جدول الدورهـ التأهيليه الثانيه من تصويري

[Tayyar]

بسم الله الرحمن الرحيم

اول موضوع لي في هذا المنتدى الرائع ,,

طبعآ اليوم وزعوا علينا الجدول مصور شامل كل التخصصات ،،،< اول مره يسوونها

واعذروني لاني حطيت الصور بالمرفقات لاني ماقدر احطها فيذآ،،

دعواتكم ،،،

[Tayyar]

اخر جدول مسسسكين لحاله ههههههههههههه

[امل عطشان]

اخوي تكفى شف وش يصير معك في الدوره مع القراءات الاداريه لاني محتااااس فيها ولاادري وش اذاكر في الماده

[الرغامة]

يعطيك العافية بس الوقت متى الساعات

[Tayyar]

المشاركة الأصلية كتبت بواسطة امل عطشان اخوي تكفى شف وش يصير معك في الدوره مع القراءات الاداريه لاني محتااااس فيها ولاادري وش اذاكر في الماده

ابشششر بسعدك وانا اخوووك

انا حضرت اليوم لهالماده مع الكتور فهد الحركان والدكتور اليوم ماشرح شي بس عطانا

نبذه بسيطه عن الماده وقال انها تعتبر سهله وماده مثل المطالعه بس بالانجليزي وطبعا

مصطلحاتها اداريه ،، وماطولنا بالمحاضره اليوم لان الدكتور كان وقته ضيق وعنده

محاضرات ( على حد قوله ) ونبهنا على موقعه يقول فيه كل شي عن الماده من مذكره

وتمارين ،،، وابشششرك الدكتور قال بيعطينا ملخص مختصر مختصصر ان شاء

الله مايطلع منه الاختبار تقريبا بس بنهاية الدوره ،،، وانا ان شاء الله بحضضر معاه

لين نهاية الدوره والله يوفق الجميع،،،

[مرور11]

مادة قراءات اداريه باللغه الانجليزيه متى موعد اختبارها واللي عنده ملخص يفيدنا تكفون

كمان بحوث عمليات متى ؟


كمان عندي سؤال اللي ماسجل بالدورات يقدر يحضر ؟ واذا مسموح متى موعد دورة هالمادتين ؟

((( الف شكر اخوي tayyar

[Tayyar]

المشاركة الأصلية كتبت بواسطة الرغامة يعطيك العافية بس الوقت متى الساعات

هلابك اخووي

يالييت احد المشرفين يصصغر الصور لانها كبيره وماعرفت اصغرها

بس عندي لك حل

حرك السهم اسفل الصفحه من اليمين الى اليسسار وبيطلع لك الوقت وماكن المحاضرات

اسسسعدني مرورك،،

[الرغامة]

الله يرحم والديك
سياسة عامة
علوم سياسية
المادتين هاذي دوراتها الساعة كم في الصباح هي ولا في الليل
وجزاك الله خير

[الرغامة]

مشكور والله يجعلها في ميزان حسناتك ياTayyar
بس عندي طلب صغيرون
الي يعرف شي عن دورة السيرة النبوية ياليت يفيدنا

[Tayyar]

المشاركة الأصلية كتبت بواسطة مرور11 مادة قراءات اداريه باللغه الانجليزيه متى موعد اختبارها واللي عنده ملخص يفيدنا تكفون كمان بحوث عمليات متى ؟ كمان عندي سؤال اللي ماسجل بالدورات يقدر يحضر ؟ واذا مسموح متى موعد دورة هالمادتين ؟ ((( الف شكر اخوي tayyar

والله يا خووك الى هذي اللحظه وحنا ننتظر جدول الاختبارات،،،

وبالنسسبه للدوره عآآدي تقدر تحضرها < مو مسسجل وحاضر،، :/

واوقات المحاضرات مسسجله بالجدول فووق ،

العفو اسسعدني مروورك،،