يا حقون التحضيري ياحلوين ,,تعالوا موهيم مرة ..×)

[Life as Game]

السلام عليكم ورحمة الله وبركاته ,,

مونا سيبي موضوعي في حالو حتى لو فيه شتشتة
دوبي خلصت الغدا وفكرت في الموضوع دا
الموهيم ..
حقون الحاسب هما احلا ناس في العالم ..سوكرين وحلوين .,,
وخصوصا المتحوسبين الاتحاديين زي العسل واحلا ..

طبعا يا اخواني واخواتي الصغننين بما اني اكبر منكم لازم تسمعوا كلامي ,,حتى لو كنت شرير

كلنا نعرف انو فيكم احد محتار بين اكتر من تخصص ..ويفكر تفكير كتير ومبهدل عمرو ,,

اللي يبغى طب

واللي يفكر في هندسة ..

واللي يفكر في كلية العلوم ..

واللي نفسو في ادارة واقتصاد ,,

واللي يبغى علوم البحار

واللي يبغى فنون << عبالو في تخصص ميوزك

واللي يبغى علم نفس

وفي ناس ماتدري ايش تبغى

لكن حقون الحاسب من هما صغار يحبوه

طبعا في ناس ما عندهم فكر حتجي و تشوش لك موخك وتقول الحاسب مالو مستقبل ومدري ايش ,,<< ماعليكم من الجهلة دولا
لما تشوف صاحبك دخل طب وانتا ما قدرت تدخل
لا تتحطم ولا حاجة ..ولا تطالع للطب على انو المستقبل الوحيد ..
او حتى انتا ما تحوب الطب بس اهلك جبروك ..
لا تترك التخصص يطاردك ..
يعني لا يكون التخصص اللي حتختارو بسبب احد قالك ادخل التخصص دا ..
لكن انت وانتي شدوا حيلكم وطاردوا التخصص اللي تحبوه لانكم حتى لو تعبتوا ما راح تحسوا بالعكس تستمتعوا
ولو صاحبك من زمان لما دخل طب صار يتكبر عليك ؟؟
ما عليك منو ,, هوفو مخمس على عينو يعلمو ان الله حق
حركات البزورة دي ما احوبها مو عشانك تدرس طب يعني انك تستلم مكافأة اكتر مني او انك دخلت الجنة مسلا
كل واحد يحوب التخصص اللي هوا فيه ..
عشان كدا انا اقول احلا ناس حقون الحاسب ,,وبالزات IS
او تحوب تخصص بس درجاتك ما اهلتك للدخول فيه ..لا تتحطم ولا تحزن ,,دا خيرة لك من الله
وبعد ما تمشي فيلو فترة راح تقول الحمدلله اني ما دخلت تخصصي القديم .,.

طيب دحين الكلام دا بس لحقون الحاسب السوكرين ..

عشان تعرفوا ان قسم الحاسب مو اي تخصص ولا اي شي زي ما تطلع اشاعات عنو ..
تخصص الحاسب جواتو تلات تخصصات وبعد مدة حيصير 5 تخصصات او اكتر ,,
ايش التخصصات الاساسية ؟؟
نظم معلومات IS
تقنية معلومات IT
علوم حاسبات CS
التخصصات المحتمل انها تجي بعد كم سنة ..الزكاء الاصطناعي او تقنية الروبوت و هندسة البرامج وغيرها
طبعا لا تخافوا من التفكير في التخصص لانو حيكون اول سيمستر عام و التاني تتخصصوا فيه ..
حأديكم ايش معى التخصصات السابقة بتبسيط حلو ,,

نظم المعلومات :
نصها ادارة وبيزنس والنص التاني برمجة ..
الدراسة فيها نص حفظ ونص تطبيق ,,
التخصص دا يأهلك تكون مدير لقسم وفي نفس الوقت مبرمج ..
ويتميز ان مواد الحسابات شبه معدومة فيلو ..

تقنية المعلومات :
كلها تقريبا برمجة وتتميز بأنو الحفظ فيها نادرا ,,
والتخصص دا يخليك مبرمج ,,
طبعا فيلو رياضيات وطقتها

علوم الحاسبات :
التخصص دا اكتر شي فيلو نظري وماث ويتكلم عن الحاسب
وفيلو مواد كتيرة رياضيات وتفاضل وتكامل
وحسابات و يشمل التخصص السابق جواتو
ويتميز انو يتعمق في الحاسب ..يعني يدرس جميع تفاصيل الحاسب ولا يبقى حاجة ..


