مع أو ضد

[ظل الياسمين]

شحالكمـ يالطيبين ؟؟
<< إمارتية غصب

إممممم
شفت هالمقطع على اليوتوب
أزعجني بصراحة ,, رغم إنه يعتبر وجهة نظر شخصية
واعتراضي رح يعتبر إني متحيزة لأفكاري وإني ما أراعي وجهات النظر الثانية
بس خفت بصراحة يكون هذا فعلاً رأيكم ,, وتكون نفس النظرة نظرتكم
لأنه صعقني حيييييييييل
أجل البنات طلعوا عااااار وطلعتهم ودخلتهم مالها لزمة

وش يعني تطلع أختك السوق ؟؟
وش يعني توديها مطعم ؟؟

عفواً << مسوية وقفة
بس ترى مو أي وحدة تطلع السوق صارت يع
ومو أي وحدة خاطرها تتعشى بمطعم صارت يع
ومو أي وحدة تلازم البيت رح تصير وااااااااااو

ترى الكبت يولد الإنفجار
وإذا اخينا بالله يعتبر البنت ( عار ) فأنا بجد اسفة عليه
لازم يفرق بين العار و العرض
العرض هو إلي لازم تحميه ,, والعار هو إلي فلت من ايدك وطار



إلي أبيه منكم تقولون لي
إنتم مع أو ضد روحة البنت للسوق و المطعم ؟؟
إنتم مع أو ضد توفر الإنترنيت للبنت ؟؟
إنتم مع أو ضد في أن تكون طلعة البنت للدراسة وبس ؟؟
<< متأثرة ببرنامج ضد التيار


وبالأخير أبيكم تفهمون أنا مو مع طلعات و دخلات البنت لحالها رغم إنه أحياناً اشوفها عااادي
ولا أبغى يكون هذا موضوع النقاش<< عارفتكم
أنا أبغى رايكم بالمقطع وبكلام الولد

[شــفــافـــة]

معليش ماقدرت اكمل المقطع قهرني وربي

وقفته وهو يقول البنت عار

وما أظن انه يمثل وجهة نظر شريحة من مجتمع
وجهة نظره هو وبس

وما أعتقد انه في أحد يأيدها

أنا ماني مع ولاضد خروج البنت لوحدها
لأنه فكرة مع أو ضد تكون على شي في موضع شك
وخروجها من بيتهم لوحدها حق طبيعي بما أنها انسانة عاقلة
يعني ما اظن في أحد بيجي ويقول لا مايسير تطلع لوحدها إلا إذا كانت البنت في موضع شك بأخلاقها
أو عدم ثقة بأسلوب التربية

تسلمي خيتو ظل الياسمين

[ظل الياسمين]

مشكورة شفافة على الرد
وكلامك عين العقل والله :)

تعجبني ردودك دائماً ,, وأحسها قريبة مني

[Lawmaker]

المضحك عندما يقول: أختي أنا محافظة..وماتطلع من البيت نهائياً..
ثم يعقب: هذي أختي عاري ..كيف أطلعها..!
ثم تأتي الختمة الدرامية: بكرا لاصار شي محد بينفعني بيصير وجهي في التراب..!!!
..

أنا مع طبعاً..
إبادة هذه الفئة من المجتمع.!
فمن يحرم غيره الحق في الحياة يستحق حرمانه منها.!
..

[سمية السلمي]

هذا يدل على جهله وسفهه .. عار ... مين جابتك على وجه الارض ..مين اللي راح تجيب عيالك ... مين ومين ومين...

لازم يفرق بين العار و العرض العرض هو إلي لازم تحميه ,, والعار هو إلي فلت من ايدك وطار

اما خروج البنت من بيتها لوحدها .. توفير الانترنت ..و و و و

هذا يعود عل ثقة الاهل ببنتهم والبنت والتربية السليمة

مو التشديد والعقاب بالعكس هذا يولد تأثير عكسي تماما


وزي ماقلتي الكبت يولد الانفجار


شاكرة لك ظل الياسمين

[كفى بالله وكيلا]

وش هذا والله شباب متخلف والله والله والله الي تبي تسوي شي تسويه حتى لو كانت محبووووسه بس هيه ع التربيه والثقة خلاص الحين صار كل شي متوفر واللي تبي الشر تلقاه واتمنى الشباب السعودي يغير تفكيره شوي لان والله همه مخربطين في دنيااااهم علشان كذا خايفين بس اذا انت واثق من نفسك ومن اعمالك اكيد مابتخاف لان كما تدين تدان ويمكن الحبسه للبنت تخليها تسوي اشياء اهيه محرومه منها مو من شي بس لانها محرووومه بس لو بتفااااهم والنقاش وانظمه الخروج تتقيد فيها يعني ماتطلع متبرجة او لابسه بانطلون و....و... اذا هيه محتشمه ليش ماتطلع
بعدين الشباب حتى همه عندهم سمعه فيه شباب يسهروا مع بنات وفلة والبنت ماتبغى الولد زي كذا وفيه شباب محافظين يطلعوا ويسهروا بس بحدود زي البنات في بنات فله وفي بنات محتشمات وسوووون اللي يبغون ياحترام واللحين متزوووجين لا جابوا العار لاهلهم ولا شي بالعكس قدرت تربي عيالها من الفساد الموجود وكيف تعالجه لانها شافت واختلطت وتعلمت مو زي المحبوسه في البيت واتمنى تغيروا فكرتكم..
الله يهدي شباب المسلمين ويستر بنات المسلمين....ااااااميييييين

[ظل الياسمين]

مسهر أجفاني أنا إلي شاكرة لك ردك يا عسل

Lawmaker أنا معاكي بالإبادة ,, من جد يحرمون على غيرهم ويحللون لهم

كفى بالله وكيلا مشكورة يا عسل على الرد ,, هم بس لو يفهمون إن كل شيء راجع للتربية كان هانت

[شموع32]

ظل الياسمين

شكلك شفتي موضوعي ورحتي جبتي المقطع<========= اتخيل لو الي في المقطع شاف موضوعي راح ينتحر مو بس عارررررر ههههههههههههههههههه احس انه راح يطالب بهدر دمي

انا من التعليقات حسيت اني ضغطي ارتفع من المقطع اجل كيييييييييييييف لو شفته

بس جد الله لا يبلانا
والمجتمع مايرجع على ورا الا من ذي الاشكال

[ظل الياسمين]

هههههههههههههههههههههه
من جد الله لا يبلانا