مايحصل في كليات وجامعات من البنات المسترجلات

[كريستيانو]

للأسف الشديد هذا مايحصل في كليات وجامعات البنات للبعض منهن ، فقد ذكرت احدى المشرفات الملتزمات دينيا ان الوضع مزري بل ان العين تدمع والقلب يتفطر مما يحصل داخل الجامعات من قيام بعض البنات بالتشبة بالرجال في قصة الشعر والمشي وبحاحة الصوت وكل واحدة من هؤلاء المسترجلات اتخذت لها بنت اخرى بمثابة الخليلة وتعاملها مثل (القير فرنـــد) وتضيف المشرفة التي ارسلت مقالها هذا لأحدى الصحف السعودية وكتبته على استحياء على حد قولها انها حزينة جدا لما يحصل في ممرات الجامعة وداخل اروقتها وبحكم عملها في مراقبة الطالبات فهي تشاهد هذة المآسي يوميا ، حيث انها تخرج اثناء الأستراحة لمراقبة مايحدث ودائما تشاهد طالبات يقبل بعضهن بعض بطريقة مشمئزة خاصة بعد نهاية الإجازة الأسبوعية حيث يكون التقبيل مصحوبا بشهوة حيوانية وفي مكان غير مألوف وعندما يقف بعضهن بجوار بعض تضع احداهن يدها على يد الأخرى او على كتفها وكأنها تهمزها او تدلكها وهناك ممن يتستغلن الزحمة التي تحدث عند البوفية ويقومن بحركات تخدش الحياء (الله من واحد قطر سعبوله وهو يقرا هالموضوع ) وتقول هذة المشرفة إنني والله ابكى عندما اشاهد واتجه لربي واصلي ركعتين وادعو ان يصلح الله حال هؤلاء البنات ، وتطالب المسؤولين بالتدخل لتكثيف المحاضرات الدينية .ونسأل الله ان يصلح حالهن وان يعصم قلوبهن على طاعته .
هذا وتجدر الإشارة إلا انني كتبت هذا الموضوع بالطباشير لسهولة مسحة وثبتة بـ لزاق جروح اهون في حذفه وارجو ان لايتم حذفه كونه يعالج ظاهره اصبحت تتفشى ...

ابي رد البنات هل صحيح توجد هذه الحركات في الكليه والجامعه وماهي طريقه حل المشكله

والشباب هل تتوقعون وجود هذه المشكله في الكليات والجامعات

هل تتوقعون وجود هذه المشاكل في بعض مناطق المملكه فقط او في جميع المناطق


منقول مع ضيق في النفس واشمئزاز

[شــفــافـــة]

الا بيحصل كثير ...بس مو بالطريقة المبالغ فيها الي ذكرتها
يعني مو لدرجة تحرشات في الزحمة واستغلال للوضع

يعني نشوف كثير بنات مسترجلات واشياء من هالنوعية المقززة
بس مرة مع نفسهم

يعني ماتتجرأ وحدة تقرب مني وتتعدى المسافة الاجتماعية الي بيننا
اذا ماكان بيني وبينها معرفة

بس ماادري وش يحسون فيه هذولا الي يخالفون الفطرة
النفس البشرية تتقزز من تصرفات زي كذا

هو خلل في هرموناتهم ولا أزمة هوية؟!

ماادري

[كريستيانو]

شفافه كول

يمكن البنت التى تسوي كذا فاقدة شباصتها الحمرا مو لاقيتها

قاعده تدورها مع البنات

[لحن المفارق]

كل هذا ... من البيئه
المنزل ..
المدرسهـ ..
وصديقاات السوء ..
ضعف الوازع الديني ..
عدم الآهتمام ..
لايوجد احتـــواء ....

الكثييير منهم فدآآخلهم >> غير راضيين عن انفسهم ..

لوبتكلم من اليوم لبكره ماحيكفي ...

ربي يهديهم جميعآآآآ...


:)


لحن

[شــفــافـــة]

المشاركة الأصلية كتبت بواسطة كريستيانو شفافه كول يمكن البنت التى تسوي كذا فاقدة شباصتها الحمرا مو لاقيتها قاعده تدورها مع البنات

المشكلة ياكريستيانو انه المسترجلات مايلبسوا شباصات حمرا

مايلبسوا شباصات من اصله
يقصوا بوي

كيف يدورا على شباصة مو لهم اصلاً ؟

[الشــامخ]

هههههههههههههههههههههههههههههههههههههههههههههههه

موضوع مضحكه ولكنه محزن في نفس الوقت

بالله لنفرض ان البنت المسترجله حطت عينها على بنت مؤدبه وخجوله مرررره ..!! وقامت المسترجله تمارس طقوسها الي انت ذكرتها ... عند البوفيه ولا بعد نهاية عطلة الاسبوع
ايش يكون موقف البنت المسكينه ذى ... لا تقدر تقولها شى ولاتقدر تشتكي
اتوقع انها تترك الجامعه بسببها ..!!

