طالبتكم طلبه...

[sweet love]

السلام عليكم
كيفكم ان شاء الله تمام

انا اول مره حضبط جدول فا اخترت هادي المواد
مناهج بحث
علم النفس الاجتماعي
الاحصاء الاجتماعي
النظريات الاجتماعيه
علم اجتماع السكان

ماعندي خلفيه عن دي المواد فا ياليت تقولولي كدا الجدول تمام وياليت كمانا تقولولي مين افضل المدرسات لكل ماده
الله يسعدكم ويوفقني ويوفقكم يااارب

[المنسية]

موادك تمام لكن مناهج مع نظريات ماأعتقد تنفع ابداً.

[sweet love]

حشوف ايش حسوي بس قوليلي ايش الاساتذه الكويسين مره للمادتين

[جووود]

اممم تبغين رأيي الأحصاء والسكان والنظريات <هذي الثلاثه دسمه ويبغالها شد حيل
الله يعينك ويوفقك...~

[جووود]

سكان مع نوره الحمودي يمدحوونها انا اخذت معاها مناهج بحث صراحه روعه وجبت +a
وعندي هالترم احصاء ومررره يمدحون نعمات قطب بس باقي اغير شعبتي عشان مايصير تعارض
ونظريات برضوا معاي هالترم اضفتها مع سهام عزب ممتازه بس اتوقع قفلت الشعبه اتأكدي ..
وعلم نفس اجتماعي الماده حلوه وسهله لاتشيلين همها

[جوريه حربيه]

اولا: عليكم السلام ورحمة الله وبركاته

ثانيا: الحمدلله
بالنسبه لموادكـ
مناهج بحث: رينا الرحيلي او نوره المساعد كلهم ممتازات ويمدحوهم والماده تعتمد على الحفظ والفهم وطبعا هيا متطلب للاحصاء الاجتماعي فماتقدري تاخذي الاحصاء الا لماتاخذي مناهج البحث (اطلعي على المرفق حتى تعرفي المواد ومتطلباتها)
علم النفس الاجتماعي: الماده دسمه بس احسن استاذه هيا الجوهره الذواد طبعا لو ماخذت مدخل علم نفس ياريت لو تاخذيه قبل افضل .
النظريات الاجتماعيه : طبعا الماده دسمه كمان بس في ملزمه لاستاذه سهام عزب تلاقيها فقسم الملخصات
علم اجتماع السكان : طبعا استاذه نوره الحمودي عزيزه لنجاوي حنان السريحي كلهم ممتازات والبنات يمدحوهم والماده سهله.
طيب الثقافات ,, خلصتيها لوباقي لكـ اضيفيها لانها سهله جدااا
وبالتوفيق يـَََََارب

[سلطانة النساء]

مشكورة جورية كفيتي ووفيتي

[sweet love]

جود /جوريه الله يسعدكم ويفقكم ياااارب مره مشكورين وماتقصرو

[جوريه حربيه]

المشاركة الأصلية كتبت بواسطة sweet love جود /جوريه الله يسعدكم ويفقكم ياااارب مره مشكورين وماتقصرو

العفو ياقلبي’’’ ماسوينا الا الواجب كلنا فهالقسم ,, نتعاون حتى نحقق اعلى المستويات ونتخرج ونرتقي
,, بعلمنا ,, وبالتوفيق لكـ يـََََارب

[sweet love]

جوريه معليه حتعبك معايا شويا

خلاص انا اخترت مناهج بحث ونظريات اجتماعيه وعلم اجتماع السكان وثقافه اسلاميه بالمدرسات اللي نصحتوني بيهم
بس علم النفس الاجتماعي اغلب الشعب مش مكتوب عليها اسماء المدرسات وفي شعبه 5 و6 و7 بس ماعرفت اي وحده فيهم للاستاذه الجوهره
وكمانا ياليت تنصحوني بماده سهله وخفيفه اخدها لاني ابغى اخد 6 مواد
ومرررررره مشكورين