استقزّتنـي !!

[فهد آل عمر]

استفزّتني !!

استفزّتني مواقـــف زادت الخفّــــاق ريبــــه
...............ولّـعت في وردة احلامــي وبأوراقـــي لهيب
.
حطّـمتني لين صار الجرح أقـوى من طبيبـه
...............لعنبــو جد الجروح اللي عجـز عنها الطبيب
.
أمست الدنيـــا بعيني مرحلــه جــداً عصيبـه
...............يا تكــون أو لا تكــون ويا تصيب ويا تخيب
.
بين رميات الظنون وطعنة الظــلم الرهيبــه
...............تسكت الأصوات ما به غير صوتك ياالنحيب
.
لــو تحس بغربتك في ديرتك ماهـي مصيبـه
...............المصيبه لو تحس انّك وسط روحــك غريب
.
قلت آآه وصرخت الآهات بأعماقـــي صعيبه
...............ما دريت انّه عذابـــي صار لي حظ ونصيب
.
ما دريت انّ القصيـــده أجمل وأوفــــا حبيبه
...............والقلم لا صار يكتب مرهف احساسـي حبيب
.
انتظــر يا قلب وأصبر والزمان الله حسيبــه
...............يمكن ارماح البعيد ارحم من أحضان القريب

.
.
.

فـ هـ د

[O?°· (sarOona) ·°?O]

انتظــر يا قلب وأصبر والزمان الله حسيبــه ...............يمكن ارماح البعيد ارحم من أحضان القريب

بالمررة روعة صح لسانك ..

[بدرالبدر]

صح لسانك ..

[عطلجية]

المشاركة الأصلية كتبت بواسطة فهد آل عمر . لــو تحس بغربتك في ديرتك ماهـي مصيبـه ...............المصيبه لو تحس انّك وسط روحــك غريب

أبيات جميله جدا ننتظر جديدك