نداء عاجل وهام للطلاب اللي رصدت أمام درجتهم في ماده مبادئ العلوم السياسية(dn)

[have moon]

يأخوان خاص للطلاب اللي طلعتهم نتيجة مادة مبادئ العلوم السياسية ورصدت أمامه (dn) ماذا عسانا أن نفعل هل نسكت ونعيد الإختبار ونضيع حقنا ونفرط فيه عشان ايه؟
عشان ممكن صار تضليل بشكل غير صحيح في الرقم الجامعي والله حرام .
أنا من الناس اللي ذهبت للجامعه يوم أمس عشان أشوف حل لهذي المشكله , وذهبت لكليه الأقتصاد والإدارة (المادة تابعه لكليه الأقصاد والإدارة)وللأسف صدمت من اللي شفته في البدايه قالولي اطلع للدور الخامس وطلعت وما حصلت إلا نفاخ النار مافي أحد دور ت كل المكاتب العالم في إجازه والجامعه في سبات عميق.
ورجعت للموظف اللي أرسلني قلي طيب روح لوكيل الكليه ورحت قابلت السكرتير صراحه إنسان محترم أول ماقلتله مشكلتي أعطاني نموذج وقال عبي النموذج وأشرح معروضك بإختصار .
تفأجئت بالسكرتير يقول إشبها المادة هذي أكثر الطلاب يشتكوا منها طلعتهم (dn) تقريباً (245)طالب نفس الدرجه رصدت لهم.
المهم مالكم في طوالتها وعدني السكرتير خير بس قلي الإجراءات راح تطول يعني تأخذلها شهر من الأن(الله المستعان) قلي المهم إنك كتبت أسمك في الكشف قلت نعم قال متأكد قلت أكيد.
لا والأدهى من هذا والأمر انه الموظف اللي أرسلني للسكرتير قال أحمد ربك انه الدكتور ما حاطلكم حرف (f) (غيرطلبناه) لانه الدكتور مره زعلان يقول (مايعرفوا يضللوا رقمهم الجامعي).
الله وأكبر إحنا يادكتور طلاب مشتتين الذهن ورهبه من المادة وحالتنا الله أعلم فيها وفي النهايه (طلاب) جايز يحصل إنه في طالب ينسى يحبر صح على رقمه الجامعي .
بس حضرتك يادكتور نسيت ترقم الأسئلة (مو سؤال ولا سؤالين ) للأسف كلها(50) سؤال , وكمان نسيت تضع حروف النموذج على ورقة الأسئلة وتشره علينا إحنا (طلاب) وأنت ماشاءالله دكتور.
لكن ارجع وأقول لازم نقوم حمله على هذي الماده الين يرجع الحق لأصحابه وخصوصاً الطلاب المتضررين .
خاتمه (الساكت عن الحق شيطان أخرص)