بنات بحث وتدريب أقتصاد الاعمال ادخلوا للاهمية

[mooon light]

اتمنى قبل ما أدخل في الموضوع التجاوب في الردود دائما أسال لكن لا يتم الرد علي في هذا الموضوع ..
ابغى أخذ بحث وتدريب الترم اللي فات حذفتها لاني كنت خايفة من الاستاذات
لكن الترم هذا ما أقدر أحذفها لاني تخرج محتارة مع مين أخذها مع نسرين بنوي أو زينب قباني ؟

ياليت من اللي اخذوا المادة مع اي وحدة من هذه الاستاذات يوضح لنا كيف أسلوبها وتوزيع الدرجات
وكيف طريقة البحث وكيف كانت درجاتكم معاهم يعني نقدر على الاقل نجيب a؟؟

أيضا ايش هي أماكن التدريب اللي متاحه لنا هل الاستاذة تحدد مجموعة واحنا نختار منها أو يكون لنا الحرية وإذا كانت لنا الحرية ماهي الاماكن التي تدربتوا فيها ويعطون درجات كويسة وايضا تعاملهم يكون كويس مهم تجابوني على هذا السوال ابغى احجز مكان في أمكان التدريب لانوا تعرفوا يكتفوا بسرعة... المشكلة ماأعرف من هم ؟؟؟

[mooon light]

يا بنات معقولة مافية احد اخذ بحث وتدريب .......
الفائدة مو ليه بس راح تكون لكل البنات اللي راح ياخذوا بحث وتدريب والله راح يدعولكم ؟؟

[* نونيتا *]

والله حتى أنا محتارة زيك :(

بس أعتقد انو زينب أفضل نسرين والله أعلم

حنستنى رد البنات اللي أخذوا بحث ذا السميستر :)

[* نونيتا *]

لااااااا مستحيل

معقوله مافي ولا وحده اخذت بحث وتدريب قبلنا ؟؟!!!!

[mooon light]

مافيه الا انا وانتي نرد على بعض شكله مافيه أحد تخرج من اقتصاد أعمال.....

ياهوووو؟؟؟؟؟

[* نونيتا *]

هههههه والله من جد
يا الله ياستي خلينا ننبسط اول بنات نتخرج من الدفعة :)
أنا ان شاء الله حأخذها مع زينب
سمعت انها تطلب من البنات بحثين
بحث يكون جماعي والموضوع هيا تحدده
وبحث تبعك لوحدك ( بحث تخرجك )
وفي النهايه اللي فيه الخير هو اللي حيصير :)
بالتوفيق ياقمر

[mooon light]

حتى أنا يمكن اخذ عند زينب انا اصلا مانزلت ليه المادة لان الشعبتين كلها مقفلة بس كيف نعرف شعبة زينب اصلا اذا ما فيه اسماء ......

بسالك ايش اخذتي اختياري لاني باقي ليه مادة ومحتارة
انا قبل اخذت استثمار والحين اضفت مالية دولية وباقي ليه وحدة محتارة فيها والوقت كمان هو اللي محيرني لان جدولي س.ث.ر ماابغى اخذ اح.ث لاني راح اتدرب فيهم ؟؟
ياليت اذا تعرفي مادة اختياري حلوة وسهلة تنصحيني ؟؟

والله يوفقنا ياااارب ابعرف ليش مستخسرين كم كلمة يكتبوها ؟؟؟ الله المستعان بس

[* نونيتا *]

دائما قسمنا ينزلو الأسماء متأخر .. أتوقع ينزلوها ع السبت أو الأحد ..
حنستنا لين ماينزلو أسامي الاستاذات وبعدها نضيف :)

الاختياري أنا أخذت ماليه دوليه عند نسمه حلووووه ومنهجها قليل / وللأسف اخذت قانون تجاري مع أمل المادة مرره دسمه وتلخبط مع اني أخذت فيها a+ بس كانت صعبه صراحه ، خذي غيرها أحسن / دا الترم حنزل استثمار ان شاء الله بمين تنصحيني نسمه ولا سحر ؟

والمواد الحره ايش رأيك في فلك ؟
أنا قد اخذت اقناع مع انمار رووووعه لاتفوتك خذيها لو بقيت لك مواد حره :)

عن جد والله .. منرفزيني الله يهديهم :(

[mooon light]

استثمار اخذتها مع سحر والله شرحها ممتاز واصلا المادة سهلة ومنهجها مررره قليل
نسمة ماجربتها للامانة بس سمعت من صحباتي اانها كويسة كمان وانتي جربتيها
دائما يقولون نسمة وسحر نفس الشرح يعني كلهم كويسين ..
اما عن الحرة فانا تعادلت ليه الاني محولة من العلوم...

[انين الشوق]

الدكتورة زينب كأسلوب وتعامل مع الطالبات جدا راقي
بس انك لاتهملي بمادتها

صحيح تعبنا لانها ماتقبل اي شي وتشجعك انك تظهري افضل ماعندك
بالنسبة لي كتبت الجزء النظري من عندي ولااخذت شي من النت غير الفكرة العامة للموضوع لكن الصياغه بطريقتي
يمكن هالشي تعبنا شوي بس بنظرري افضل

وشي ثاني بعد انها دايم مشغولة ولانلقاها بسهولة متواجده

بالنسبتة للدرجات عطتني b+


اما الدكتورة نسرين للاسف مالي علم فيها

اتمنى اني افدتك

وموفقه يالغلآ