محتاجة مساعدتكم ياجماعة ربي يوفقكم.

[Booshi]

السلام عليكم ورحمة الله وبركااته..
مساكم الله بالخير ياحلوين...أتمنى إن كلكم تكونوا بصحة كويسة..
ياجماعة الله يخليكم خذوا موضوعي هذا بجدية وأتمنى من كل قلبي إن اللي له خبرة يساعدني لو بنصيحة..والله لي كم يوم قلقانة وبس أفكر خلاص ماأنام كويس ولا ذقت طعم الراحة..ربي يسعدكم لاتقولولي روحي عمادة ولا اسألي لأني رحت وسألت ومالقيت شي يفيدني الله يسامحهم بسس..

أنا بقول لكم قصتي من بدايتها ..

أول شي أنا طالبة أول سنة تحضيري((علمي))مرررة تعبت بالسمستر الأول بجد عانيت كثييير وتقريبا كل الموادfإلا الانقلش..وخلاص أبغى احول إداري..وأدري كان فيه فرصة للتحويل لإداري إنساني لكن والله إني ماكنت أدري ومادريت إلا بعد ماخلاص قفلوا باب التحويل ..صرت أسأل صديقاتي واللي لهم شوية خبرة في الموضوع..في ناس قالولي:((اسسحبي ملفك و ارجعي قدمي السنة الجديدة الله لايهينك)) ..و ناس قالولي:((لااا وي إيش اللي تسحبي!!خليكٍ مداومة هذا السمستر كله ولاتدخلي صيفي طالما إنك حاملة مواد يصير تدرسي أول سمستر بالسنة الجديدة ولما يفتحوا باب للتحويل للإداري للطالبات الجدد تحولي معاهم))..
سمعت من الكل وماأعرف إيش أسوي!! من جـــــد خآآآآآآيفة ومتوترة أحس إني قاعدة أضيع مستقبلي بيدي:( ....دحين إيش أسوي أسحب ملفي وأقدم السنة الجديدة؟ ولا أمشي وأكمل بس ماأدخل صيفي؟الله يخلييكم تكفوون ياجمااعة أبغى مساعدتكم ونصايحكم..مع العلم إني خايفة لو سحبت ماأنقبل السنة الجديدة لو أموووت:(أخاف يقولوا أولوية وأفضلية:(وكمان كاتبين بند في الكتيب اللي أعطونا هو أيام اختبار التحصيلي يقول:((لاتقبل الجامعة أي طالب سحب ملفه من الجامعة أو أي جامعة أخرى إلا إذا مضى على الانسحااب ثلاثة أشهر فأكثر قبل بدء الدراسة..))مافهمت يعني لو سحبت دحين ماراح انقبل ولا إييش؟؟قولولي إيش أسوي مرة محتارة وقلقانة واستخرت كثيير بس ماحسيت بأي راحة..ودي أكمل بس بنية إن أحول بداية السنة..و ودي أسحب عشان ماأبغى اوررط نفسي..تكفون أستنى ردوودكم..ولكم مني كل الدعاء من القلب..

[الحارث سيت]

والله ماني عارف إش أقلك لكن الله يعينك ويثبت قلبك
وإن شاء الله يجي من يفيدك

[ǁ غــلأآإ ، رٍوٍحــي ǁ]

شوفي لو نسبتك الثانويه العامه عاليه + قدرات وتحصيلي عآليه كمآن ..
انصحك تسسحبي قبل ثلاث شهور من بدايه السنه والتسجيل للدفعه الجديده ..

لأن ماتضمني يفتحوآ أو مايفتحوآ التحويل من علمي لإداري .. ومآتدري يمكن يقولوآإ .
إنتي مآخذه إف في اغلب الموآد ومعدلك نآزل مانحولك !!

يعني بنظري اضمن لك تسحبي ملفك وتقدمي مع الطلبه الجدد ..
بس لسه قودآمك فرصه من هنآ لين التقديم الجديد ..

ويكتبوآ متى أخر موعد لسحب الملف عشان تقدري تقدمي بدايه السمستر ..

ممممم هذآإ رأي ولك حريه القرار ..

[Booshi]

الله يسعدك ياغلا روحي تسلمين والله أشوف كلامك سليم..الله يقدم اللي فييه الخير ويوفقك يارب.

[Hamsa }~]

زي ماقالت غلآ روحي ..

الإنسحاب أفضل ..

والله يوفقك ونشوفك بأعلى المرآتب يـآرب..

[Booshi]

الله يسمع منك ياااارب وتشكري ع الرد..ربي يسعدك ويوفقك..

[calla lily]

اتمنالك التوفيق ياارب
بس والله من وجهة نضري انك تحاولي تكملي علمي
والله انا لي صحباات علمي وعارفه قد ايش تتعبو الله يساعدكم
بس بصراحه في النهايه لا مقارنه في تخصصات الاداري جمب العلمي
يعني دام انتي اصلا علمي كملي وان شالله لك مستقبل حلووو وربي مايضيع تعب
بس ماادري انتي يمكن ميولك لتخصصات الاداري الله اعلم

والله يكتبلك الخير فين ماكنتي

[بوسه@@]

الله يوفقك ويسعدك...........والله مادري عن شي انا توي مستجده ولا اني داري @شدي حيليك

[فهد المعباس]

انصحك بارسال ايميل للدكتور عبدالفتاح المشاط واشرحي له ظروفك ومشكلتك واطلبي منه الحلول بشكل ابوي واكتبي معناتك
وصدقيني ان فيه مجال بيساعدك او ينصحك لانه يرد ومتعاون جدا وخدمني خدمه لن انساها بعد ان اقفلت بوجهي الابواب
وهذا ايميله / asmashat@kau.edu.sa
وبالتوفيق اختي

[Kapitano]

حالتك صعبة جداَ الله يعينك ويوفقك :))