ابي مشورتكم وخبرتكم

[police-wow]

السلام عليكم ورحمه الله

كيف الحال
هذي اول مشاركة لي وعندي اسئلة ابي لها اجوبة منكم الله يرفع قدركم انشاءالله

اول سؤال هو متى التسجيل انتساب بالجامعه وهل لو سجلت اكيد راح يقبلوني بالترم الاول من العام القادم والا مو شرط ممكن يحطوني بالترم الثاني علما ان شهادتي الثانوي عام 1425هـ
ثاني سؤال انا احب اللغه الانجليزية واتمنى ادرسها وبعرف ايش الشروط عشان يقبلوني فيها بعد السنة الاولى
السؤال الثالث اسمع الناس كلها تتكلم عن مادة الاحصاء بالسنة الاولى وابي اللي درسها يقولي هل هي صعبة ولا لا

والسؤال الاخير لي اخوي درس انتساب بالجامعه وكمل السنة الاولى وبقيت عليه مادة الاحصاء وترك الدراسة لمدة 3 سنوات هل يقدر يرجع يكمل الدراسة من نفس المستوى اللي وقف فيه والا ضروري يعيد من جديد
اتمنى اجد الاجوبة منكم وبامان الله اترككم وعذرا على الاطاله

[ω ħ м]

حيأك الله اخوي
شوف بالنسبه للسؤال الاول لاتخاف تطمن الجامعه راح تقبلك ان شاء الله

السؤال الثاني اي يقبلوك بالتخصص بس لازم معدلك يكون 3

وبالنسبه لماده الاحصاء من وجهه نظري انا الحمدلله مره سهله وعجبتني

والسؤال الاخير والله ماني متأكده منه
لان الجامعه كل شوي تغير النظام لازم يروح الجامعه ويسأل بنفسه عن وضعه

الله يوفقكم يارب ويتكتب لكم الي فيه الخير

[police-wow]

طيب معدل ال 3 سهل ولا من الصعب انوا الشخص يجيبه

[سكون الورد k.a.u]

المشاركة الأصلية كتبت بواسطة police-wow طيب معدل ال 3 سهل ولا من الصعب انوا الشخص يجيبه

كل شي بالمذاكره سهل ...
وراح اعطيك لمحه عن المواد اللي بتدرسها بالتحضيري

رياضيات >> تافه جداااا بما انك علمي وبما انه في اختراع اسمه آله فيها كل شي كل اللي عليك تدخل الارقام فقط
عربي >> سهل مايحتاج
ثقافه اسلاميه >> سهله جدااااااااا
حاسب >> يبيله تركيز ولا هو سهل مايحتاج
انقلش 101>> يبيله دراسه بس حتى هو سهل
احصاء >> سهله القوانين تجيك على ورقه مطبوعه وكل اللي عليك تعوض لكن لازم تذاكر المنهج زين وتعرف من قانون من ؟؟؟
مهارات الاتصال >> ماتحتاج دراسه اصلا
التفكير والبحث العلمي >> مره تافه بس يبيله تركيز
انقلش 102 >> سهل ايضا ويحتاج دراسه

دمتم بود

[ماهر العتيبي11]

ماقصروا الصبايا الدراسة سهله وانا أخوك .. بس تبي الرغبة ..!! توكل على ربك وقدم آوراقك .. وبالتوفيق

[KHALIDHH]

عليكم السلام

شوف بصراجه البنات كل شي سهل عندهم
وبالنسبة لمادة الاحصاء هي جاااامدة بكل ما تعنيه الكلمة
بس .... إذا بتجيبلك مدرس بتصير تمام ( المدرسين مالين البلد عند كل مكتبة تلاقي لزقة على الجدار مدرسين)
وبالنسبة للمعدل تجيبه وانت مغمض ... الدراسة سهالات وسبحان الله - الله ييسر الامور من دون ما تدري
انا كنت خايف وشايل هم الجامعة وما دخلت الا بعد تردد ثلاث سنوات والحين انا في السنة الثانيه واحس اني توني مسجل امس

وبالنسبة للغة ترا اعرف واحد من الشباب معدله 2 ونص وداخل انجليزي - توه متخصص هذا الترم (راح جدة ونشب لهم لين حطوه في التخصص)

