ممكن مساعدة لو سمحتواّّّّ!!!!

[mr.lonly]

الســـلام عليـــــكـــــم و رحـــمــــة الله و بــركـــاتـــه

لو سمحتو يا شباب و يا بنات

انا طالب انتشاب و على وشك التخرج و لازملي مواد حرة و اختياري

اي احد أخد مواد حرة و إختياراية سهلة

يكتبلي هي هنا اسمها و رمزها و شرح بسيط عن المادة

ارجوووكم ...... و شاكر لكم مقدما
للمعلومية انا تخصصي إدارة أعمال ... موارد بشرية

[b.os.a]

السلام عليكم


انا اخذة ادارة المشروعات العامة ماده سهله الكل يمدحها

وإن شاء الله حخذ الترم دا نظام سياسي سعودي وحكومه الكترونيه


وشوفي دا الموضوع إن شاء الله يفيدك


http://www.skaau.com/vb/showthread.php?t=333291

[mr.lonly]

مشكورة أختي بس ياريت لو تقوليلي عن ايش تتكلم مادة مشروعات عامة
و تديني أسماء المواد + الرموز لو تكرمتي
و انا ولد مو بنت :p
مشكورة على المرور و الإفادة

[b.os.a]

اعفوا اخوي وااااسفه

النظام السياسي ps 111

الحكومه الالكترونيه pad 343

ادارة المشروعات العامة pad 432

وبالتوفيق

[mr.lonly]

مشكورة أختي
بس حبيت أسألك ما تعرفي مواد تانية سهلة ؟؟
زي الإقناع ايش رمزها و لو تعرفيها اتمنى تفيديني بشرح بسيط عنها
و إدارة الجودة عبارة عن ايش مضمونها اتمنى تفيديني

[b.os.a]

فن الاقناع com 205

ادارة الجودة pad421

انا ما اخذتهم ياريت اللي اخذهم يفيدنا

[mr.lonly]

معليش على الإزعاج أختي
انا عارف ازعجتك
بس حبيت تقوليلي المواد الحرة و الإختيارية لتخصصنا موارد بشرية بس تكون سهلة و تكون 3 ساعات
مشكور اختي

[b.os.a]

شوف اخوي المواد الي قلتلك عليها هي الي عارفه ومتاكده انها سهله

بس احيانا

عندنا يكون مدح المواد على حسب الدكتوره الي تعطي المادة فلا تعتمد على كلامي


بس المواد الي تذاكرها من ملزمه صغيره مثل النظام السياسي وفن الاقناع اتوقع مافي فرق

بس قرات في المنتدى ان منهج الاقناع تغير وصار كتاب بس مو متاكده شوف انت سوي بحث في المنتدى من خلال دا الرابط


http://www.google.com.sa/cse?cx=part...=&sa=%C8%CD%CB




وبالتوفيق

[mr.lonly]

معليش اختي انا والله عارف اني تعبتك يا عسل
بس حبيت اسألك عن الإستثمار انا ليا سنتين أاجل فيها خايف منها بس الناس يقولو مررررا سهلة
حبيت اعرف تجربتك مع المادة :)

[b.os.a]

لا ولا يهمك ........عادي

شوف انا تجربتي مع الاستثمار مو مقياس لك لاني غلط غلطت عمري لاني حضرت مع دكتوره مو دكتورتي بس عشان اكون مع صحبتي ولآسئله ما كانت موحده فحملت المادة طبعا

بس اخذتها مره تانيه وجبت درجه حلوه الحمد لله

بس الماده نفسها ممتعه جدا

بس يبغالها تحضر الدوره كلها وتركز مع الدكتور كويس وتدخل الاختبار وانت مستوعب الماده كلها وحافظ القوانين كويس (وهي اصلا قليله)


انت سوي بس بحث عن افضل دكتور يعطي الماده وخذها معاه


وإن شاء الله حتجيب درجه كويسه