تكفون يااصحاب الخبرة حاااايسه

[szsz]

صباح الخبيير
رح ادخل فالموضوع
هذا جدولي مبدئياً مبادي محاسبه -قانون اداري -تنمية موارد بشريه -اساليب وطرق عمل -تطوير تنظيمي

انا اخدة مواد المستوى الخامس لان الرابع اخدت اغلبه بمافيها الثقافه والعربي قبل لا احول لكلية الاقتصاد والاداره

هل جدولي صعب لان مابغى شي صعب مع المحاسبه
ومين افضل استاذة ل تطوير تنظيمي واساليب وطرق عمل وهل لهم متطلب

مرررة حااايسه يارب يوفق مين يرد ويحقق الي فباله

استناكم

[szsz]

معقول ماحد ةقادر يجيبني

[الزهراااااني]

اقدر افيدك في التطوير التنظيمي لها متطلب اللى هيه نظرية التنظيم
الباقي والله ماعندي خلفيه لانها نفس موادي الترم القادم
بالتوفيق

[szsz]

يعطيك العافيه طيب واساليب وطرق عمل هل لها متطلب

[الزهراااااني]

دورت ماده اساليب وطرق عمل في الخطه عندي مالقيت الماده يمكن لها اسم ثاني..
طيب ادخلي على الodus تلقين على اليمين الخطه الدراسيه للقسم وجنب كل ماده ينكتب المتطلب حقها اذا وجد لها متطلب..
بالتوفيق

[صمت الجراح]

المشاركة الأصلية كتبت بواسطة szsz صباح الخبيير رح ادخل فالموضوع هذا جدولي مبدئياً مبادي محاسبه -قانون اداري -تنمية موارد بشريه -اساليب وطرق عمل -تطوير تنظيمي انا اخدة مواد المستوى الخامس لان الرابع اخدت اغلبه بمافيها الثقافه والعربي قبل لا احول لكلية الاقتصاد والاداره هل جدولي صعب لان مابغى شي صعب مع المحاسبه ومين افضل استاذة ل تطوير تنظيمي واساليب وطرق عمل وهل لهم متطلب مرررة حااايسه يارب يوفق مين يرد ويحقق الي فباله استناكم

هلآ صباح النور.
تراني رديت عليك بالموضوع المثبت فوق بس مايمنع أرد عليك مره ثانيه

موادك حلوه بالنسبة للتطوير التنظيمي راح اخذه هالترم ان شاء الله.
أما الاساليب اخذتها من قبل مع د/ سناء باناجه لها ملزمه حلوه الماده بس الاسئلة يبيلك تحفظين الملزمه حفظ .


يآختي اذا ودك تشوفين اي ماده هل متطلب ولالا ادخلي ع odus وبعدين الخطه الدراسيه وراح تشوفين المتطلبات لكل ماده.


أي سؤال احنا حاضرين.
ودعواتكـ

[بتال القوس]

قانون اداري -تنمية موارد بشريه -تطوير تنظيمي ............

ثلاث مواد دس من العيار الثقيل ............

تنمية موارد بشرية صعبة شويه وخاصة لو جيتي عند الدكتور السواط ...
قانون ادري اصعب بكثير من القانون 101 لكن لازم تقريه كثيييير عشان ترسخ المعلومة في راسك لانها تعتمد على الانظمة كثير مثل دراسة الموظف وواجباته ومثل دارسة المناطق المركزية واللامركزية ومجلس الوزراء والشورى والعقود والمتعاقدين والحاق العام الى اخره يعني لازم تركزي تمام فيها ...

شوفي انصحك تاخذي سياسة عامة وصناعة قرار ونظم معلومات ادارية ...

اما المحاسبة سهلة مرررة اذا عرفتي الدائن والمدين وما يتبعها من اصول وخصوم وحقوق ملكية وغيرها راح تبدعي وباذن الله سوف اقوم بعمل بعض الشروحات للمحاسبة كمساعدة لاني ساعدت ناس كثير والحمد لله استفادوا كثير ...