وحسب ماسمعت من مصادرى الخاصه ان البنات المسترجلات مايخافون يعني بااختصار عربجيات

[walaa]

والله معاك حق كريستيانو ......هذه الظاهره مرة اتفشت مش بس في الكليات والجامعات حتى في المدارس .....بس الكليات والجامعات بكثره .......وبعدين مدري وش عاجبهم اللي تقص شعرها وتبحح صوتها .......في احلى من الانوثه ........الله يشفيهم .........انا مرة شفت بالشلال وحده .....والله احسبها ولد وبعدين كانوا مجموعه عاملين شله ....ولا كمان شله مدخنين...لو تشوفهم كيف يدخنون .....قصدي يشفطونه ....والله مرة خفت منهم ......والله الاولاد اهون .........الله يهديهم ..........مشكوووور كريستيانو على طرحك الموضوع ..........ولاء

[evil girl]

للاسف انا اسمع من صحباتي في الجامعة التانية عن البنات المسترجلات او ال lezbian

احنا ولله الحمد ما عندنا دي العينة من البنات بس افتكر ايام المدرسة كانوا موجودين وكنت اسمع عن حركاتهم بس ما عمري شفتهم كنت اتجنب الاماكان المشبوهه

وافتكر قبل 3 سنين في بنات انفصلوا من الجامعة لانه مجموعتين اضاربوا عالبنت وسكاكين ومدري ايش الله يهديهم

وبالنسبة للبنات االلي يسوا كدا يكونوا مريضين نفسيا او خلل في الهرمونات ووضعهم الاسري مو تمام والكبت كمان يلعب دور كبير ونقدر نلخص الاسباب ونقول
1ضعف الوازع الديني
2-سوء التربية واللامبالاة من قبل الأهل
3-رفاق السوء المحيطون بها
4-وسائل الإعلام والأفلام والصور الخليعة
5-العمالة المنزلية والتي ساهمت بشكل كبير في تغيير شكل وبناء الأسرة

السنة الي فاتت رحنا مدرسة واتكلمنا في العلاقات المحرمة وركزنا على العلاقات بين البنات
ووقتها البنات قعدوا يبكوا وفي بنات جوا اعترفوا يقولوا مو بارادتنا وسمعنا كلام يحزن
ووقتها حسيت انه الضغوط الخارجية والنفسية هي المحرك للمشاعرالخارجه عن الفطره
وحده قالت جملة للان مو قادره انساها امها تقولها تمشي مع بنت ولا تمشي مع ولد وتفضحينا !!

بس الحمدلله الحركات خفت كتييير في المدرسة الي رحناها وكنا ناويين نتوسع ونوصل الي نبغاه لاكبر عدد ممكن بس اساسا لقينا صعوبة لانه الموضوع حساس ومو مسموح لنا نتكلم فيه في اي مكان

المهم اذا بنسأل عن العلاج

لازم يكون باستيعاب هذه الفئة ونصحهم والعلاج نفسيا اوجسديا لهه الفئة من الفتيات ونبين لهم خطورة الموقف دينيا وصحيا واجتماعيا وتصحيح افكارهم ومعتقداهم الي احيانا تكون بسبب الاهل

واتوقع استجابة الاغلبية منهم لانه في النهاية زينا زيهم بس ظروفهم كانت غير عننا

اللهم احفظنا واحفظ ابنائنا وبناتنا

[نيران مو راضي يدخل إهئ]

"إن في القلب مضغة إذا صلحت صلح الجسد كله واذا فسدت فسد القلب كله ألا وهي القلب"
وأتذكر في موضوع للعضو أخصائي نفسي عن هذا الشأن وأقنعني جدا أدوره وأحطه لكم

كريستيانو أشكركـ

تحياتي لك

[نيران مو راضي يدخل إهئ]

ميزة البحث ماتشتغل عندي لعدم تفعيل عضويتي...
ولا التعديل..

كنت بقول ان هذي النقطة مو شرط:
وعندما يقف بعضهن بجوار بعض تضع احداهن يدها على يد الأخرى او على كتفها

في كذه وفي كذه
أنا أحيانا أمسك يد صديقتي لمن أتمشى معها في السوق أو في الجامعة أو حتى أمي"بس أمي تستحي اذا مسكت يدها في مكان عام مدري ليش:)"