اللي قدم وجاته عباره تم التدقيق او غيره يدخل هنا

[خبير الانتساب]

ابغى اعرف اللي قدم وارسله طلبهم للعماده في احد منهم جاته عباره تم التدقيق او اي علامه موافقه
الرجاء يكتب حالة الطلب حقه
واللي يبغى يقدم بعد اختبار القدرات مدري راح يروح عليه المقاعد في اداره الاعمال
يعني اللي قدم بدري هوه اللي ينقبل والباقي لو في شاغر
وشكرا

[NisReEn]

السلام عليكم ورحمة الله .
أنا أوراقي كاملة بس ناقص أسوي تأكيد .
ودي أسوي تأكيد طلب بس خاااايفه .
يطلع غلط كذا ولا كذا .
انت سويت تأكيد ؟
تحياتي .

[وحيدو]

ماشاء الله تبارك الله اللي جاه مستوفِ للشروط فقط باقي النتيجة النهائية للقبول وبالتوفيق لكم

[د.طموحه]

بالتوفيق اخوي

الله يحقق لك مرادك ومرادنا ويسهل لنا اكمال دراستنا ياااارب

انا للحين قدمن على اختبار القدرات للجامعيين واختبار الكفايات

وموعد اختباري بعد 15 يوم تقريبا

اللللله يستر لاني بصراحه صار لي 4 سنوات تقريبا متخرجه ومن زماااان عن جو الاختبارات

بس بصراحه مو عارفه كيف اكتب السي في....

وكلمت وحده علشان تروح لجامعتي تطلب لي التوصيات و السجل الاكاديمي(هل هو مطلوب ام لا؟؟)

يارب يوافقون يعطونها لان روحتي للجامعه معناه 700 كم

[NisReEn]

هلا طموحه .
الله يوفقك يا رب وتنولي كل ما تتنميه .
السيرة الذاتية لها نماذج جاهزة وحلوة بالعربي والإنجليزي ، استعيني بوحده منها .
والأوراق اللي طلبتيها من الجامعه مهمة في التقديم جدا .
تحياتي .

[د.طموحه]

حبيبتي NisReEn

ماقصرتي يالغاليه

تخيلي صديقتي راحت للجامعه ومارضوا يعطونها سجلي الاكاديمي ولا التوصيات قالوا لازم تجي الطالبه بنفسها

الله يعين لااااازم اسافر لهم بنفسي

طيب يالغاليه اختباري القدرات ب9 والكفايات ب 4 الشهر الجاي

والتقديم على الماستر ينتهي ب 2/5 تتوقعين يمديني تطلع النتيجه واقدم

الله يكتب لنا اللي فيه الخير يارب

[moooj]

السلام عليكم ورحمة الله وبركاته

يمدي ان شاء الله تعالى

اختبار القدرات والكفايات يومي 9 و 10 / 4

والتقديم حتى 2 / 5 تقريباً يعني هناك وقت

نتائج القياس تطلع في حدود 10 إلى 20 يوم

يعني تطلع قبل انتهاء التقديم .... الأهم الآن أن يكون لديك حجز مؤكد للاختبارين

وأن تجهز كافة الأوراق المطلوبة وبالصيغة المطلوبة ....... وفقكم الله تعالى

[NisReEn]

المشاركة الأصلية كتبت بواسطة د.طموحه حبيبتي nisreen ماقصرتي يالغاليه تخيلي صديقتي راحت للجامعه ومارضوا يعطونها سجلي الاكاديمي ولا التوصيات قالوا لازم تجي الطالبه بنفسها الله يعين لااااازم اسافر لهم بنفسي طيب يالغاليه اختباري القدرات ب9 والكفايات ب 4 الشهر الجاي والتقديم على الماستر ينتهي ب 2/5 تتوقعين يمديني تطلع النتيجه واقدم الله يكتب لنا اللي فيه الخير يارب

هلا يا قمر .
عقدوا لك حكاية التوصيات , أنا أرسلت واحد من أهلي راح جاب لي هي بعد ما كلمت الدكتور .
وتوصيتين من دكتورين درسوني .
لو في واحد يقرب لك يروح أريح لك بدل السفر والتعب .

بالنسبة للتواريخ اللي وضعوها للقياس أحسها عالحفففففة ,
لكن طالما هم وضعوها في هذا التاريخ إن شاء الله إنهم عاملين في حسابهم زمن التصحيح وما أتوقع إنه ياخذ أكثر من 20 يوم .
فيكون في وقت لتأكيد الطلب .
الكفايات لا تخافي منها بعد 10 أيام بالكثير وهي طالعة .
إنتي أهم شي جهزي أوراق التوصيات , السيرة , الدورات , الخبرات وأرفعيها على صفحة التقديم
علشان ما ينقصك شي .

يا رب يا رب يا رب نتقابل على مقاعد القبول أنا وانتي وكل من تتمنى ترقى بنفسها وعلمها للأعلى والأفضل .
تحياتي .

[NisReEn]

شوفي يا قمر هذه نماذج سيرة ذاتية بالعربي استفدت من وحدة منها .
تحياتي .