اللي ما يدخل بيندم

[ahmad0016]

السلام على الجميع .. وانقى تحية صباحية.. بمناسبة إنتهاء الإمتحانات.. ياشباب ويابنات نصيحة لاتقدر بثمن!!
أنا هاذي أول سنة تحضيري .. كنت أدخل المنتدى يوميا لأنه حايس ولا يص في البداية من وين أبداء وكنت معتمد على كل شاردة وواردة من هافشاعات اللي يوميا تزخ مثل الأرانب ما بين هذا محذوف وهذا ملخص دكتور وهذا مهم .. حتى تهت في المذاكرة.. مع العلم ملاحظة إن البنات مزودينها في موضوع نقل الإشاعات عن المحذوف والمهم!!!
ياجماعة أول سنة تحضيري في عام 1423 هـ كنت قد بدأت الدراسة لترم واحد وانقطعت تخيلو إن أكثر من 90 % من أسئلة الإمتحان جات من المحذوف اللي حذفوه الدركاترة لنا أثناء الدورة التأهليلية.. لهذا يوم رجعت ابكمل الدراسة حلفت إني أول شي أذاكره المحذوف حتى لو كان اللي حذفه الدكتور بسماع عيني وشوفة إذني!!..
الخلاصة رسالة لكل من بث معلومة خاطئة بناء على كلمة سمعها من هنا والا من هناك!! وش ذنب هالمساكين اللي توهقوا من كلامك ؟؟!!
أرجع وأقول يجب على إدارة المنتدى حذف أي موضوع لا يحمل صفة القطعية والتأكيد..
وعلى كل طالب وطالبة يسوي اللي أنا سويته!!
يذاكر من المخلص ويفتحا الكتاب قدامه علشان يطمئن ان الملخص ما فوت شي وعشان يستفيد من التوسع في الشرح في الكتاب.. إذا تاه عن معلومة!! علما في أن كثير من الملخصات أخطاء تودي اللومان.
صدقوني مع إني أطلت عليكم.. إن ما يبغى منك إلا إنك تحبه وتأخذ الموضوع من باب التثقيف الشخصي وزيادة المعرفة وإلا اللي في الملخص مقصقص شوي من الكتاب والهدف تجاري بحت.
راجع من الملخص لاباس بس خلي الكتاب معاه صفحة بصفحة..
لاحضت ملاحظة شديدة إن الطلاب والطالبات يعتمدون على أسئلة السنوات الماضية وتلاخيصها .. وهذا أمر بالغ الخطورة حيث أن بعض المواد تتغير في طريقة طرح الموضوع وهذا أوق كثير من الدراسين في مأزق.. أخيرا لا تعتمد على معلومة غير موثقة ولا على ملخص.. وإذا لزم الأمر أعطي الكتاب نفسه لمدرس دافور يلخصه لك ويعطيك الزبدة.. لا تعتمد على الملومات المتضاربة كان الوقت كافي إنك تراجع من الكتاب وتلخص المعلومة في الوقت اللي جلست فيه قدم المنتدى ورحت تدور هنا وهناك عن معلومات جلها مضللة. حبايبي الترم الثاني بدأ هذه النصيحة خليها مفتاح مذاكرتك وخطتك الجاية .. أنا طبقتها وما راح أندم لأني واثق من الحل ولله الحمد والمنة.. أخوكم أحمد القطب سنة تحضيري خطة ( أ ) ... حائل