انا انصحك سجل ولا تتردد ولا تضيع وقت

بالنسبة لسؤالك الاخير انا اليوم بعد اختباري ( بعد صلاة المغرب) بسأل وإن شاء الله اجيب الجواب ( ما اوعدك اخاف ماحد يعطيني شي مفيد)

[KHALIDHH]

على فكرة انا متخرج 1423

أول ما سجلت جاني القبول

انت انتساب ما تتعطل باذن اللله

بعدين الحين كثير طلعوا من جامعة عبدالعزيز وتوجهوا الى جامعة الملك فيصل ( عشان السعر والمقر)
يعني لا تخاف على القبول

الله يوفقك

[KHALIDHH]

في حديث أبي الدرداء الذي في السنن المشهور؛ قال -صلى الله عليه وسلم- من سلك طريقا يلتمس فيه علما سهل الله له به طريقا إلى الجنة.

مو موقع سماحة الشيخ ابن جبرين
http://ibn-jebreen.com/book.php?cat=...58&subid=18466

[KHALIDHH]

مساء الخير

اليوم بعد الاختبار مريت وسألت لك

بالنسبة للغة الانجليزية : المعدل مفتوح لكل قسم الاداب من ضمنها قسم اللغة الانجليزية ( يعني اهم شي تعدي السنة التحضيرية)

وبالنسبة لأخوك الله ييسر أمره : يقول لازم يقدم في أقرب فرصه على الجامعة في جدة وهم يحولونه الى اللجنة الثلاثية يدرسون موضوعه وقاللي اذا راح وحاول فيهم بنفسه بيتيسسر أمره ( يقول المشكله ان المسموح عندهم التغيب لمدة ثلاث اترام فقط) بس ان شاء الله بيتيسر أمره.

بالنسبة للتقديم راح يكون في شهر 4 أو 5 تابع موقع الجامعة.

بالتوفيق...

[بقـــايا مشاعــر]

تبغى نصيحة أخ
والله إذا انت من أهل جده أقول لك إذا ما فيه افضل منها مالك إلا مقرودك
بس إذا مثلي ومثل غيري آلاف من برى جده صدقني بتتعب نفسيا وجسديا وماديا
نفسيا < الجداول تتأخر .. كل يوم طالعين بنظام
جسديا < مشاوير الطريق وزحمة جده واهل جده اعرف بالشي هذا
ماديا < الله يعينك على الإيجارات غير الكتب أنواع الأستغلال فيها ما تلقاها إلا في جده وأكثرها لمنسوبي الجامعه بالعربي جالسين يسترزقون مننا بأسعار بعض الأحيان خرافيه
وإذا انت من الرياض أو مدينه ثانيه لا تنسى البخشيش حق الـ dhl بالعربي الفصيح ][ فر من جامعة الملك عبدالعزيز فرارك من الأسد ][
ما أقول لك هالكلام اكرهك فيها بس والله أنا عانيت منهم ومن نظامهم يعني بالله تخيل انك تختبر في يوم مادتين
لا تستغرب !!!
لأنك أنت بحدد المواد اللي تبغى تختبر فيها قبل ما ينزل الجدول وإذا نزل الجدول تلقى عندك مادتين في يوم واحد أو المواد الصعبه ورى بعض
واللي يقول لك ان موادها سهله وتافهه صدقني ما نصح لك لأنه ما راعي الفروق الشخصيه بينك وبينه يمكن عنده سهله لأنه درس ثانويه علمي .في ناس درسوا أدبي أكيد بتكون صعبه عليهم .. غير كذا في تخصصات قفلوا الإنتساب فيها علمي
بس فيه جامعه الملك فيصل أسأل عنها سمعتها زينه
بعطيك شوي من مميزاتهم
المشاركه عن طريق النت وتاخذ عليها درجات
تختبر بالمنطقه اللي أنت فيها
الرسوم على المواد ماهي على الترم يعني أن جميع المواد له سعر محدد ماهو مثل جامعتنا لو ما عندك إلا 9 ساعات مثل الأترام الصيفيه تدفع 3000 كأنك دارس 18 ساعه
وغيرها حاجات يمكن انا ما أعرفها
بالاخير حبيت أقدم لك نصيحه مجانيه من واحد جرب الجامعه
واعتذر من أصحاب الردود اللي قبلي .. بس هذي وجة نظري وأتمنى ما أكون زعلت أحد
تمنياتي للجميع بالتوفيق والنجاح الدائم
انتظروني في اخر ترم من الجامعه اعشيكم على حسابي