بلادي بلادي وإن جار علي فيثاغروث والخوارزمي

[سعود الفهد]

بسم الله الرحمن الرحيم

حملت الرياضيات يا ناااس المااااده هذي عقدتي الأبديه ايام الابتدائيه والمتوسطه والثانويه كانت طريقة نجاحي اني انجح في جميع المواد واسقط فيها ويمشوني حسب انظمة المدارس انتم عارفينها
الحين وش الحل والله قبل الاختبار بشهر وانا مداوم عند مدرس يشرح لي
بعد كل هالجهد واحملها يعني خلاص مافيه امل لكل انسان طاقه وهذي طاقتي بالرياضيات
كل المواد نجحت فيها ما عدا الرياضيات
مدري وش الحل ساعدوني صاقت فيني الوسيعه

بعدين بيجينا الاحصاء الي يقولون انه اصعب من صاحبه الرياضيات

انا متخرج ادبي وش دخلني بالرياضيات والاحصاء وش هالتنظيم يا اخوان خلووني احمل كل المواد بس مشووني بالرياضيات بعدين هل لا سمح الله وحملتها ثانيه مع اني اضمن لكم راح احملها ثانيه
اقدر اتخصص واخذها معي واخليها لين وقت التخرج واقعد امخمخ عليهم الثنين
اسف على الاطاله بس من حر ما اونس <<< لهجة نجديه اصيله

بالتوفيق للجميع

[الفيلسوف15]

هونها وانا خوك وتهون

الاحصاء تراها سهله مرة اما الرياضيات والله اني مبطي منها,
مدري على خبري ايام الثانويه والا جاية بعلوم جديدة

الله يخارجنا وييسرلك امورك لكن عاد انك تخليها معك لين تتخرج وتوريها الشغل والله ماعندي خبر في هالجزئيه

[ماكنتوشه]

أخوي الرياضيات سسسسهله جدا
انت يمكن مافهمتها زين ..
الرياضيات مثل اللعبه ..
لاتحط انك راح تحملها ثاني وذاكر درس درس ..
وحمل اوراق الاختبار وحلها واللي موعارفه اكتبه هنا راح نساعدك بحله ..
مافيه شيء صعب والااحصاء قوانين وتطبيق كلها سهله ..

موفقيين ..

[السنحاني999]

بالعكس حرام عليك الرياضيات سهله وربي سهلله
جبت فيها 86 مع اني مذاكر مع نفسي بدون مدرس
وانصحك باتقان استخدام الاله الحاسبه فهي التي ساعدتني بعد الله في اجتياز هذه الماده

[ابو اسامه 106]

كلها حلوه وكلها سهله

بس انت ركز وذاكر زين

خذ هذي الملفات في هذا الرابط

http://www.skaau.com/vb/showthread.php?t=332239

حملها بعدين اطبعها وذاكرها مع حل اسئلة الاختبارات للسنوات السابقة

راح تدعيلي ان شاء الله

[عـالي مستواه]

ولا يهمك أخوي سعود

الترم الثاني أمسك الآله الحاسبة وأعرف كيف تحل اللي تفهمه

وخل الباقي على الآلة ..... كان المفروض تجيب لك مدرس يعلمك كيف تحل الأسئلة بالآلة مو بالفهم

إذا إنت في الرياض ... أنا مستعد أجلس أشرح لك كيف تحل 90 % من أسئلة الإختبارات بدون ما تفهم الرياضيات . أما الإحصاء باقي ما اخذته بس ممكن نتساعد .

[عـالي مستواه]

على فكرة أنا ما أستهبل عليك في أني أشرح لك قبل إختبارات الترم الثاني بأسبوع

على الآله الحاسبة في حل الأسئلة .... وببلاش لا تحسبني أدور بزنس .


وشرط تجيب أكثر 90 من 100 وإذا ماجبتها تصفقني هههههههههههههههه وعن كل درجة تجيبها أقل من 90 أعطيك 1000 ريال ( لأاني واثق بالله ثم بالطريقة )

أنا ذاكرت 4 أيام بس أي كلام
وفهمت الآله الحاسبة زين ونفعتني والحمدلله جبت 99 << غريبه عدد فردي

ياربي تسلم لي أعضاء المنتدى ... منزل الشرح من هنا و خليت مدرس رياضيات سعودي يشرح لي ثلاث ساعات متفرقه على إستخدام الآله بس... الله يوفقه ما رضي ياخذ فلوس بس عطيته ثلاث ميه غصب .

[ملك الصمت]

اخوي سعود
هارد لك لاتتحطم ان شالله الترم الثاني معوضها
ولا تتحطم ولا شيء حاول تشد حيلك ولا تشيل هم
كنت اتمنى مثلي ماتحمل ولا ماده بس ماده وحده معوضه ان شالله
شد حيلك وموفق