم كاامل
لم يقولو انه اكييد صارت الدراسه في رابغ حولي
بعدين مين قال ان تعبك حيروح ع الفااضي بالعكس انتي لم تحولي
راح يحسبولك عدد الساعات اللي درستيها وينقصوها لك من عدد ساعات التخصص
اللي راح تحولي له يعني تعبك ماحيروح ع الفاضي
يلا حبيبي شدي حيلك وجيبي معدل كويس
ولاتششغلي نفسك بأي شي غير المذاكره
الله يوفقك ويشرح صدرك

[ريموووووني]

اشكرك على كلماتك المشجعة
من جد كنت محتاجة ان احد يوجهني
الله يوفقك دنيا واخرة يارب وينجحك ويحقق لك اللي في بالك يارب