اي الجامعتين اقوى ؟.الفهد او العبد العزيز؟.

[صانع الهدف]

يروادني شعوور باني متحير بين الجامعتين جامعة الملك فهد للبترول وجامعة الملك عبد العزيز
؟. ايهما افضل ؟.
وليش ؟.
وعلى اي اساس يقسم الافضل ؟.
وليش يقولون جامعة الملك فهد اقوى بكثير من عبد العزيز .(اشرحلي هذه النقطة .؟؟
مااهمية الدراسة بالنسبة للشغل .,.مدام احنا نروح نشتغل .؟
)

[Ӎṝ.7ṂṍṍḊḽ :)]

على حسب التصنيف الدولي للجامعات واحسن جامعة على حسب التصنيف مو جامعة الفهد لكن جامعة سعود احسـَن وحدة دحيـَن ويعتمد على حسب البحوثات العلمية الي تقدم بالجامعة وعلى حسب الطلاب وعلى حسب الدكاترة الي يدرسوا فيها وهذي هي الاشياء الاساسية في تقييم الجامعات .. وبعدين تجي مرافق الجامعة والنشاطات
لكن في المجمل العام كل ماكانت الجامعة فيها دكاترة علماء وطلاب دوافير كل ماصارت احسن وسمعتها قوية ودراستها اقوى وتزيد مراتب بالتصنيـِف بس جامعتنا من اسوا الجامعات صراحـة ’’ مافيها رقابة ولا شي والوضع مفلـت وواسطات ومزبلـَة .. بالنسبة للشغل فانا اقولك اياها من الحين عندك واسطة بتشتغل ماعندك واسطـة اصفط على جنبـ .. وطبعا على حسب تخصصك وبرضو الجامعة الي تتخرج منها تاثر في قبولك للوظيفـَة
لكن ماقول غير الله يوفق الجميـِع

[sultanooh]

حسب اللي اسمعه ان جامعة فهد اصعب

[صانع الهدف]

كيف يعني مافي رقابة ::
والشيء الثاني ليش احنا ندرس وندرس وبعدين نشتغل ...يعني الدراسة راحت سدى /::::

[Ӎṝ.7ṂṍṍḊḽ :)]

يعني مثلا عندك الغش بالاختبارات اسهل منه مافيه .. والاسئلة تتسرب .. يعني الدنيا ضايعة والنتايج ملعوب فيها مداك بواسطة تجيب مية وانت نايم ..
بعدين الدراسة مو عن انه تشتغل ’’ الدراسة تهيئك للشغل .. والاشياء الي تتعلمها بالشغل غير وبالدراسة غير طبعآ لكن كل المعلومات الي تاخذها الحين مجرد عملية تهيئة لك
يعني مثلا الطبيب يدرس طب عشان يصير مهيئ لانه يكون طبيب لكن بامكانه يغير رايه لو ماحب الشغلة لكن بعد ماياخذ الشهادة يصير هالادمي مهيء تماما ليستلم مهام الطبيب بالمستشفى
وقس على ذلك امثلة كثيرة

[sultanooh]

ايوه صحيح
اختبار الفيزياء حق الدوري الاول جاء طبق الأصل من اختبار السنة اللي فاتت

المفروض يغيروا الأسئلة اين الرقابة ؟؟

[صانع الهدف]

اعطوني معلومات :::فروقات ::::بين الجامعتين .؟
حتى اقتنع ////////////::

[Ӎṝ.7ṂṍṍḊḽ :)]

والله عشان الواحد يعطيك فروقات لازم يكون داخل الجامعة نفسها .. انا عن نفسي مادخلت فهد ولا اعرف واحد دخلها بس اعتقد عندهم هناك رقابة وصرامة اشد من هنآ لان الادارة حقتهم اجنبية والاسامي الوطنية هي بس في الواجهة فقط

[مين قال ..!]

شوف انا صح بنت بس ملقوفه

يعني اقدر اقولك اني عندي معلومات تفيدك بما انو ماخليت شي الا وسالت عنو من ناحيه الجامعات اللي عندنا سواء لولد ولا لبنت

