انا تعبت ابغاكم تساعدوني الله يسعدكم

[فرفوووشة]

كان عندي موعد في المستشفى يوم الربوع الساعة 7
قالي الدكتور خليكي في اجازة يومين لانك مرهقة وانا كنت ابغا اروح لليوم الارشادي
ماقدرت لانو الدكتور منعني
الله يسعدها الا تعلمني كل حاجه حصلت وكل حاجه قالوها يوم الربوع
والله ادعيلها في كل صلاة
ولو تبغا على الخاص كلو واحد عندي
وشكرا

[A N G E L]

يا خيتو
شوفي احلى جوجو
وهبوش
يساعدوكي ان شاء الله
وفي كم بنت راحو يوم الارشااد
ادخلي موضوع (( يالله بنات نتقابل الاربعاء..)) شوفي الردود وحتلاقي اللي راح واللي ما راح اوكي
اتمنى اكون افدتك
تقبلي مروري :)

[memoo2009]

انا الي اعرفه من البنات الي راحوا

انه يتكلم عن السلوك وما السلوك وانهم ما استفادوا اي شي

حبيت افيدك بالي اعرفه

[أحلى جوجو]

ياقلبي سلامااااااااااااااااااااااااااااااااااااااااا تك ماتشوفي شر انشالله

بس لاتخافي مافي شي مهم انقال
يعني عادي

[ٌRoSe]

سلامات يا قلبي واهم شي صحتك والجامعة ملحوق عليها

وبالنسبة ليوم الربوع ماجابوا شي جديد

الحاجة الوحيدة الي عرفتها انو التخصيص في الكليات حيكون نهاية الترم الاول ...

[ٌRoSe]

:اوه ونسيت ابشرك انو الاختبارت الدورية حتبدا الاسبوع السادس>>احلى بشارة مو خخخخ

[YaSSo0o0oRi]

والكلآم دآ .. ينطبـق على الأولآد كمــآن ولا كيف ؟؟؟

والله بصرآحة صدمـــــة ..!!

[ReeM..M]

وقالو كمان على المكافاءت انو الادبي 850 والعلمي 1000
وانو حساب الجامعه مو حساب شخصي بس للجامعه وانو لو ماتصرفت المكافاءه خلال تلاته شهور مدري ايش يعملوبها << شي زي كدا هههههههههههههه
وانو ازا جبتي معدل 4.5 تترفع
امممممممممممممممممممممممممممممـ وكمان تكلمو على قوانين الجامعه
والخروج الغير شرعي :)
تحالي للتحقيق وزي كدا وفصل
وتكلمو عن فائدة السنه التحضريه وانو دا نظام الجامعات العالميه وتساعدك في تحديد تخصصك
وتكلمو على التخصصات وكل كليه ايش اقسامها
وسو كدا في الاخير اماكن لكل قسم تروحي تسالي وتاخدي اوراق
ووزعوا علينا اوراق فيها خريطه واشياء كدا عاديه
وشغلو نشيد الجامعه
<<< ترا تكتمت جوا لان حتى انا الدكتور منعني الدوام بس عاندت ههههههههههههههههههههههههه
فـ بس لمن تكتمت ماقدرت اكملها اللي حضرت اكتر من كدا
ان شاء الله تفيدك

[ميار]

حبيبتي اول مادخلنا وزعو علينا شنطه جوتها في اوراق تتكلم عن الخطه الدراسيه وخريطة الجامعه وانو الجوال بكاميرا ممنوع وبعدين جلسونا في القاعه وبدئنا على الساعه 10طبعا اتكلم مدير الجامعه ومدير عمادة القبول والتسجيل بعدين شغلو النشيد الجامعي وبصراحه كان كلامهم مطمن يعني ريحونا بالمره وقالو انو الي عندو مشكله او انظلم في ماده يقدر يرسل ايميل لمدير الجامعه على موقعو المهم بعد كدا عرفونا على الاقسام لكل مسار وعن العمادات الي نقدر نروحلها وتخص مشاكلناومتى نقدر نتخصص وعن نظام الاعتذار والاشياء المسموحه والممنوعه في الجامعه وانو اذا كونا حابين ندخل الاب توب نسئل الامن والسلامه عن الطريقه وكمان اتكلمو عن المكافئات للمسار العلمي 1000 والاداري 950 وبعد كدا عن النشطات الي تعملها الجامعه وعرفونا على وكيلات كل كليه وبعدها عملو سحب ووزعو جوائز وانتهينا عالساعه 11ونص برا كان موجو اركان تتكلم عن الاقسام وزعو في اوراق تعرفكي اكتر عليها وبس
عالعموم كان يوم حلو

[شودا]

سلااااااامتك حبيبي وإن شاء الله في عدوينك

والله ياقلبي ماأخدنا شي مهم عرفونا على العميدات وكل عن
ميده أتكلمت ربع ساعه وجانا النوم وقالولنا على المكافأتإنها تطلع كل 25 في الشهر

وبس ياقلبي