طبعا انا اخترت تخصص النظم بعد الاستخارة ..وبعد ما شوفت نقاط ضعفي وقوتي ..
ما احوب الماث وشلتها ..
ما احوب النظريات ..
ما احوب البرمجة بزيادة ,,
عندي حوب البيزنس والادارة ..فقلت حلو لانو يشمل تخصصين تقريبا
فطلع معايا دا احسن شي ,,

بعد السمستر الاول حتعرفوا نقاط ضعفكم وقوتكم
بالنسبة للـ وحيواناتهم الشريرة اتوقع يصلح ليهم علوم الحاسبات,,<< ما احوبهم

فلا تخافوا من كترة التخصصات لانو دا من صالحكم يا فتافيت السوكر يا احلا ناس في الدونيا
خصوصا وانو كل حاجة صارت بالحاسب ..حتى لما مشيتوا اول خطوة في الجامعة كانت بعد التسجيل عبر الحاسب ..
والحدف والاضافة كمان بالحاسب ..
الدونيا كلها صارت حلوة وسهلة والسبب الله ثم حقون الحاسب الحلوين بعد ما كان صحاري قاحلة
الاجيال القادمة كلهم ما حيتعبوا في شيل شنطة المدرسة زينا واحنا صغار
واللي يقول الحاسب مالو مستقبل ..دا مع نفسو
ولا تنسوا العالم كلو حنخليه حاسوبي ان شاء الله ..

بس مو تتخصصوا و بعدين ما تشدوا حيلكم ..ترى البعثات تنتظركم
وعالاقل اللي يبغى يتوضف على طول ..
ما حيتعب في الانتظار والبحث عن الوضيفة ,,


اووووه ..نسيت اعرفكم عليا ..
انا لايف السوكر ,,احلا واحد في المنتدى ..يناسوا عليا اتحادي و كل حاجة حلوة في الدونيا


طبعا مرحب بالجميع ما عدا الردود الجحلطية المتخلفة ..

شوكرا وسهلا

[!..RahoOofa..!]

شكرا على الموضوع ... حلوة السمايلات معبرة ..
احنا في الاول والاخير لازم لازم نعتمد اعتماد كلي على ربنا ونثق لو مادخلنا دا التخصص يعني ماحيكون خير ليا وبدي الطريقة ماحزعل واتحطم
بالتوفيق .

[rano00nah]

هههههههههه ما شا الله


موضوع فيسات =$ < أمزح . .


يسسلمو ع المعلومآت . .


::


بالتوفيق لك و للي حيدخلو حااسب =) . .آمييين . .

[Life as Game]

المشاركة الأصلية كتبت بواسطة !..rahooofa..! شكرا على الموضوع ... حلوة السمايلات معبرة .. احنا في الاول والاخير لازم لازم نعتمد اعتماد كلي على ربنا ونثق لو مادخلنا دا التخصص يعني ماحيكون خير ليا وبدي الطريقة ماحزعل واتحطم بالتوفيق .

بسم الله مسرع رديتوا
كلامك صحيح ..
بس دفعتنا كتير ناس تحطموا و كدا ..
فقلت انصحكم لا توقعوا في الفخ
نورتي

المشاركة الأصلية كتبت بواسطة rano00nah هههههههههه ما شا الله موضوع فيسات =$ < أمزح . . .

يسسلمو ع المعلومآت . . :: بالتوفيق لك و للي حيدخلو حااسب =) . .آمييين .

امين ..الله يوفقك ..
مشكورة عالدعوة ,,
شرفتي

[محمد عماد]

thumb up

بصراحة عجبني موضوعك :)

جزاك الله خير ..

بالـــتــوفــيــق

[طالبة عزوز]

ببصراحه بصراحه بصراحه

احللللى موووضووووع

انا افكر ادخل حاسب وان شاء الله حشد حيلي وادخله

مررره استانست ع المعلومات كثير

طيب انا بسألك متى اقدر اخذ بعثه؟

لازم اكون مخلصه الدراسه بالجامعه ؟؟ واالا اكون بوحده من السنين وابتعث؟؟

يارب تكون تعرف الجواب ..

