سوال لبنات خطه أ

[غايب حبيبي]

بنات الحين انا راح ادرس مواد خطه أ بسال عن مادة الحاسب الحين لازم اخذ دورت حاسب من نفس الجامعه لاني سمعت بنات امس بجامعه كانو خطه أ واخذو الدوره واختبرو واخذو شهادات طيب ممكن اعرف كيف اسجل وكيف الحضور يومين ولا كيف

[عالية ناصر]

افتحي صفحتك في الاودس حتلقي التسجيل
وبالنسبة للحضور اللي يريحك
فيه يومين اليوم 5 ساعات
وفيه يوميا كل يوم ساعتين
الموهم تخلصين 30 ساعه
وع فكرة الشهاده ماحتفيدك قد ماحتستفيدي من الدورة انت
وراح يسهل عليك المذاكره كثير
خصوصا انك بتختبري عندهم عملي ويثبت المعلومه اكثر وبالجامعة اختبارهم كلو نظري
وشهادتي انا بليتها وشربت مويتها كنت اعتقد انها حتعادل لي الماده
وبالاخير الدورة مو اجبارية مجرد مساعده من الجامعه لك

[غايب حبيبي]

مشكوره الامل الضايع طيب برايك ايش احسن كتاب للحاسب او افضل ملخصات للحاسب
لانـي ماراح اخذها مدام الشهاده مافيها فايده

[عالية ناصر]

والله ياعسل انا ماحب اعتمد ع الملخصات او كتب غير المطلوبة منا
ذاكرت من الكتاب نفسه والحمدلله الاختبار كان حلو والدرجه طيبة

[غايب حبيبي]

مشـــــــــــــكوره ياقلبي

[عالية ناصر]

نصيحه لوجه الله : اذا ماعندك فكرة كويسة عن مادة الحاسب واساسياتها احضري الدورة انت مو خسرآنه شي

=)

[مجنونة شوري]

سؤال لو سمحتي دورة الحاسب متى نسجل فيها دحين من بداية الترم ولا بعد السنترا ولا متى بالضبط ؟؟
وكم رسومها ؟؟

[عالية ناصر]

والله ياعسسل عالوقت ماعرف
بس اتوقع حيرسلون على الجوالات زي ما ارسلو لنا قبل
وبالنسبة للرسوم : مجــآنية

[مجنونة شوري]

يسلموا ربي يوفقك يااااااااااااااااااارب ..

[يفتح الله]

التسجيل في دورة الحاسب مو دحين

هما حيراسلوكم على الجوال وعلى الايميل ويحددو الفترة

والدورة اشوفها ضرورية للي ماعندها خبرة في الحاسب

والاختبار جانا كأنو عملي وفية كثيير من العملي وكان حلو الاختبار

والجزاء النظري كمان ركزو عليه لأنه مهم مرررة

والحمدلله علامتي فية طيبة جبت 92

فلا تشيلو هم المادة سهلة لكن تحتاج تركيز

والله ييسرلنا ووييسرلكم