إعادة توزيع الطلاب على شعب البحث والتدريب !!

[مداوي الجروح]

السلام عليكم ورحمة الله وبركاته

كيفكم حبايبي إن شاء الله تمام

بخصوص مادة البحث والتدريب << ممكن عند الطالبات كمان نفس الشي

اليوم رحت لدكتور المادة اللي نزلتها عندو بستفسر عن المادة ومتى نبدأ ومن دا الكلام
قالي على خبر سيئ انو راح يعيدو توزيع الطلاب على الشعب وخاصة الشعب اللي مافيها ولا طالب

أنا طابع الجدول وقلت لو بدلوني لشعبة تانية راح أشتكي إن شاء الله أوصل لمعالي الدكتور أسامة طيب لأنو مايحق لأي أحد انو يشيل طالب من شعبة ويحطو في شعبة تانية وي عشان شعب دكتورين أو تلاته فاضيه والباقيه كلها فل

طيب أنا طالب نزلتلي المادة في دي الشعبة أو أضفتها من البيت لا طلبت توسعة شعبة ولا غيرو
ايش زنبي يبدلولي الشعبة

الشعب كلها 95 طالب تشيل
واللي سجلو في البحث والتدريب لطلاب المحاسبة 75 طالب

وكل الشعب بالعدد المسموح ماعدا شعبة وحده 6 طلاب والمسموح 5 طلاب

ايش الغلط اللي عملوه الطلاب عشان يلاقوا نفسهم واتغيرت الشعبة اللي طلعت عينهم في اللاب ع بال مافتح الاودس الحزف والاضافة !!!

الموضوع ماراح أسكت عليه لو صار فـ ياريت من الكل يطبع جدولو احتياطياً لو اتغيرت شعبتو يروح للدكتور عبدالعال لو ما أفادو يروح لعميد الكلية على طول مافي فايدة مافي الا الدكتور أسامة طيب

ايش رايكم في الموضوع ...

وطالبات نفس الموضوع لكم ممكن عندكم دكاترة شعبهم فاضيه مافيها ولا طالبة وشعب مليانة آخر شي وقتها ممكن يسوولكم كمان نفس الحكاية عندنا قدموا اعتراض لو صار معاكم

في انتظاركم