الله يعينك انا اليوم رايقه ومن زمان ماجاوبت ولا كتبت فراح تقرا كتيييييييير

المشاركة الأصلية كتبت بواسطة صانع الهدف يروادني شعوور باني متحير بين الجامعتين جامعة الملك فهد للبترول وجامعة الملك عبد العزيز ؟. ايهما افضل ؟. ياعزيزي انا واعوذ بالله من كلمة انا لو كنت ولد وخيروني بين الفهد وعبدالعزيز ماراح اتردد دقيقة وحده في دخول جامعه الفهد بما انها أفضل الموجود هنا <<<< افضل الدراسة برااا وليش ؟. انا اقولك ليش .. اول شي الجامعه بدت على يد ارامكو = النظام فيها اكثر ثباتا وقوة . التدريس فيها اكثر قوة واهم شي واللي اظنو يهمك ويهم كل مواطن المستقبل الوظيفي مضمون اكثر يعني باذن الله تتخرج وماتشيل هم الوظيفة << واولن واخيرن الارزاق بيد رب العالمين وعلى اي اساس يقسم الافضل ؟. مافهمت قصدك بالسؤال هذا ولكن لو كنت تقصد على اي اساس تقسم الجامعات من الافضل للاسوء على حسب معرفتي بعد استطلاع وسؤال واللذي منو حسب الخطة الدراسية حسب الكادر التدريسي حسب المباني والمختبرات وتوفر الادوات الدراسيه حسب جودة المخرجات من الجامعه = مستوى الطلاب المتخرجين منها = واللي نقيسه برغبه الشركات والمؤسسات = خريج الفهد مطلوب اكثر من خريج عبدالعزيز اكثر من الخ الخ وليش يقولون جامعة الملك فهد اقوى بكثير من عبد العزيز .(اشرحلي هذه النقطة .؟؟ لانها افضل منها في كل شي = كادر تدريسي , جودة مخرجات الخ الخ مااهمية الدراسة بالنسبة للشغل .,.مدام احنا نروح نشتغل .؟ مافهمت برضه ولكن لو كان قصدك انه ايش اهميه المكان اللي تخرجت منه مدام احنا كلنا راح نشتغل نفس الشغله اجاوب عليك ياعزيزي بانه انتا لو كنت صاحب مؤسسه وقدامك خريج من مكان مرموق وجيد بمعدل متوسط وخريج من مكان مشي حالك بمعدل عالي راح تختار الخريج المرموق ليه .؟ لانك تبغا واحد تعود على بذل الجهد + تحمل الضغوط + درس بطريقة افضل = اختيارك لاسوء الافضل احسن من افضل السيئين .. (يعني انتبه اصحاب المعدلات الواطيه مالهم مكان في اي منافسه) عشان كيذا الشركات تفضل خريج الفهد = انسان تحمل ضغوط + تحمل مسؤولية + درس بطريقة قوية يعني في الاخير اقولك يااخي لو انتا قدها روح . لكن لو مانتا راعي دراسه وكرف ولو رحت ترسب وهيك افضل لك اجلس هنا ولكن احرص انو تكون متميز = معدل عااالي + لغه ممتازه عشان تقدر تنافس خريج الفهد في المستقبل بما انو خريج الفهد بمجرد تخرجه من دي الجامعه ميّز نفسه عن الباقين بجودة الدراسه واللغه القوية وبيكون اختصر طريق طويل اللي خريج عبدالعزيز لازم ياخدو بعد التخرج <<< وركز على اخر نقطة لان من خلال استطلاعي لقيت انو اللي يميز خريج الفهد لغته القوية + المامه باللي درسه بصورة كبيرة ودي الشغلتين تثبتها بالمعدل العالي واللغه الممتازة = تقدر تنافسهم وان شاء تتميز عنهم كمان باختصار لو كنت تقدر تتحمل الضغط والدراسه القويه لمده خمس سنوات وتتخرج جاهز وملخص كلو = الفهد لو كنت صاحب بال وسيع وصبور وشاطر وتضمن انو تطلع بمعدل مرا عالي وتقدر تكمل بعد تخرجك الطريق = عبدالعزيز لانو نقدر نقول انو خريج الفهد بمجرد تخرجو يكون خلاص جاهز للعمل بعكس خريج عبدالعزيز اللي لازم يشتغل على نفسو ويطور نفسو )

[مين قال ..!]

المشاركة الأصلية كتبت بواسطة Ӎṝ.7ṂṍṍḊḽ :) على حسب التصنيف الدولي للجامعات واحسن جامعة على حسب التصنيف مو جامعة الفهد لكن جامعة سعود احسـَن وحدة دحيـَن ويعتمد على حسب البحوثات العلمية الي تقدم بالجامعة وعلى حسب الطلاب وعلى حسب الدكاترة الي يدرسوا فيها وهذي هي الاشياء الاساسية في تقييم الجامعات .. وبعدين تجي مرافق الجامعة والنشاطات لكن في المجمل العام كل ماكانت الجامعة فيها دكاترة علماء وطلاب دوافير كل ماصارت احسن وسمعتها قوية ودراستها اقوى وتزيد مراتب بالتصنيـِف بس جامعتنا من اسوا الجامعات صراحـة ’’ مافيها رقابة ولا شي والوضع مفلـت وواسطات ومزبلـَة .. بالنسبة للشغل فانا اقولك اياها من الحين عندك واسطة بتشتغل ماعندك واسطـة اصفط على جنبـ .. وطبعا على حسب تخصصك وبرضو الجامعة الي تتخرج منها تاثر في قبولك للوظيفـَة لكن ماقول غير الله يوفق الجميـِع

سلملي على التصنيف هااا

انتا شفت الجهه المصنفه .؟؟ قسم بالله مهزله ولعب على الدقون

يكفي بس انو مدير الجامعه يبشر منسوبين جامعتو بانها تصنفت ضمن احسن الجامعات وبالمرتبه الفلانيه بالزبط قبل حتى مايبدا التصنيف من الجهه المشي حالك اللي فرحانين بيها

واللبيب بالاشارة يفهم