اشتقــت لك ياطيــر

ماجد ابن مرزوق · #1 20-10-2008, 09:30 PM

ياطير لي قصه ..وحكايه.. مـع الـدوح
.....مادري على خبري ..مكانـي .. مكانـي

اشتقت له ياطير ..في ..خاطري . بـوح
.....عيني بها عبـرّه .. وقلبـي ... يعانـي

ضاقت بي الدنيا ..وانا حيل .. مجـروح
.....يغيب جرح .. ويندمل..جـرح ..ثانـي

والوقت كنـه لااق ..مـاوالله ..يـروح
.....حتـى الدقايـق .. ثابتـه .. والثوانـي

احيان .. صدري يقتل ..الصمت. ويبوح
...واحيان صمتي .. يشتعل .. بالمحانـي

طعن القرابه.. كنها.. نزعـت ..الـروح
.....وطعن الصداقه .. هم بعد .. مـاخلاني

ياطير انا..مليت ..من قول ..مسمـوح
.....وانا ادري . ان اللي ..رماني .. رماني

طير الوفى ..شفته..على الدرب ..مذبوح
.....وفاقت ..دموع العين .. حـد ..المبانـي

مثل السراب اللي ..على طارف.. الصوح
.....صوح ..وخلا ..قفرّه .. سمومه..كلانـي

ياطير وصل.. اعذب الشـوق .. للـدوح
.....واحجز..مكاني ..لاحد ..ايـجي ..مكاني

ونات ..صدري ..تنـتهد ..لحّنها ..نوح
.....اي من جميع ..الناس.. قلبي..يعاني !!

Al-general · 20-10-2008, 10:27 PM

طعن القرابه.. كنها.. نزعـت ..الـروح
.....وطعن الصداقه .. هم بعد .. مـاخلاني

يعطيك العافية ابو مرزوق

n_n · 21-10-2008, 12:30 AM

ياسلااااااام روعه والله .... قمت أغنيها بلحن حزين ولا أعجبني صوتي وعدتها !!!

اشتقــت لك ياطيــر

جـنـة الـحـرف