زيادة عدد الساعات عن الحد الأقصى؟؟؟؟

[صفاالورد]

السلام عليكم ورحمة الله وبركاته

أتمنى من الأخوات اللي عندهم خبر عن دا الموضوع يفيدوني..

أنا مسجلة في دا السمستر 18 ساعة وابغى آخد زيادة مادة بـ3 ساعات على الأقل
وانا مو تخرج ..لكن أبغى اسوي كذا عشان أقدر اتخرج على السمستر الجاي ان شاء الله
خصوصا اني اعتذرت قبل كذا لمدة سنة ونص تقريبا والحين خلاص ابغى اتخرج لأنه ظروفي يمكن ماتسمحلي أكمل بعد كذا

هل تعرفوا بنات أخذوا اكثر من 18 ساعة وهم مو تخرج؟؟

الله يسعدكم ضروووري اللي تعرف ترد عليا؟؟

وجزاكم الله خير

[S0SHA]

يب ياعسل تروحي لنفس الكليه حقتك اعتقد يدوكي ورقه

وتعبيها وكدا وانك تخرج السمستر اللي حيجي واعتقد يدوكي

لاني كم مره شفت بنات كدا فالكليه حقتنا

[صفاالورد]

ثانكس ع الرد قلبي..أحس ريحتيني شوية
اذا عندك معلومات اكثر؟؟ يعني فين اروح غير الدكتورة سلوى
أنا اليوم رحت عند الدكتورة سلوى أعظم وقالت بس للي تخرج دا السمستر لهم زيادة 3ساعات بس
واصلا مع حوسة الشعب مامداني اكلمها مزبوط وهي مو فاضية
بس انا قلت لو في بنات قد اخدوا زيادة بروح لها مرة تانية

[S0SHA]

مااعرف والله بس هيا دكتوره سلوى لانها مشرفة القسم

روحيلها تاني وشوفي ايش تقولك

[BARGAIN]

مساء الخير انا توي جايه من الجامعه اليوم
اذا انتي مو تخرج لايمكن يزيدو لك اياها رفعوا لي ضغطي وانا احاول معاهم على ساعه وحده بس

[صفاالورد]

ساعة وحدة ورفضوا..ياشيخة ايش الهم دا
والله انا مضطرة اضغط نفسي وآخد أكثر بس ايش أسوي معاهم
رضينا بالهم والهم مارضي فينا
أنا ان شاء الله بكرة روح تاني وان شاء الله تكون رايقة شوية واقدر اتفاهم معاها

[S.S.STRAWBERRY]

بسألكم بالله انا كمان بزيد عن 18 ساعة 3 سااعات رغم اني لسة مو تخرج مستوى 4 بس عشان اكون مع الخطة وجزاكم الله خيرا ^^

[بكرا احلى]

وانا كمان كيف الطريقة؟؟
ناس تقول سهل وناس تقول صعب

[صفاالورد]

ماحد هنا اضاف اكثر من 18؟؟