اخوي علاوي اختبار الايلتس ارجوووك

[NDA111]

السلام عليكم ورحمة الله اخوي علاوي

حبيت اسئلك عن اختبار الايلتس ....((( اختباري الاسبوع الجااااااي وخايفة مووووت اني اجيب العيد ))
لاني فهمت انكم اختبرته قريب .



ياليت اخوي تعلمني على طريقتهم وكيف نوعية الاسئلة سهلة ولا معقدة ؟؟
الجزء الكتابي والقراءة والسماع كيف كانت مثل اللي بالموقع التدريب ولا اصعب ولا اشلون ؟؟

وكيف الانترفيوا speaking انا باذن الله راح يكون قبل يومين من الاختبار يسألونك عن ايش ؟؟ وكيف طريقتهم ؟؟



هل الواحد ممكن انه يجيب العيد ومايعرف يجاوب في الانترفيوا والاجزاء الثانية ..

انا الحين اذاكر من كتاب شريته من جرير اسمه CAMBRIDGE IELTS 4



الله يرضى عليك ممكن تفهمني بالتفصيل الممل .. عسى الله يفرح قلبك ويبشرك بالقبول النهائي يااارب

[Guevara]

السلام عليكم ورحمة الله وبركاتة
اول شي عذرا من الاخ علاوي, ثانيا انا اول مرة في حياتي اشارك في منتدى, لكني استفدت كتيييييييييييييير من منتداكم المميز وحبيت اشارك بشي بسيط, المهم
عزيزتي هذه خلاصة تجربتي مع الايلتس NDA11
اول شي السبيكينغ كانت الاسئلة سهلة وحلوة بس اهم شيييييييييييي تكوني واثقة من نفسك لما تجاوبي وتكوني طبيعية, اول سوال يكون عن اسمك وتقوللك اعطيني الاي دي تبعك ومن فين وكيف مدينتك ايش يميزها وهكذا
وبعدين السوال التاني تعطيكي ورقة مكتوب فيها بعض الاسئلة( سوال وصفي: استاذة اثرت في حياتك, مكان مميز بالنسبالك) سوالي كان عن قطعة ملابس جاتك هدية: من مين؟ وشو كانت؟ وليش؟ وكيف كان شعورك؟ كله وصف دقيق لاتوقفي الين تقولك خلااااص.
اما السوال الي بعده كان عبارة عن مناقشة( وجهة نظر) يكون متعلق بالوال الي قبله: عشان كان سوالي عن الملابس جاني سوال عن الماركات وليش الناس يحبو يشتروا ماركات وشو مميز فيها انتي مع ولا ضد وهكزا

الريدينغ بالمرررة كان حلو نفس الكتاب الي عندك 3 قطع اهم شي تتدربي كويس ممكن تلاقي المجموعة الكاملة حق كتابك من موقع مبتعث اكتبي في قوقل اسم الكتاب ويجيكي بالمرة استفدت منها 6 كتب

الايسيننغ احلى شي برضو زي الكتاب بس الي جانا اسهل كمان كمان البراكتيس البراكتيس وفي موقع البي بي سي كمان مفيد

الرايتينغ التاسك الاول غراف وانتي تتكلمي عنو اهم شي انو الي مو شايف الغراف يفهم اني عن ايش بتتكلمي في كتاب كمان اسمه
)101 HELPFUL HINTS FOR IELTS(
يعطيكي مصطلاحات تفيديك في هادا التاسك: كيف تبداي الايسئي وكيف لما الموشر يطلع وينزل, مصطلحات اكاديمية. اما التاسك التاني موضوع عام اختباري كان عن فوائد وعيوب العيش في المدن والقرى, اهم شي في الرايتينغ عموما تكتبي مصطلحات اكااااااااديمية مثلا بدل Impotant تكتبي Pivotal
حتى في السبيكينغ حاولي تكون كلماتك كلها فورمال
وبس خلاص *_*

عموما الاختبار ممتع بس يبغاله براكتيس براكتيس براكتيس
الله يوفقك ويسهلك اختبارك

[علاوي212]

المشاركة الأصلية كتبت بواسطة NDA111 السلام عليكم ورحمة الله اخوي علاوي حبيت اسئلك عن اختبار الايلتس ....((( اختباري الاسبوع الجااااااي وخايفة مووووت اني اجيب العيد )) لاني فهمت انكم اختبرته قريب . ياليت اخوي تعلمني على طريقتهم وكيف نوعية الاسئلة سهلة ولا معقدة ؟؟ الجزء الكتابي والقراءة والسماع كيف كانت مثل اللي بالموقع التدريب ولا اصعب ولا اشلون ؟؟ وكيف الانترفيوا speaking انا باذن الله راح يكون قبل يومين من الاختبار يسألونك عن ايش ؟؟ وكيف طريقتهم ؟؟ هل الواحد ممكن انه يجيب العيد ومايعرف يجاوب في الانترفيوا والاجزاء الثانية .. انا الحين اذاكر من كتاب شريته من جرير اسمه CAMBRIDGE IELTS 4 الله يرضى عليك ممكن تفهمني بالتفصيل الممل .. عسى الله يفرح قلبك ويبشرك بالقبول النهائي يااارب

وعليكم السلام
اختي الكريمة انا وضعت تجربتي الكاملة في موضوع وهذا رابطه اتمنى تستفيدي منه
ايضا بامكانك الاستفادة من موقع يوتيوب لاني جدا استفدت منه شروحات وايضا اختبارات مسجلة.
هناك ايضا نقطة احب اضيفها حاولي قد ما تقدرين تتعلمي مهارات القراءة skimming and scanning
لان قطع القراءة طويلة والاوقت نسبيا قصير لو تقري كل شي ما راح تلحقي تحلي كل الاسئلة وبالنسبة للاستماع دربي نفسك على الاستماع للانجليزي البريطاني جيدا وممكن تستفيدي من قناة بي بي سي زي ما قالت الاخت اللي ردت قبلي.
حاولي ايضا ما تشتتي نفسك وتقري كتب كثير لان معظم المعلومات مكررة عن الاختبار لكن ركزي في الكتاب اللي معك واستفيدي من القنوات الاخرى مثل قناة البي بي سي واليوتيوب.
اتمنى لك التوفيق وفالك التسعة يارب
هذا رابط موضوعي السابق وفيه تفصيل ممل عن تجربتي في الاختبار

http://www.skaau.com/vb/showthread.php?t=323639