الدوام الجامعي و توقعات الجو!!.

[شيتوز]

السلام عليكم ورحمة الله وبركاته
اما بعد....
الموضوع باين من عنوانه ، زي ما احنا شايفين توقعات الطقس
اجواء ممطره اثنين وثلوث وربوع.
ولله الحمد اليوم كانت المطره مطرة خير وما كانت قويه، لاكن الله اعلم بكره وبعده اش راح يصير
فكنت حابه اعرف هل في شص مسؤول تكلم بخصوص الدوام الجامعي او لا؟؟


وهل انت عزيزي المنتسب لجامعة عزوز بداوم بكره ولا لا؟؟


انا عن نفسي اذا ما صدر بيان رسمي بعدم الذهاب للجامعه فأنا بإذن الله من الحاضرين

رجاءً شاركنا رايك.
تحياتي...

[ǁ غــلأآإ ، رٍوٍحــي ǁ]

^^
يب عن نفسي مدآومه لأخر قطره في الجآمعه
اصلا هذا أخر اسبوع بالنسبه لي .. لأن ختمنآ المنآهج ولله الحمد :)

بس مآفي اي شخص تكلم بخصوص الدوآم الجآمنعي مع الأجواء ..
بس دآم الأمور مستتبه .. فالدوآم ماشي ..

[hope11]

انا لو ما جا مطر قوي ان شاء الله رايحه

[وحشتني ايامك]

	الصباح راح اقررعلى حسب اذا في مطر طبعاراح اغيب لانه وصلتني رساله على جوالي ان الدفاع المدني ينشرقبل قليل قوارب مطاطيه شرق جده واليات فنيه وصافرات انذارفي مناطق خطره شرقي جده ماهوله بالسكان واستعدادات ايضامن قاعده الطيران العمودي في منطقه جده تحسبالاي حاله طارئه مترتبه على سوء الاحوال الجويه ومعلنين حاله التاهب ربنا يلطف مادري الخبر صحيح اولا

[Braid]

غياااااب طبعااا انصح الجميع يغيبو

[عبق الزهور]

يارب الين متى بنعيش بذا الرعب الي متىىىى ياليت فيه مصداقيه من جميع الجهات الممعنيه بالموضوع جامعه ودفاع مدني يعني اروح واذ جا مطر يقولو اطلعو برا ماحنا مسولين عنكم انا وين اروح لااقدر اسوق ارجع بيتي والباص 13 بنت فيه متى برجع بيتي يعني والنهايه مدري المفروض في مصداقيه موب الوضع تمام واحنا الضحيه وبعدين ياليت به مباني كويسه بالجامعه 420 المبنى الجديد والكويس غرق بالمطر وين نروح طيب مااقول الا حسبي الله ونعم الوكيل بس

[يالبى أنا]

السلام عليكم
الصراحة انا مررة مترددة ماني عارفة اروح او لا فياريييت اللي متاكد من اي خبر يكتبه لنا هنا عشان نعرف لان سمعت اخبار ان بكرة راح يكون كسوف جزئي للشمس والله اعلم
الله يحمينا

[sim sim]

الله يستر ..... خوفتوني
انا بكره عندي اختبار وما اقدر اغيب..

[الخلوق]

المشاركة الأصلية كتبت بواسطة عبق الزهور يارب الين متى بنعيش بذا الرعب الي متىىىى ياليت فيه مصداقيه من جميع الجهات الممعنيه بالموضوع جامعه ودفاع مدني يعني اروح واذ جا مطر يقولو اطلعو برا ماحنا مسولين عنكم انا وين اروح لااقدر اسوق ارجع بيتي والباص 13 بنت فيه متى برجع بيتي يعني والنهايه مدري المفروض في مصداقيه موب الوضع تمام واحنا الضحيه وبعدين ياليت به مباني كويسه بالجامعه 420 المبنى الجديد والكويس غرق بالمطر وين نروح طيب مااقول الا حسبي الله ونعم الوكيل بس

قال تعالى:(ألا إنّ أولياء الله لا خوف عليهم ولا هم يحزنون)

يا أخت(عبق الزهور): المقصود من الآية:- أن الذين يوالون الله ويكونون معه في السراء والضراء لا خوف عليهم ولا هم يحزنون ، فلا داعي للقلق والتوتر ، كوني مع الله كوني واثقة بأن كل شي مقدر ، أنا ما أقول إذا لقيتي الدنيا سيول روحي الجامعة ...لا... أهل جدة بعد حادثة سيول جدة أصبحو يعانون من خوف من أول قطرة مطر تنزل .. مثلا اليوم جاء رش بسيط خرجت من الجامعة لقيت الناس في حالة توتر وناس تعاكس الطرقات مسرعة .......... لكن اعلمي أن الرسول صلى الله عليه وسلم قال((لا يلدغ المؤمن من الجحر مرتين)) ............. يعني مو المرة الماضية جت أمطار وسيول وماتت ناس .. المرة هذي بتجي سيول زي المره الماضية .. إذا المرة الماضية جت أمطار وماتو ناس ترا قبلها مئة مرة جاء مطر والناس على طول تطلع البحر ولا صار شي .................. يعني اعلمي أن كل شي مقدر .............. ولكن الناس ما تبي تروح الجامعة تخاف يجي مطر وسيول ويموتون .. لا شك الكل يخاف من الموت .. لكن علشان ترتاحون تذكروا أن الله قال:
(قل إن الموت الذي تفرون منه فإنه ملاقيكم ثم تردون إلى عالم الغيب والشهادة)
-وقال:
(ولكل أمة أجل فإذا جاء أجلهم لا يستأخرون ساعة ولا يستقدمون)

يعني كل شي مكتوب ومقدر



....أتمنى إني خففت ولو القليل من روعكم....

[شيتوز]

me to
عندي اختبار عربي >>>> ~_~