متى التقاعد يجي وانحاااش من جده

[سالم الأكلبي]

متى التقاعد يجي وانحاش من جـدّه

وارتاح من همّهـا واريّـح اولادي

ماعاد فيها رخا من عُقْـب ذالشِـدّه

وقت الرخا راح من جدّه ولا عـادي

قالوا عروس البحر بالزيـن معْتـدّه

قلت اسمحوا من سوالف دادي وبادي

هذي عجوزٍ بغت تطْلع مـن العِـدّه

ويوم اطلعت واسْتعدت لبْست حدادي

مدينـةٍ عايمـه والسـاس منهـدّه

واللي بنا ساسها ماهو من بـلادي

اللي تولّـوا مصالحهـا لهـم مـدّه

واقفوا عليهـا ولا للقـوم نشّـادي

العام قلنا قرار الحُكُـم مـن جِـدِّه

رقاب بتـروح والا تِقْطَـع آيـادي

لكـن راع البلنتـي شـات فالقـدّه

واتلى العَهَد صيحة الجمهور فالنادي

الله يعين المواطـن لاوصَـل حَـدّه

ماعاد يدري مع الما وين هو غادي

لا اقبل عليه السحاب يجهّـز العِـدّه

ويهـجْ للبـر بالخيمـه والاوتـادي

يخاف من سيل جـده ينفجـر سـدّه

والعالم الله لـو انهـا كلّهـا وادي

ماعاد فيهـا معـك مقْعـاد ياجِـدّه

لو كان فيك المعاش ولقْمة الـزادي

الشاعر/ سعيد مقبل الاكلبي