التمثـــال..حامد زيــــد..

[chocolata]

السلام عليكم ورحمة الله وبركاته..

هذي قصيدة من قصائد الشاعر المبدع حامد زيد..

بجد القصيدة قمة في الابداع..

التمثــــــــــــــــــــال

عفا الله عن خطا غدر الخناجر والضلوع ابطال
باسامح واتركك تحت الظلام لحالك لحالك

دخيلك وفر دموعك ترى هدر الدموع اذلال
وترى مافيه احد يصبر مثل صبري بغربالك

انا عيب علي انقض كلامي والرجال افعال
واذا قلت اقطع حبالك تراني بأقطع حبالك

عشان أكسب هدب عينك تجرعت العذاب اشكال
وليتك ترأف بحالي علشان أرأف بحالك

مسوي في حياتي شي مايذكر ولا ينقال
حشا حتى العدو واهو العدو مايعمل اعمالك

تمسيني على الهم وتصبحني على الغربال
تقلطني فناجيلك وتقصر عني دلالك

تحملت التعب لاجلك وانا حملي يهد جبال
رحلت من العذاب وماوقفت الا على جالك

علامك كلما أجيك متواضع جيتني تختال
معاك إليا متى أبصبر وصبري معك يحلى لك

مثل ما اقبلت لعيونك لزوم تلدلي باقبال
ومثل ماقد حشمتك حس وأحشم قلبي اشوالك

أنا محد بجابرني اساير معك هالمنوال
ترى لاني تبيعٍ لك ولا ني أصغر عيالك

أنا جيت اعشقك نبض ومشاعر مااعشقك تمثال
انا جيت اسكنك واحياك وابقى فيك وابقى لك

أنا جيت بظما عاشق تعب يطرد سراب الـلال
أنا جيت استفز رضاك من فرقاك والجالك

انا ماهمت بك عاقل انا كنت اعشقك بهبال
انا ماكنت احبك حي انا كنت اعشقك هالك

تخيل من كثر ما اخاف تلقى للزعل مدخال
أخاف اخطي على طيفك وادوس برجلي ظلالك

تبعتك والعرب تتبع رعود البارق الهمال
وأنا شفت المطر يتبعك في حلك وترحالك

كأن اللي خلق حسنك خلقني مع جسدك ظلال
وصرت اقرب جسد يمشي معك بقفاك وقبالك

ابي قلبك يحس انه فقد بمحبته رجال
ملكته من هدب عين وخسرت ارضاه باهمالك

صحيح ان الفراق اقسى ولكن الوصال محال
وانا صعب علي ارضي غرورك واضعف قبالك

بعد ماحققت عيني فبعدك للرقاد آمال
اعود للسهر ياخوي فال الله ولافالك

ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك

بالمك وانثرك واجمعك وارجع وانثرك باهمال
باخونك وازعلك وارضيك وازعل منك وارضى لك

ابرسم بالثرى وجهك وابدفن صورتك برمال
ابشكي للعرب فرقاك واضحك عند عذالك

ابهديك الوصال فراق واهديك الفراق وصال
باسوي مثل مااشوفك تسوي وافعل افعالك

عشان تعرف من فينا الزعول ومن وسيع البال
ابيك تذوق فنجالي وانا باذوق فنجالك

نصيحه واحتفظ فيها قصر الزمان أو طال
ابي تسمع كلامي زين وتحطه على بالك

اذا حبك هبال اطفال لك عندي هبال اطفال
ولا .. وابشر بعد بهبال حب ماهو بهبالك

واذا قصدك تهين اسمي عشان تشمت العذال
حشا لا انته ولا غيرك ولا عشرة من اشكالك