جامعة ام القرى مكة ضروري ومهم

[طال صبري]

السلام عليكم

بنات انا كلمت الجامعة وقالوا الجميع يختبر باختبار التحريري بالوظيفة واستنوا الاتصال للتحديد الموعد يعني بالله متى ؟؟
اللي عندها معلومة ياليت تفيدنا من فين نذاكر واللي احياء وهي تخصص حيوان وبمكة مافي تخصص احياء عام ؟؟
او تعرف موعد الاختبار؟؟

وجزاكم الله خير

[أدعولي حلمي أكون معيد ه..]

معقوله الكل داخل الاختبار اتوقعت انهم يفرزو الملفات الاول بعدين ينزلو اسما المرشحات لدخول الاختبار
بالنسبه للاختبار سألتهم لما قدمت ملفي قالت علي الاغلب انه في بداية الترم الثاني والاختبار عام لكل علم الحيوان عن نفسي احتمال استعد من كتاب د نبيه مقدمه في علم الاحيا أظن كذا اسمه بس اذا احد يعرف ومتأكد من المنهج الي يجي منه الاختبار لا يبخل علينا
معليش
س/تعرفي اسم كتاب د نبيه بالضبط علشان اشتريه؟
بالتوفيق للجميع يارب

[أدعولي حلمي أكون معيد ه..]

نسيت
شكرا علي التنبيه لأني فعلا توقعت تنزل الأسامي اول بعدين الاختبار

[Kit Kat!!]

انا مقدمة على جامعة ام القرى كمان انجليزي ترجمة ومني عارفة كيف طريقة الامتحان
ومتى حيكون وكيف
اتمنى الي يعرف يدلني
وجزاكم الله خير

[كبرتني ياهمـ]

بالتوفييييييييييييق
لجميييييييييييييييييييع... بس حابه اعرف كم معيده يبغون لكل قسم
لان العااااااام انا اختبرت وكان عدد البنات مره كتيييرواخر شى اخدو وحده بس من قسمي

[أدعولي حلمي أكون معيد ه..]

اليوم الي قدمت فيه كان مكتوب 6او7اسامي من غيري وعاد أحسبي لبقية الايام أكيد عدد المتقدمات كبيروالله يكتب لنا الخير علي فكره المفروض انت تعطينا فكره عن الاختبار لأنك دخلت اختبار العام الماضي هههه

[أدعولي حلمي أكون معيد ه..]

ما افتكر انه كان واضح في الاعلان كم وحده يبغو بالظبط

[ستأتي أيامي]

جامعتنا الموقرة معروفة باللخبطة في كل حاجة ,
والله مو عارفة ايش أقولكم بس لو تتصلو ع الجامعة وتستفسرو أحسن ,

[طموحهـ ولكنـ]

المشاركة الأصلية كتبت بواسطة كبرتني ياهمـ بالتوفييييييييييييق لجميييييييييييييييييييع... بس حابه اعرف كم معيده يبغون لكل قسم لان العااااااام انا اختبرت وكان عدد البنات مره كتيييرواخر شى اخدو وحده بس من قسمي

يااساااتر بس حبة وحدة اخذوها

كثر خيرهم ..

اصلا الوظائف زي ذا الوقت صعب الحصول عليها .

لازم الواحد يجتهد .

على فكرة ترا انا ماقدمت .

بالتوفيق ..

[أدعولي حلمي أكون معيد ه..]

اليوم نزلت اسما المرشحات لوظيفة معيد ومحاضر لدخول الاختبار من قسم الاحصا علي موقع جامعة ام القري بالتوفيق تري أنا اكتب من اي فون وحالته حاله في الهمزات أنا اقصد احصا