استفسار عن أفضل قاموس للإحصاء

[hek]

السلام عليكم
طبعا زي مانتو عارفين يوم الربوع هو إختبارنا حق الإحصاء
وحسب كلام دكتورنا أحمد العم يسمح باستخدام القاموس في الاختبار
بس قلنا انتبهو واشترو قاموس علمي
طبعا أنا رحت جرير بكل براءة وسألته عن القواميس العلمية
أقل شي طلع فيها قيمته 600 ريال طبعا وإنت طالع 1000 - 1500 ...
أنا أنصدمت وقلت أرجع لحبيبنا المنتدى وأسأل حبايبنا هنا
1- هل يحتاج الموضوع قاموس علمي .. ولا لأ ؟
2- إش أفضل الأنواع من واقع تجاربكم الترم الماضي .. أو حتى العام الماضي ؟

أنا في انتظاركم

[rano00nah]

><

اومــآ قآموس . . سهله الكلمآت . .

. . بس اذا تبغى تآخذ قآموس . .
اشتري ( أطلس ) باللمس <<< زي حقي p=



بالتوفيق heK =)

[بنووتة كيوت]

الكلمات سهلة وربي ماتحتاج قاموس ..

بالتوفيق =)

[hek]

المشاركة الأصلية كتبت بواسطة rano00nah >< اومــآ قآموس . . سهله الكلمآت . . . . بس اذا تبغى تآخذ قآموس . . اشتري ( أطلس ) باللمس <<< زي حقي p= بالتوفيق hek =)

والله أبو اللمس شوية غالي .. وإحنا على قد الحال

[hek]

المشاركة الأصلية كتبت بواسطة بنووتة كيوت الكلمات سهلة وربي ماتحتاج قاموس .. بالتوفيق =)

كلامك صحيح
لكن مادام مسموح .. الواحد يأخذ ..
يمكن ينزنق في كلمة ولا شي ..
يندم بعدين

[د/أسمــــاء]

افضل قاموس الكتروني

فرانكلين

من محل مجد الدولية للاجهزة الالكترونية (موجود في جرير بس رافعين السعر 1000ريال >> لاتشتري منهم الطاق طاقين)
فيلو قاموسين (الجهاز الواحد في نفس الوقت)اكسفوورد وقاموس اكاديمي علمي
مرااا حلوو انا اشتريته بــ 700 من البلد مادري اي عمارة صراحة (بسالك ابووي) بس جداااا راااائع انصحك فيه

اذا تبي ااصوره لك ماعندي مانع

ترا هو مو بس للاحصاء كل المواد فيزياء كيمياء وطب ومصطلحاته ....و.... و....

انجليزي عربي _ عربي انجليزي
ويعطيك معنى الكلمة بالانجليزي وجمل اتمنى افدتك واي سؤال انا حاضرة

[hek]

المشاركة الأصلية كتبت بواسطة د/أسمــــاء افضل قاموس الكتروني فرانكلين من محل مجد الدولية للاجهزة الالكترونية (موجود في جرير بس رافعين السعر 1000ريال >> لاتشتري منهم الطاق طاقين) فيلو قاموسين (الجهاز الواحد في نفس الوقت)اكسفوورد وقاموس اكاديمي علمي مرااا حلوو انا اشتريته بــ 700 من البلد مادري اي عمارة صراحة (بسالك ابووي) بس جداااا راااائع انصحك فيه اذا تبي ااصوره لك ماعندي مانع

شكرا لك
وياليت لو في شي أرخص .. يمشي الحال في الاختبار بس
لأنو 700 كتير على اختبارين احصاء وخلاص
كمان أنا ما أبغى شي طبي .. ولا نيتي طب أصلا
وعلى كدا ما حأستفيد منو بالشكل المطلوب

[د/أسمــــاء]

طيب روح البلد وحتلاقي الاسعار اللي تعجبك اذكر اني رحت مرة لقيت بـ 300 وفيه اقل على حسب الكلمات

[hek]

المشاركة الأصلية كتبت بواسطة د/أسمــــاء طيب روح البلد وحتلاقي الاسعار اللي تعجبك اذكر اني رحت مرة لقيت بـ 300 وفيه اقل على حسب الكلمات

شكرا شكرا .. أنا لقيت في جرير بـ 200و 300 بس خفت ما تترجم الاحصاء مزبوط
يعني أبو 300 كويسة في مستوانا و للإحصاء خاصة ؟

[د/أسمــــاء]

ايوه كويسة بس زي ماقولتلك السعر حسب الكلمات الموجودة انته جربها في المحل ..بالتوفيق