طالبات نظم معلومات محاسبية مع د. آما ل عوض يدخلوا هنا شويتين

[حأقعد عالكاشير]

السلام عليكم ورحمة الله وبركاته
كيفكم صبايا إن شاء الله تمام

بدون أي مقدمات وبعد مانزلت درجات نظم اليوم اللي انصدمنا منها بقووووووة

قررنا إحنا مجموعة من البنات نروح بكرة عند د. سلوى أعظم نشتكيلها على اللي صار

يعني مومعقولة خسفتنا الدكتورة ومامعاها اي حق في االلي سوتوا في الدوري الثاني ولا في العشرة الدرجات اللي في يدها

المهم إن شاء الله الدكتورة سلوى تكون متفهمة فاللي حابة تكون معانا حيااااااااااها

واللي حتشوف الموضوع متأخر عادي تروح للدكتورة سلوى في الوقت اللي يناسبها
عشان لمن تشوف ثلاث ارباع الشعبة جايين يشتكوا تحط الموضوع فراسها وتعرف انو جدي


والله يوفقكم جميعا
وإن شاء الله تكون الدرجات أحلى في المواد الثانية وتتعدل درجات المادة هذي

سلاااااااااام :)

[توووbearooيتي]

الحمدللهـ درجتي مررهـ ح ـلووهـ بس الح ـركهـ اللي بجد تغيض اللي عملتها في الدوري التاني

بس برضو كنت أستح ـق أع ـلى ياليت أقدر اجي بكرهـ بس ما أقدر ,,,

قولوا لنا اش اللي بيصيير معاكمـ بعد كدا ,,,

[حأقعد عالكاشير]

^
^
مي تووووو ياتويتي الحمدلله درجتي مرررة مرررة حلوة
بس برضو مناصرة لأخواتنا المضطهدات في الشعبة بروح أسوي مظاهرااااات عن د. سلوى ^^


إن شاء الله نبلغكم اش صار معانا


بالتوفيق جميعا :)

[LAYAN89]

يؤ ياليتني شفت الموضوع من امس

انا ابغى اروح لها اتأكد من الدوري الثاني والنهائي وال10 هذي الي بيدها؟؟ على اي اساسا اعطتنا هي!

انا درجتي حلوة بس برضو ابغى اتأكد

وبسألكم سؤال قبل الحين احنا في درس ادوات تحليل النظم اعطتنا بس خرائط التدفق بس؟؟ ماعطتنا الاداة الثانية الي هي جدول القرارات صح ولا انا ناقص عندي؟؟؟؟
لانها جابت بالنهائي سؤال عن جدول القرارات

ياليت تبلغونا ايش صار معاكم لاني بجد ارتفع ظغطي منها

[حأقعد عالكاشير]

هيا ماا دتنا عن جداول القرارات
والكلمة هذي ماكانت موجودة الا في الملزمة العجيبة في الدراسة المبدئية للنظم

احنا خرجنا من الاختبار ومحد عارف اش الجواب الصح

والعشرة اللي في يدها ماادتنا هيا كاملة لييييييييش ؟
عشانها تقول البنات قالولي انو الواجبات سبعة وانتو اديتوني ستة
والله مهووووية وانا احلفلها انها 6 تقول مانقصت كثيييير عليها

ود. سلوى ارسنالها ايميل شرحنالها كل شي واليوم رحنا ياقلبي عليها قعدت تدق على د. آمال بس ماردت عليها

وبس حنستنى الين يوم السبت حنشوف اش حيصير


وعن جد هذي الحرمة ماحنسكت لا عنها ولا عن الجوهرة اللي خسفت البنات في ضريبية وبجد كل مالها تتمادى

وبجد إذا مرة مانفع حنوصل الهرجة لمدير الجامعة عل وعسى يطردها من الجامعة ويفكنا من وجهها


أعوذ بالله منهم عن جد ياويلهم من ربي الظلم مو سهل
ودعوات البنات عليهم ماحتريحهم لا دنيا ولا آخرة

