مشكلة بالنسبة لي تحتاج إلى نقاش

[*قطــ ع ـة ســ ك ـــر*]

عارفه الموضوع شدكم بس من جد موضوع يستحق ان يكون محط انظار الجميع وياليت القى مشاركه


انا طالبه في الجامعه سنه تحضيريه سمعت انو الاختبارات كلها بالعربي طبعا غير الانجليزي

واليووووم اخذت الصدمه الكبيره الي هيا كل الاختبارات انجليزي حتى المذاكره انجليزي

بصراحه نفسي احد من الدكاتره يعرف كيف احنا كنا في المدارس يلا يلا نمشي في الانجليزي بدف

دحين جو يفتكرو علينا انو كل شي بالانجليزي بصراحه شي مره صعب

على الاقل كانو يعودونا في الثانويه دحين يبغو يدونا كل شي من جد شي صعب فجا تصير الامتحانات كلها

انجليزي طيب حتى المذاكره انجليزي على الاقل اذا في احد يحدد معانا مرره مافي

والله حرام الي يسو فينا ناخذ هذا الكتاب الي اكبر منه مافي ونذاكره محنا عارفين ايش نذاكر

على الاقل اذا في احد يحددويقولنا هذا مهم هذا لا يعني اوكي بس كذا نخذها على عمانا

انا قررت ادخل معهد بس خايفه ما اقدر اوفق بين الدراسه وبين المعهد

والله مني عارفه ايش اسوي يليت كل وحد او وحده تدخل تقولي رائيها ؟؟!

في هذا الموضوع واذا عندها اقتراح تقوله يعني اعتبرو هذا الموضوع لي النقاش

من جد ابكي على حالي ولا على طموحي الي تحطمةمن جد بعد الخبر اذا شوفتو شكلي كيف صار

اتحطمت نفسيتي بشكل ؟؟؟؟؟؟؟؟؟؟

[kikiwiwi]

لا تشيلي هم

كل اللي يدخلوا الطب أو صيدلة أو كليات طبيه كده في البداية كده متأزمين من اللغة بس لا تشيلي هم الاختبارات ان شالله حتكون سهله و حيراعوكم

بس زمان ليس ببعيد كانوا يحددوا مستوى الطلبة و يقسموهم إلى قروبات ما أدري تغير الوضع و إلا كيييف؟!!!

و كويس موضوعك نبهنا انا ننصح اخوانا يقوا اللغة عندهم ^ـــ^

[صعب المناآآل]

ايوووة جبتي الموضوع الي ما خلاني أنام بصراحه خووف وتوهمات وشكوك بعدم النجاح ووووو.....

لاكن أنصحك نصيحه أخوية لا تقربين المعاهد وإلا بتغلطين غلطة عمرك وما رح تستفيدين بأي شئ

لا تقوولين الشهاده حبيبتي الأنجلش الي نأخذه أبسط شئ والله مرررة سهل حاولي تشدين حيلك وشؤيت اهتمام

صدقيني رح تجيبين المعدل كاامل بأذن الله..

نجي الحين للأحياء صراحه هذي الماده أحس أني بضحي فيها من جد لاكن بدعاء الوالدين وبتشبيك الدكتوور

بأذن الله رح تتزبط الأوضاع...

تقبلي مروري tote-00@hotmail.com

[DNA..~]

حبيبتي..

احنا تعرضنا لنفس حالتكم العآم :(

عموماً لا تخافي الإختبارات بما انها موحده حتكون اختياري وصح وخطأ..

ونوعاً ما.. واضحه..

الله يسهل لنآ كل امورنآ..

[أنا نفسي نفسي]

ماعليك والله تتسهل من جيث لاتحتسب
وكليها على ربك
وانسي الخرجات هذا الترم وشدي حيلك مررررة عشان المعدل

[Ghelatee]

لا تتعقدي حاولي تتعودي وكوني ايجابية لا تصيري سلبية عشان لا ينعكس على فهمك

أنا أشوف إنو شي حلو يلي صايرلكم أنا أتمنى أدرس بالإنجلش

إذا تخرجتي من الجامعة ولغتك مو قوية صدقيني صعبة مرة

بالنسبة للمعاهد دخلت معاهد لين طففشششششششت تتقوي لغتك شوي بس مافي ممارسة إلا بإطار المطاعم السوق وبس بدون ممارسة دايمة ماراح تتقوى اللغة وكمان القصص والكتب يفيدو

إنتي سوي يلي عليكي والباقي على رب العالمين

وحطي فبالك كل يلي معاكي من الطالبات نفس الدراسة يلي إنتي درستيها (اللغة نسبية من بنت للتانية بس) يعني حيراعو دا الشي

[*قطــ ع ـة ســ ك ـــر*]

يسلموووووووووو كل الي مر على الموضوع بصراحه شجعتوني

وياااااارب يوفق الجميع وراح احالو مااخاف

[hot cocoa]

الله يعينكم ان شا الله

بس ان شا الله حتتعدوااا

وفكروا في النتيجه الحلوه اللي حتحصلواا عليهااا بعد ما تتمرسوا في اللغه الانجليزيه

الله يعينكم ويعيننا

شكرا

[noo0oona]

انا اقولك ياحبيبتي انتي بالمحاضرة ترجمي اول باول مع الاستاذه وترى اغلب الكلمات بتكون متكررة يعني ان شالله بسهوله راح تحفظيها
وعادي ياقلبي اذا ذاكرتي اول باول صدقيني ماراح تواجهي اي صعوبه كلنا كنا زيك وعدينا اعرف وحده ماشالله تبارك الله خلصت اول سنه بالعلوم بمعدل 5 بس طبعا شدت حيلها مرة