تبقى لدي 49 ساعه هل باستطاعتي التخرج خلال 3 اترام القادمه بما فيها الصيفي

[zakaria_asere]

لااخفيكم اعزائي انا طالب دفعه 07 وانهيت 80 ساعه وتبقى لدي 49 ساعه السؤال هل باستطاعتي اخذ 18 ساعه خلال هذا الفصل ثم اخذ 12 ساعه فيالصيفي واخذ 24 ساعه في الفصل الاول من السنه القادمه ان شاء الله
مادفعني لهذا الامر هو ان باب القبول للدراسات العليا الخاصه في الجامعه يفتح بعد انتهاء الفصل الاول من كل سنه ولو انتظرت الى التخرج 4 اترام فساضطر للتاخر سنه كامله
اتمنى من اهل الراي والمشوره النصح ولكم شكري وامتناني

[مستشفى]

ليش لا ؟
18 الفصل الثاني + 9 صيفي +22 الفصل الاول بحكم اخر ترم تقدر تنزل الى 24 ساعة
ملاحظة الصييف اللي راح اعرف شخص لا واسطة ولا خريج نزل 11 ساعة
خلص بدري بدري اخاف يجي يوم يقولوا الانتساب غير معترف واليوم تراها قريب والدليل الغاء الانتساب والتحويل الى تعليم عن بعد
دعواتك

[انتساب222]

كيف وضعك الدراسي

متفرغ للدراسه ؟

وكم ساعه تنزل فالعاده كل ترم ؟

لان لازم المعدل يكون طيب اذ ناوي تكمل ( ان شاء الله )

والدراسات العليا مو اكيد القبول لان لهم شروط

وتتأخر سنه افضل من تكون نسبة قبولك ضعيفه ( لا قدر الله )

[saaudi]

نفس وضعك انا بالضبط ........يمديك زي الحلاوة بالتوفيق لك

[zakaria_asere]

اخوي مستشفى والله انك صادق الدنيا كل مالها تتعقد اعرف زملاء لي دفعة 06 و07 تخرجوا والان اخر ترم لهم في الماستر تخصص ادارة خدمات صحية والقبول كان ميسر قبل سنتين وثلاث بعكس الشروط الحاليه اصبحت معقده
اخوي انتساب 222 المعدل الحمد لله طيب وودي ارفعه واتخرج بجيد جدا اقل شي لو 3.75
اخوي سعودي بارك الله فيك وعقبال الدراسات العليا والتعديل الوظيفي يارب


طيب ياشباب سؤال : ماادري مادة البحث والتدريب عادي اخذها اخر ترم والا لازم اخذها قبل التخرج بفصلين

[fagh3969]

اذا معدلك عادى بس تاخذ 21ساعة في اترام التخرج و12ساعة في الصيفي
انا سامع انه اخر ترمين ممكن تاخذها طالب متوقع التخرج 21ساعة لكل ترم واذا معدلك مرتفع تاخذ 24ساعة

[الحوووووووووووت]

بإذن الله تعالى .... بس شد حيلك وبالتوفيق للجميع ...

[المشتـاق]

بالتوفيق للجميع

[مساعد99]

الله يوفقك

[جضعه]

لنظام الخاص بالطلاب والطالبات
المعدل التراكمي عدد الوحدات الدراسية المسموح التسجيل فيها اقل من 2.00
12 ساعة كحد أقصى
من 2.00 الى 2.74
15 ساعة كحد أقصى
من 2.75 الى 5.00
18 ساعة كحد أقصى
النظام الخاص بالطلاب والطالبات المتوقع تخرجهم
المعدل التراكمي عدد الوحدات الدراسية المسموح التسجيل فيها من 2.00 الى 2.74
18 ساعة كحد أقصى
من 2.75 الى 3.74
21 ساعة كحد أقصى
من 3.75 الى 5.00
24 ساعة كحد أقصى