بناات رايكم في معامل الساعة 2-5 ؟؟؟؟؟؟؟؟؟؟؟

[حنان 90]

السلام عليكم
عندي معمل واحد من الساعة 2 الى 5 يوم السبت

وافكر احذف المادة ؟ لانه دوامي يبدا من 8 السبت ,, يعني احس شوية صعبة من 8 الى 5 !

مين اخذت معمل الساعة 2 من قبل ؟؟؟ وايش رايكم بشكل عام ؟؟

شكرااا

[ام رونزا]

معامل من 2 الى 5 مرررره قرف وقلق وبالزات لما تتأخر السياره عليكي يجوكي الامن يعلو قلبك ويقفلو البوابات ويقولو خلي سواقك يجيكي من بوابه شرقيه وانا يادوب مفهماه على بوابه غربيه<<=)
وانا دا الترم منزله مواد وللاسف يومين معاملي من 2-5 يعني راح ارجع لموال التأخير ورجه الامن اللي عند البوابات
الله يعيني ويعينك:)

[راوين]

نصيحه لك ماتاخذي معمل من2-5 صدقيني تجي تعبانه وهلكانه من محاضراتك ومالك نفس تعملي اي شئ انا اخذت السمستر اللي راح من جد تعبت واتبهدلت واجلس ل5ونص فالجامعه عشان انتظر احد يجي يأخذني
ف نصيحه من جد لا تأخذيه غيري الشعبه

[*w*]

شوفي إذا يأثر عليك لو ما أخذتي هذي الماده مستقبلاً يعني في السمسترات الجايه يسير عندك ضغط أو تعارض ف لآ تحذفيها,, أنا قبل كذه أخذت معمل من 2 إلى 5 وماعجبني الوضع أقولك ليه لأني كنت أروح بالباص وكان الباص مايجي على طول أول ما أطلع من المعمل يعني أحيانا كانت تطلعنا قبل 5 ف كانوا الأمن يقعدوا على راسنا يالله بسرعه متى تجي سياراتكم ومررره ماتقبلت الموضوع ,, بس إذا أنتي كان عندك سائق خاص ما أتوقع فيه إشكاليه ,, لكن إذا كان بإمكانك تاخذين ماده بدالها في وقت ثاني أتوقع أفضل لك << وجهة نظري عشان بعدين مايسير عندك ضغط لأنه التأجيل مو حلو أحيانا يضطرك تزيدين سمستر ,, مع إنه أعرف بنات كثير ياخذون من 2لـ 5 وماكان فيه إشكاليه عندهم يقولوا عادي لو مره في الأسبوع أتأخرنا بس أهم شئ نخلص ,, وإنتي واللي ترتاحين له .. بس بالنسبه للي كانت تدينا المعمل ماكان فيه تغيير في تعاملها يعني تقولين يمكن عشان المعمل متأخر تكون طفشانه أو شئ زي كده لآ بالعكس مرررره عاادي ,, أتمنى إني أكون أفدتك ,, والله يوفقك ويوفقنا ويوفق الجمييع ...

[*w*]

وفيه نقطه حابه أضيفها ,, لما كنت أرجع 5 هلكانه أجلس لما بعد العشاء وأنام وما أستفيد أبدا من يومي,, وهذي النقطه يمكن تعيقك في أيام الإختبارات بالذات ,, وإنتي شوفي اللي يناسبك وبالتوفيق ...

[حنان 90]

مشكورين على ردودكم
هي المادة احياء عامة 2 (202 ) واحسها مهمة ,, عشان كذا مترددة احذفها

بس في النفس الوقت ,, المحاضرات تنتهي 12 عندي يوم السبت ,,, يعني اجلس ساعتين فاضية ؟ لمن 2 ! بعدين ابدا معمل ل 3 ساعات ؟؟
وزي ما قلتوا !! بيكون مافي وقت اذاكرر مررره ؟؟

شكراااا

[حنان 90]

يعني قصدكم ممنوع حتى نجلس في الصالة الخارجية بعد 5 ؟؟؟؟

[ام رونزا]

المشاركة الأصلية كتبت بواسطة حنان 90 مشكورين على ردودكم هي المادة احياء عامة 2 (202 ) واحسها مهمة ,, عشان كذا مترددة احذفها بس في النفس الوقت ,, المحاضرات تنتهي 12 عندي يوم السبت ,,, يعني اجلس ساعتين فاضية ؟ لمن 2 ! بعدين ابدا معمل ل 3 ساعات ؟؟ وزي ما قلتوا !! بيكون مافي وقت اذاكرر مررره ؟؟ شكراااا

اها معمل بيو 202
ترى اول المعامل راح تكون لكيعه يعني راح تخرجي على 5 بالزبط
بس في نهايه الشباتر راح تكون خفيفه وكانو يطلعونا عالساعه 4 واحيانا 3ونص

[ام رونزا]

المشاركة الأصلية كتبت بواسطة حنان 90 يعني قصدكم ممنوع حتى نجلس في الصالة الخارجية بعد 5 ؟؟؟؟

تعرفي حقون الامن مايحوبو يتعبو نفسهم ولا يستنو فيقولو اللي سيارتها راح تتأخر ياتروح على بوابه شرقيه او نوديها على سكن الجامعه واهلها ياخدوها من هناك

[ام رونزا]

بس ايام مايداومو الانتساب راح تعيشي ملكه<<<<وقت ماتبغي تخرجي تخرجي حتى لو عالساعه 7 الليل:)