طالب جامعي شوفوا وش يسوي بمكافئته

[mh5000]

السـلآمـ عليكمـ


^^
^^
^^



هذي قصه حقيقة لطالب في احدى الجامعات في الرياض




اعرفه شخصيا لم اره في حياتي متكدر

او متضايق او مزاجه عكر او مهموم

والله لايدخل عندنا القاعه الا وهو متبسم

ومبسوط ونفسيته لاتقارن بغيرها

ماهو ملتزم يعني ماهو مطوع ولاهو الي متشدد

ولد طبيعي زيه زي اي شاب من شباب الرياض

ولكن معروف عنه مايترك الصلاه ابدا يصليها بوقتها

ومع ذلك طبيعي يطلع يروح يجي

ههههههههه يموت في شي اسمه بالوت هو صديقي مقرب

اعرفه من 17 سنه مع اني اقرب المقربين له ماعلمني انه كافل

لكني اكتشفت لما ركبت معاه السياره ونزل هو يشتري من اسواق التميمي

فتحت الدرج حق سيارته بطلع شريط بتسمع لقيت ظرف وانا طبيعتي ملقوف

فكيت الظرف وهنا صراحه صعقت اكتشفت انه كافل ثلاث ايتام وحده عمرها 18

ووحده 8 سنين ووحده سنتين والله اني بكيت سبحان اللي يسرله هالعمل الصالح

والله يناس مو باين عليه ابدا يوم رجع وركب السياره طبعاً هو مرح جدا طلع

توكس وصقعه بخشتي قال خذ واستغرب شافيني ساكت قال شفيك قلت ولد انت كافل ايتام؟

هو برطم وسكت شوي وضحك قال امممممم ايه

قلت امانه وشو اللي خلاك تسوي عمل عظيم زي كذا

قال والله السبب واحد قريت حديث عن الرسول يقول

(( انا وكافل اليتيم في الجنه كهاتين ))

واشار بيده الرسول بالسبابه والوسطى وفرج بينهما قليلاً

وقال والله العظيم ان اموري كلها ميسره بشكل ملحوظ ووالله

ان ربي ساترني ورب الكعبه ان الفلوس ماتنقصني

وابوي وامي راضين علي واقسم بالله ماقد اصعبت علي حاجه

ونفسيتي مرتاحه وكل شي نفسي فيه عندي والله انتم ماتدرون عني اقسم بلله

اني عايش بيني وبين نفسي حياه ثانيه انتم ماتحسو فيها ماعندي مشاكل ماعندي شي يزعجني

مهما اوصف ماراح تحسون في اللي احس فيه

فقلت له ابي اكفل زيك قال خلاص ورحنا اليوم الثاني المكان اسمه

مؤسسة مكه المكرمه الخيريه

هم لهم كذا فرع بالرياض والسعوديه وفروعهم هي

مكه+المدينه+جده+الطائف+الخرج+ا لدلم+الافلاج+الدمام+ الاحساء+الخفجي+

حفر الباطن+حائل+الزلفي+القصيم
والكفاله للأيتام داخل السعوديه 200 ريال

والكفاله للأيتام خارج السعوديه 100 ريال







اتمنى من الجميع المبادره والله المبلغ جدا زهيد احنا نصرفه في اشياء تافهه

والله صدقتنا هذي تنفعنا يوم القيامه والله ماتدرون لو انهم يحجبون عنا النار

واذا ماتبي تكفل اتمنى ان تساعدني في نشر القصه لاكبر شريحه ممكنه واسئل الله ان لايحرمنا الاجر

يارب تكونون استفدتم من القصه
وشكرا

تحيـآإأتـي ,,~
منقول

[حنو123]

جزاك الله خير

[мαѕooяy]

يـآآآآآآآآآآآآنـآآآسووووو ماشاء الله تبـآرك الله
عمــــــــــــله جدا روعه الله يحفظه من كل شر يارب
الله يوفقه ويسع ـده ,

[تشوشو]

عمل جدا رااائع

في بالي الفكره بس مانفذتها

وبهالقصه تحمست

جزاك الله الف خير ..

[Hamsa }~]

جزآآك الله خ’ــير..

[aziz_1412]

الله يعطيه على قد نيته

[BARGAIN]

السلام عليكم
الصراحه اني انصدمت(بس توقعت انه يسوي شي طيب)
الله يديم عليه ها النعمه
واحنا لسى في مخاصمات على اساس يزيدون المكافاه
صحيح انه ماتكفي
بس غيرنا ماياخذ منها شي

طرح جيد
دمتم بود

[قلبي أماراتي]

مشكور ع الطرح الراقي

وكثر الله من امثال الاخ

"مانقص مال من صدقه الانسان" الي جرب هالشي
والله بيشوف مفعول هالعباره بشرط تكون نيته صادقه
لوجه الله ..

قـــلـــــبي

[حروف واثقه]

الله يجزاك خير عالنقل..

[do0o0oja]

ماشاء الله عليه الله يزيد من امثاله
مشكور عالنقل