<< عارفة اسلوبي وقح لمن اتكلمت عليهم بس بجد مرررررة يقهروا الواحد

بالتوفيق

[ليونيتف]

حتى انا علامتي حلوة بس حرام جايبتلنا اشياء ماخدناها ايش صار معاكم انتو عشان لو في شي نرحلها

[LAYAN89]

جداول القرارات هي اداة لتحليل النظم زي خرائط التدفق قرأت عنها بالنت طبعا بالإختبار وطلعت الإجابة اننا نحط الخيار خطأ

وهي ماعطتنا عنها شي عرفتي

اما عن العشرة درجات هي ستة واجبات فقط
السابع هي قصدها على سؤال اعطتنا هوا واجب بعدين حلته معانا ..مو معقولة انها نقصتنا عليه؟!!!!!!!!!

اما الجوهرة القحطاني الله يستر منها انا معاها في متوسطة ويارب ماتظلمني في درجتي ياااااااااااارب

حسبي الله ونعم الوكيل على كل وحده بتظلم بنت عالفاضي

انا ماني عرافة ايش راح يستفيدوا لما يخسفوا في درجات البنت ويظلموها؟!! هذا حقنا وتعبنا حرام عليهم والله

[حأقعد عالكاشير]

جد ماادري اش يحسووووو :(

أما حكاية الدرجات يعني البنات اللي مقهورين أنو الدرجة حلوة بس انهم يستحقو أعلى

وعااااد ياكرهي للدكتورة لمن أكون عارفة اني المفروض اخذ تقدير معين وانا عارفة اني استحقو
وفجأة الاقي نفسي في تقدير اقل مما توقعت

الله يبشرك بدرجة حلوة في متوسطة ياليان بس برضو احتياطا هيئي نفسك لصدمة هذي ماتعرفي كيف تفكر
صحبتي اخذة معاها ضريبة دخلت عندها في النهائي وهيا في الدوريات بس ناقصة درجة فجأة تلاقي نفسها أخذة 89 يعني حتى مو a
يعني قمة القلة الحيا حتى درجة مارفعتها وهيا متأكدة انها حلت بس اش نقول حسبي الله ونعم الوكيل فيهم


الله يستر كل مالنا نشوف أشياء عجييبة واحنا على وش التخرج

إن شاء الله نتخرج من غير أمراض من حرقان الأعصاب دا

بالتوووفيق

[LAYAN89]

الله يستر من جد

يوم السبت بعد الإختبار بروح لها ابغى أشوف ورقة الدوري الثاني والنهائي وأتمنى انها تخليني أشوفها

بس المشكلة اخاف تحقد علي وانا الترم الي بعده يمكن آخذه معاها

الله يستر بس

[صمت الدنيا]

و انا كماان نفس الحاله ,,
وبالعمووم انا اعطيتها 7 واجبات قالولي البنات 6 قبل مااسلم قلت خلاص دام كتبته احطه من ضمن الواجبات ..
وع كدا نقصتني 3 درجات شكله اللي تجيب 7 واجبات تنقص 3 درجات واللي تجيب 6 واجبات تنقص 4 درجات ..

لانو كمان صحبتي معايا اعطتها 7 واجبات ونقصت 3 درجات واحنا حالين بالنهائي واذا مره حننقص نص ع شجره القرارت بس

ان شاء الله الاحد برووح لدكتورة سلوى اعظم اصلا احنا من بعد اختبار الدوري الثاني كنا ناوين نروح بس قالو البنات لا حتجيب اسئلة صعبة بالنهائي ادا اشتكينا عليهاا وهي صح جابت اسئلة سهله بس لازم تطلع الدرجه من عيوننا

بالعموم الدكتوره متعاقده مع الجامعة بس خلينا نشتكي عشان كمان اللي ورانا ما يكونو ضحيه لها يكفي احناا ,,