نتهى الاضافة و الشعب مقفله و شكلة التخرج مطول :(

[kikiwiwi]

السلام عليكم يا جماعة :)

كيفكم

عندي مشكلة حتشيبني من بدري << أول نتخرج

أنا باقيلي 7 مواد على التخرج وحدة منهم عام تلاحقني كل سمستر بس ما أقدر أضيفها عشان مشكلة التعارض

المهم هذا السمستر نزلتلي مادتين ( 6 ساعات) و في مادة مهمة للأسف الشديد لازم أخدها هذا السمستر ما قدرت أضيفها لأنه الشعب مسكرة و أخاف أأجلها تصير مشكلة تعارض بسبب المادة العام النحيسه اللي تلاحقني (وأنا تخرج) << صارت كابوس يطاردني و الله

اليوم طلبنا توسيع للشعب بس الى الآن ما صار شي و شكله ما بيصير

و الكل عارف انه السبت مافي إضافة بايد أعضاء هيئة التدريس <<< بس مو متأكده من الخبر بس دايما كده

أبغى أسأل في حاله زي حالاتي ايش تسوي عشان تنضاف المادة.................... الله يستر من الجواب

[أم رنيم]

وعليكم السلام ورحمة الله وبركاته

المشكلة بسيطة

بما أنك على وشك تخرج , فأكيد المرشده الطلابية حتساعدك أو المسؤولة عن طالبات الإنتظام
لأن بنت خالي زيك على وشك تخرج وأضافوا لها فقط 9 ساعات
ولما راجعتهم قالوا لها بإذن اله حيوسعوا الشعب من أجل البنات الي حيتخرجوا

اعملي الي عليكي وراجعيهم وضروري تخبريهم انك على التخرج
وإن شاء الله يساعدوك

وبالتوفيق

[kikiwiwi]

أنا عملت كده بس إلى الآن ما صار توسيع بالشعب..

و أنا علمي إنه هدا الأسبوع فقط هو اسبوع تعديل الجداول....

الأسبوع خلص و ما نزلي غير 6 ساعات

يصير إنه مواد المفروض أخدها بنات مستوى خامس ياخدوها!!!!!!!!!!!!

[أم رنيم]

المشاركة الأصلية كتبت بواسطة kikiwiwi أنا عملت كده بس إلى الآن ما صار توسيع بالشعب.. و أنا علمي إنه هدا الأسبوع فقط هو اسبوع تعديل الجداول.... الأسبوع خلص و ما نزلي غير 6 ساعات يصير إنه مواد المفروض أخدها بنات مستوى خامس ياخدوها!!!!!!!!!!

خليكي وراهم وراهم قبل ماينتهي الترم

وبالنسبة للكلام الي باللون الأحمر مافهمت قصدك منه !!!!!!!!

[kikiwiwi]

هذا السمستر فيه لخبطة بالجداول

لمن نزلوا الحدف و الإضافة في بنات أخدوا مواد مستوى سابع (في االخطة مقررة عليهم في مستوى سابع) و هم لسه دوبهم داخلين التخصص ماخدينها يعني مستوى خامس و سادس

[أم رنيم]

أيوة ممكن يصير خاصة ان كانت المادة ليس لها متطلب سابق أوأخذوا المتطلب السابق لها

لأنه أنا صار معي في المستوى الخامس كانوا منزلين لي مواد مستوى ثامن << يحسبوني عبقرية
لكن انا حذفتها ومشيت بالخطة وهو الأفضل

[kikiwiwi]

و الله أنا خايفة انهم ما ينزلوها يوم السبت بروح للمرشدة إذا ما سوت شي بروح لرئيسة القسم تحلها << المشكلة إنه المرشدة عملة إضراب و ما جات الجامعة أمس و سكرت جوالها و كل ما أحد يكلمها تزعقله

كأنه المشكله بايدنا حلها

إنا لله و إنا إليه راجعون

[نايس جده]

الحين يمكن ما يحلون مشكلتك لانك منتي خريجه لكن لمن ربي يوفقك وتكوني خلاص خريجه يضيفو المواد اللي تبغينها ولو فيه تعارض يضيفون الماده لك مثلي انا الترم هذا الحمدلله خريج وعندي شعب تم توسعتها وعندي مادتين فيها تعارض عادي لاني خريج ..............

[نايس جده]

اذا كنتي خريجه عادي ما عندك مشكله يضيفون لك الشعب اللي تبغينها حتى لو فيها تعارض او فيها شعب مقفله يعني ممتلئه انا الترم هذا خريج ووسعوا لي بعض الشعب وعندي مادتين فيها تعارض وعادي اضافوها لي فلا تشيلي هم .......

[kikiwiwi]

أنا باقيلي ترم غير هذا..
طيب كيف حتدرسيها إذا فيها تعارض ؟!!!!!!!!!