ومشكووور كثير ع الموضوع السكر يا لف لف خخخ

[SilvaR]

موضوع مرا جيد ما شاء الله ..

الحاسب هو الهدف بأذن الله ..

مرا شكرا على المعلومات .. وان شاء الله تقنية او نظم .. يارب

وان شاء الله تفيدنا اكثر في السنة القادمة d;

[Life as Game]

المشاركة الأصلية كتبت بواسطة ريال سعودي thumb up بصراحة عجبني موضوعك :) جزاك الله خير .. بالـــتــوفــيــق

اهم شي انو اعجبك ..
واياك يارب ..
بالتوفيق لك وتدخل تخصصك اللي تحوبو ..

المشاركة الأصلية كتبت بواسطة طالبة عزوز ببصراحه بصراحه بصراحه احللللى موووضووووع انا افكر ادخل حاسب وان شاء الله حشد حيلي وادخله مررره استانست ع المعلومات كثير

الله يسلمك يا اوختي ,,
اهم شي انو اعجبكم ,,
بالتوفيق لك يارب ,,

طيب انا بسألك متى اقدر اخذ بعثه؟ لازم اكون مخلصه الدراسه بالجامعه ؟؟ واالا اكون بوحده من السنين وابتعث؟؟ يارب تكون تعرف الجواب ..

والله ماني عارف ادا في ابتعاث للبنات ..بس اظن انو فيه
الموهيم
تاخديه ان شاء الله بعد ما تخلصي باكالريوس ..
يعني تاخدي الماستر برا ان شاء الله ..
ادا فيه اسئلة تانية تفضلي ..
وكمان تقدري تدخلي على قسمنا في المنتدى ..حتلاقي شرح بالتفصيل لكل شي ..
http://www.skaau.com/vb/forumdisplay.php?f=156

ومشكووور كثير ع الموضوع السكر يا لف لف خخخ

عفوا جزيلا ,,
نورتي

[Life as Game]

المشاركة الأصلية كتبت بواسطة silvar موضوع مرا جيد ما شاء الله .. الحاسب هو الهدف بأذن الله .. مرا شكرا على المعلومات .. وان شاء الله تقنية او نظم .. يارب وان شاء الله تفيدنا اكثر في السنة القادمة d;

اهلا فيك ,,
نورتي ,,
بالتوفيق لك يارب
وان شاء الله تدخلي احلا شي فيها

[мαѕooяy]

انه لآآآيف ُ هنـآآآ لآ لآ لآ آصدق ذلك
مآذآ آتى بك ً هنـــآ آيهآ الإتحآدي ؟؟!

آول شيء آخبآركـ .. بآبآ لآيفوآ .., ؟؟!
ايش المووضوع دآ اللي مرآ مرآ حلووو ..,
عقبني(عجبني) آوي يآرآقل خخخخ آهم شيء حقون الحآآآسب الحآسوبين والحآسوبيآت < آحم آحم
آنآ آحلى وحدة فيهم <
المهم

مرآ ثآنكس على المعلومآت .. بس سؤعال صغنووون آبغى آعرف متى حيفتحوآ
هندسة البرمجة < يآررررررررررررررررررررررررب قرررريب < يارب يارب
تصصصصدق والله دعتلك من كل قلبي على هالخبر آنو في آمممممل بذآ الشيء < ياررررب يآلآيفووو تتوفق ويتحقق كل آحلامكـ <
وسؤعال تاني :؟< كأن الموضوع لها
علوم الحآسب فيه برمجة كثير < لانوا انا ماث + برمجة آحووبهم ؟
وخلص حبقى مؤدبه خخخخخ < آحم آحم بنت حآسب آنآ مين يبغى يسأل

ومن جد كلامكـ صحيح ,
والله تخصص الحآسب جدا ً رآآآئع اصلا من دون كمبيوتر مآنعيش آبدأ ً
كل الدنيآ بالحآسب تمشي وظآيفوآآ في كل مكآن محشورة آحللللى شيء في مدرسه في مستشفى في شركة في مصنع في كل شيييء


ربي يوفق الكل ويوفق لآيفوآ ويوفق كل حقون الحآسب