انا اتسكنت في كلية الاقتصاد المنزلي

[احلى غدير]

السلام وعليكم ورحمة الله وبركاته

انا الترم دا خلصت التحضيري وسكنا والحمد لله انقبلت كلية الاقتصاد المنزلي

لكن اللي انا استغربتو انو نزلي جدول من 11 ساعة بس

فبغيت اسألكم هل كلية الاقتصاد المنزلي فيها سنوات كمانا قبل التخصص غير التحضيري
(انا ابغى تغذية )

ولا انا انقبلت في التغذية لانو المواد اللي نزلت لي بالجدول علم نفس - عربي- ثقافة - اسس تغذية

وكمانا هل اقدر اضيف مواد غير اللي نزلت لي ولا هوا جدول معتمد زي التحضيري


وشكرن للي بترد على اسألتي
لاني والله محتاسة ومو عارفة ايش الهرجة

[mo0oka]

وعليكم السلام ورحمة الله وبركاته

اول شي بعد التحضيري على طول يمديكي تتخصصي تغذية وجدولك كويس زي الخطة حق التغذية بس ناقصك عشان تمشي عالخطة كيمياء عضوي واحياء دقيقة ويمديكي تضيفيها من الاودس او من المشرفة

[احلى غدير]

8

شكرن بيبتي

بس ابغى اسألك مين المشرفة او كيف اعرفها ؟
انا ابغى ازيد مادة لانو لدحينا مافتحت لي الحذف والاضافة

وابغاها تفهمني هرجة الجدول
واعرف كم عدد ساعات التخرج عشان اعرف اضبط جدولي مع كل فصل دراسي

[mo0oka]

المشرفة في مبنى ثلاثة وأربعين الدور الثالث وقولئلهم أيش عندك وهم يقولولك مين مشرفتك. وهي تزبطلك كل شيء

[وهم الخلود]

اول حاجه قبل لاتروحي لمشرفتك

لازم تروحي للشوؤن وتطلبي تخصص

وتجلسي تتابعي الاوديس لحد ماينزل لك التخصص بعدين تروحي لمشرفتك

بس انا انصحك قبل لاتقفل عليك الشعب تنزلي كيمياء عضوي واحياء

وبكذا متى مانزل تخصصك يكون جدولك ضابط



وبالتوفيق

[ساكنه في بيتنا]

http://ccart.kau.edu.sa/content.aspx...g=AR&cid=91760
هنا اسماء المرشدات