ايش قصة الحذف و الإضافة

[3esa]

أنا أبغا أفهم حاطين لنا رابط الحذف و الإضافة في صفحاتنا بالأوديس طب ليش لما أحاول أضيف مادةما يطلع لا الوقت و لا اليوم ؟؟؟ايش الفايدة

[Last Hope]

وانا حاولت افهمهم بس ماطلعت بنتيجة :)
عندي نفس الحركة ...مايطلع لا وقت ولا يوم
واتصلت بمنسقة الكلية وقالت لازم تدفعي تدفعي تدفعي

[حطام أنثى]

اما الموضوع موضوع انك ماسددتي او .. زي ماسار لنا يعني لما انتي تحاولي تنزلي ماده وتكون اصلا في ماده في نفسها وقتها في جدولك يعني متعارضه فهو النظام خلاص مبرمج مايطلع لك وقت يعني دليل انك ماتقدر تسجلي فيها لتعارضها مع ماده اخرى في جدولك .. وعشان تعرفي الماده متعارضه مع اي ماده روحي في الاودس قائمه الشعب الدراسية ومن هناك تعرفي الماده المتعارضة اية ..

اتمنى تكون وضحت الفكرة للجميع..

[Last Hope]

المشاركة الأصلية كتبت بواسطة حطام أنثى اما الموضوع موضوع انك ماسددتي او .. زي ماسار لنا يعني لما انتي تحاولي تنزلي ماده وتكون اصلا في ماده في نفسها وقتها في جدولك يعني متعارضه فهو النظام خلاص مبرمج مايطلع لك وقت يعني دليل انك ماتقدر تسجلي فيها لتعارضها مع ماده اخرى في جدولك .. وعشان تعرفي الماده متعارضه مع اي ماده روحي في الاودس قائمه الشعب الدراسية ومن هناك تعرفي الماده المتعارضة اية .. اتمنى تكون وضحت الفكرة للجميع..

انا قبل مااتصل على المنسقة رحت شفت جدولي والمادة اللي ابغاها في الشعب الدراسية
وابدا مافيها اي تعارض , اللهم الا ان المحاضرات يوم الاثنين رح تكون 4 محاضرات اذا اضفت المادي اللي ابغاها
وفي خانة اختيار الشعبه ماهي موجودة الشعب اصلا , مجرد خانة فاضية مع العلم ان هناك شعبتين للمادة في قائمة الشعب الدراسية

[ام البطلات]

انا هذا اللي خايفه منه احذف مواد واضيف وبعدين اتورط..!!

اعطينا جديدك الله يسعدك ... ع اساس نشوف تجاربكم.. مع النظام (الله يرزقنا الصبر)

وعساك موفقه اختي..

[حطام أنثى]

اجل الشعب نفسها اللي نزاله فيها مشاكل .. اما خلاص امتألت طالبات وقفلوها او لسه مالقوا لها استاذه واحتمال يقفلوها لو مالقوا احد يدرسها.. او عدد الطالبات غير كافي لفتحها .. اصبري كم يوم الا ماتنحل بس هم لسه مشغولين في تدوير الاساتذه لان بعضهم ينسحبوا او يغيروا الماده اللي اخذينها وكثيير مشاكل .. عليييكم بالصبببر وطولت البال ..

[3esa]

أنا كنت مسددة و ما في أي تعارض مع موادي و ما كان يرضى ينضاف لي شي حتى صحباتي في الانتظام نفس العلة
بس اليوم الحمدلله أضفت و زبط .

[غاوية دراسة]

اليوم حذفت مادتين حرة واضفت واحدة من التخصص
والحمد لله قبل الاضافة
وكل شي عال العال

[حطام أنثى]

الحمدلله انفرجت .. انا قلت لكم اصبروا وحتنحل باذن الله .... لازم صببر عشان مايجيكم الضغط ههههههه .. بالتووووفيق للجميع يارب ..

[دعوه خشوع]

الله يعين