قبل التقديم..

[NeverAgain]

السلام عليكم,

ياجماعة انا كيمياء حيوي معدلي 3.25 عندي ترم من الأترام مااتحسبلي الاعتذار لأنو كان متأخر فنزلت كل المواد رسوب و هوه دا اللي لعب في المعدل. اختبرت step و جبت فوق 95% السنة اللي راحت قدمت على ماستر صيدلانيات بس مااتقبلت. تتوقعو الترم اللي كللو رسوب هوه السبب في عدم قبولي؟؟

[فتاة العصر]

كان المفروض تقدمي تظلم ساعتها لأنو كده احس مسببلك مشكلة
بس صراحة احس الاخ عماد او اختنا شواطئ البحر رايح يفيدكوا اكثر
بس يمكن معدلك ماناسب معاهم ذاك الوقت ؟؟؟
طيب جربتي تقدمي على الماستر الخاص ،،، فيه تخصص ادارة مستشفيات ،،، خصوصا انو عندك فرصة 3 رغبات هذي السنة ؟؟؟

تحياتي

[NeverAgain]

اش تقولي بس :( لمن رحت العمادة ماشجعتني الموظفة تقوللي مايقبلو الا لو في عذر طبي جامد, وكمان البنات قالو مستحيل فمااتشجعت. بس بعد مااتخرجت ندمت اكتر شي رحت قدمت معاملة و جلست شهرين مااخدت الوثيقة الين مارفضو المعاملة بحجة اني خريجة! طيب مانا كنت كاتبة من الأول اني خريجة؟!

انا نفسي اقدم كيمياء حيوي سريرية, ادارة مستشفيات تخصص اداري انا ابغى اكمل شي علمي وكمان ماعندي امكانية مالية ابدا للخاص

شكرا على ردك الله يوفقك يارب

[فتاة العصر]

على فكرة شكلك يستسلم من اول جولة
انا اعرف واحدة فضلت تقدم على الماستر هذا 7 سنين ورا بعض لمن اللي حواليها قالوا خلاااااااااااااص افقدي الامل
والان دخلت الدبلوم التربوي العام وحصلت عليه وبتجرب تقدم على الخاص والعام ومستمرة الحياة

حااااااااااااااااااااولي

موفقة

[NeverAgain]

لاوالله بالعكس مو انا عشان كده بسأل انو هل الترم دا لو تأثير ولا افضل اقدم

[فتاة العصر]

قدمي واتوكلي على الله تعالى

[همس المشاعر]

القبول على المعدل الكلي

ونوعي في رغباتك خاصة ان الكيميا الحيوي مو طالبين قدرات فالمفاضلة حتكون على المعدل والامتحان

لكن حطي رغبات مالهم امتحان قبول مثلا و 3 رغبات الا ما يكون لك فرصة في وحدة فيهم والله يوفقك

[NeverAgain]

إن شاء الله يارب, الله يسمع منك. شكرا

[عماد الحسن]

حياكم الله جميعاً .. ونرحب بالأخت http://www.skaau.com/vb/member.php?u=117758 وإن شاء الله كل المشاكل تنحل في أقرب فرصة

أولاً / أبارك لكم على هذه الدرجة المميزة في اختبار اللغة وهي 95% ماشاء الله تبارك الله.
ثانياً / معدلك ينقبل في الماجستير ولكن لتخصصات معينة ومن حقك التقديم في السبت المقبل.
ثالثاً / وجـود مواد رسوب في كشف الدرجات لا يؤثر على القبـول طالـما أن المعدل منـاسـب.
رابعاً/ كان المفروض إن مواد الرسوب تحذف حتى لا تؤثر على المعدل خاصة أنك أعـدتيها.
خامساً/ أنصحكم تكتبي خطاب لمدير الجامعة لمراجعة كشف درجاتك وحذف المواد المكررة.

هذا هو رأيي الشخصي في موضوعك ،، ويوم السبت ممكن تقدمي طلبك للماجستير، أما موضوع مراجعة إدارة الجامعة فممكن يتأجل للمستقبل لأنه سوف يستغرق وقت طويل والله يوفقكم ويسهل أموركم.

[NeverAgain]

[quote=عماد الحسن;3540031]حياكم الله جميعاً .. ونرحب بالأخت neveragain وإن شاء الله كل المشاكل تنحل في أقرب فرصة

أولاً / أبارك لكم على هذه الدرجة المميزة في اختبار اللغة وهي 95% ماشاء الله تبارك الله.

الله يبارك فيك شكرا

ثانياً / معدلك ينقبل في الماجستير ولكن لتخصصات معينة ومن حقك التقديم في السبت المقبل.

طيب لو ممكن تقوللي اش هيه هادي التخصصات الله يكرمك لأنو انا واضح عندي كللهم طالبين جيد مرتفع فا مني عارفه اش الفرق

رابعاً/ كان المفروض إن مواد الرسوب تحذف حتى لا تؤثر على المعدل خاصة أنك أعـدتيها. خامساً/ أنصحكم تكتبي خطاب لمدير الجامعة لمراجعة كشف درجاتك وحذف المواد المكررة.

انا فعلا كتبت خطاب لمدير الجامعه حوللي هوه ع العمادة و همه رفضو بحجة اني خريجة. في رأيك احاول تاني؟

هذا هو رأيي الشخصي في موضوعك ،، ويوم السبت ممكن تقدمي طلبك للماجستير، أما موضوع مراجعة إدارة الجامعة فممكن يتأجل للمستقبل لأنه سوف يستغرق وقت طويل والله يوفقكم ويسهل أموركم.

شكرا و جزاك الله خير أستاذ عماد ربنا يوفقك