هذه درجاتي ،، اكمل الترم التاني والا اسحب ؟

[faisal idrees]

كيميا :"( 69
احيـآ :"( 81
احصا :( 83
انجليزي 1 :) 95
انجليزي 2 :) 95


وابغا طب ومااتخيل حياتي غير بالطب ، والا بجلس في البيت

فاريح نفسي واجلس في البيت من دحين والا اشد حيلي في الترم التاني وإن شاء الله ادخل


والله يرحم اهلكم وبوفقكم ويعطيكم اللي تتمنوه ، لا احد يواسيني ويقللي إن شاء الله في امل ،، اعطوني هيه بالعباره الصريحه اكمل والا لا ،،، ماابغا اعيش على امل وفي نهايه السنه آكل ــــــ

تحياتي للجميع :)

[lovely one]

زي ما قرأت في المنتدى انو لازم تكون الاحياء والفيزيا والكيميا والانقليش بي بلس و فوق
ان شا الله احد يفيدك اكتر مني

[faisal idrees]

شكرا عالرد وكمان ابشرك طالبين a بلس وانتي الصادقه

بس انا ابغا اعرف انو هل في امل والا لا ،، يعني قد احد جاب زي درجاتي ومشته الجامعه ؟

[彡yS❤Ry彡]

شوف وانا اخوك كان تبغاها نصيحة مني كمل
انا لو شفتك طايح في الانجليزي كمان كان قلتلك لاتكمل
لكن درجات الانجليزي مساعدتك مرة
يعني اذا انت تشوف حلمك في الطب
شد حيلك في الفيزياء عشان ترفع النسبة الخاصة > حاول تجيب 85 وفوق ومي صعبة ترى
وشد حيلك في باقي المواد الباقية اللي عندك
> وعندك أمل كبير ترى
بالنسبة للي طالبينه الجامعة ماعليك منهم
سووا هذي الحركة في السنة اللي قبل اللي راحت وفي السنة اللي راحت علينا
وفي النهاية يحطون b+
ماعليك منهم اصلا هم ياخذون باعلى عدد طلاب اخذوا نسب عالية
وغير كذا
عندك اذا مانقبلت في الفرع الرئيسي عندك شمال جدة >> احسن شي ترى شمال جدة > يمدح فرعه ^_^
واذا مانقبلت برضوا عندك رابغ
وغير كذا عندك موازي
يعني الفرص عندك كثير
انت لاتتحطم وشد حيلك
بالتوفيق إن شاء الله وعقبال مانشوفك من طلاب الطب السنة الجاية

[彡yS❤Ry彡]

المشاركة الأصلية كتبت بواسطة lovely one زي ما قرأت في المنتدى انو لازم تكون الاحياء والفيزيا والكيميا والانقليش بي بلس و فوق ان شا الله احد يفيدك اكتر مني

الاحياء والفيزياء والكيمياء والانقلش كلها مجتمعة
تسير فوق 85 يعني كذا يكون بلس
مو على انو كل مادة لازم تكون 85 لا مو شرط ترى

انا اذكر اني جبت في الكيمياء 75
والحمد لله ذحين في كلية الطب

والله اني احب ارد عليكم لأني حسيت باللي تحسون فيه
السنة الي راحت كان توتر وخوف فضيع الله يعينكم والله

>> ذحين جاني تبلد من صعوبة الاختبارات اللي اشوفها ^_^

[amal max]

^^^^^^^^^^^^^^^^^^^^^^^
طيب حتى احنا البنات ..
نفس هذا الكلام ..
يعني اذا صار عندنا ماده بال70 .. ولا ..؟؟

[faisal idrees]

ياشيخ الله يسعدك ،، قسم قسم قسم انك ريحتني وفتحت نفسي عالترم التاني :)))))))))))))))))

[彡yS❤Ry彡]

المشاركة الأصلية كتبت بواسطة amal max ^^^^^^^^^^^^^^^^^^^^^^^ طيب حتى احنا البنات .. نفس هذا الكلام .. يعني اذا صار عندنا ماده بال70 .. ولا ..؟؟

طريقة الحساب نفسها حتى عند البنات
بس المشكلة ان البنات دوافير شوي
لكن اذا شديتي حيلك بباقي المواد
إن شاء الله بتدخلين التخصص اللي تبغينه
وتراهم ياخذون في الفرع الرئيسي عدد البنات اكبر من العيال
يعني دفعتنا في الفرع الرئيسي اخذوا 200 بنت و 130 ولد
وعندكم كمان موازي > يعني بدون مكافئة
يعني الامل موجود بس انتم شدوا حيلكوا شوي
بالتوفيق إن شاء الله

[彡yS❤Ry彡]

المشاركة الأصلية كتبت بواسطة faisal idrees ياشيخ الله يسعدك ،، قسم قسم قسم انك ريحتني وفتحت نفسي عالترم التاني :)))))))))))))))))

الله يسلمك حبيبي ماسوينا شي واجبنا
وعقبال مانشوفك من طلاب الطب السنة الجاية إن شاء الله
بالتوفيق يارب
> ادعيلنا عندي بايو كمستري السبت الله يسسسسسستر

[faisal idrees]

الله يكون في عونكم إن شاء الله ،،،،، والله يعينكم من الامطار ،، بس اتوقع حياجلو الاختبار عشان المطر