حسيت انه الهدف كان التشتيت 3/>

[Dr.Passed]

انا صراحة مرة ما استفدت من روحتي المحاضرة حقت اليوم.
احس انو يبغونا ندخل على حسب المتوفر(بازات فكرة الإختبار دا الي سوو نرفزني....اصلا ما طليت في الورقة على طول خرجت)....الا بالقوة المتوفر وبس...انا وجهة نظري انو الحقيقة انو كلي واحد حيبدع في ميولو في الحياة بغض النظر سوى كويس في تحضيريته ولا لأ...بس ايش نسوي....سمعوني كلام مستفز شوية =(

بس برضي حاحارب واشتغل وماحتعب....حسهروازاكر واقلب الدنيا كلها واموت نفسي عشان اوصل للي ابغى =) يعني الكلام دا بس بيزيدني قوة وحماس واتمنى انتو كمان نفس الشي
always remember that what doesn't kill you makes you stronger ..

السؤال انا عندي شهادات ابغى اقدمها للجامعة واتمنى انها تنفعني بأي طريقة ( ميخص التسكين ياجماعة) فين ممكن اقدمها وهل حيطلو فيها اصلا!!! شكرا


اخر شي لا تيأسو كلي واحد حياخد الي يبغى (قاعدة احاول اعالج في البعض عارفة النفسيات تعبانة بس صدقوني انتو منتو لحالكم =(

[sultanooh]

السؤال انا عندي شهادات ابغى اقدمها للجامعة واتمنى انها تنفعني بأي طريقة فين ممكن اقدمها وهل حيطلو فيها اصلا!!!

معليش شدتني هالعبارة

يعني تبغي تدخلي التخصص بالواسطة مو بجهدك

يعني اللي تجيب أفضل منك تبغين تقدمين كم شهادة علشان تطرديها من مقعدها

هذا يعتبر غش وتزييف

والمفاضلة حسب الدرجة الموزونة فقط فقط

وبعدين هل تعرفي أنظمة الطب او تعرفي شيء عن الطب لمن تقولي بتقتلي وتحاربي وتزاكري علشانه ؟؟؟

سوووري على اللهجة الشديدة << علشان تردي على كلاي بجديه

[~No-Name~]

للاسف التحضيري ما يطالعوا في شي غير النسبة ولا شهادات ولا هم يحزنون بحسب خبرتي

[AM00NA]

وآلله جلست يمكن نصف ساعه وخرجت بالقوووووه كمان !
كله كلآآآآآم فآآضي ..
وبالنسبه لسؤالك عن الشهادات والله مافهمت عليك سوري ..!

[Dr.Passed]

المشاركة الأصلية كتبت بواسطة sultanooh معليش شدتني هالعبارة يعني تبغي تدخلي التخصص بالواسطة مو بجهدك يعني اللي تجيب أفضل منك تبغين تقدمين كم شهادة علشان تطرديها من مقعدها هذا يعتبر غش وتزييف والمفاضلة حسب الدرجة الموزونة فقط فقط وبعدين هل تعرفي أنظمة الطب او تعرفي شيء عن الطب لمن تقولي بتقتلي وتحاربي وتزاكري علشانه ؟؟؟ سوووري على اللهجة الشديدة << علشان تردي على كلاي بجديه

هادا امكن يكون تفكيرك لو سمحت =)
أنا عندي امر تاني وابغا اقدم شهاداتي عشان الأمر دا....بس
لو عندي افكار زي كدة ما حكتب موضوع واشد انتباه حضرتك او حضرة اي شخص تاني=)

[عزتي أجمل صفاتي]

ليش علطول الهجوم يمكن البنت عندها شهادات دورات
انا اشوف انو المفروض مانتسرع في الحكم ع الناس >> كلامي موجه لسلطان
مع احترامي .. |~

[sultanooh]

دكتوره باسيد ممكن نتناقش حول عيوب الطب ؟؟

انا كنت افكر فيه بس في اليوم الإرشادي بطلت منه

اذا عندك وقت للتناقش ؟؟

[Dr.Passed]

المشاركة الأصلية كتبت بواسطة sultanooh دكتوره باسيد ممكن نتناقش حول عيوب الطب ؟؟ انا كنت افكر فيه بس في اليوم الإرشادي بطلت منه اذا عندك وقت للتناقش ؟؟

اتفضل..اشبو الطب؟

[sultanooh]

طيب

اولاً :::

النظام سنوي يعني مايمديك تعتذري عن ترم لازم تعتذري عن السنة بكاملها

ثانياً :::

اذا جبتي في الترم الاول كل المواد 100 من 100

والترم الثاني 100 من 100 ماعدا مادة جبتي 59

راح تعيدي المادة في الصيف وكمان جبتي 59

راح تعيدي السنة بكاملها حتى المواد اللي نجحتي فيها وكمان تعيدي الترمين << السنة بكاملها

فيه بعض مواد الطب تقويم مستمر يعني ممكن دكتورة تظلمك وترسبك في مادة يصير تعب سنة كله راح ولازم تعيدي السنة بكاملها

ثالثاً :::

الغيابات فقط 10 %

وبعدها يعطوك حرمان يعني لازم تعيدي السنة بأكملها

هذا مالدي من عيوب حالياً اتمنى منك الرد عليها

انا كنت حط الطب رغبة اولى بس بعد ماعرفت هذي الانظمة في اليوم الارشادي عذرت عن الطب

[AM00NA]

^^
طيب ليه بس بتتناقشون بالعيوب ..!
بصراحه سلبياته بالنسبه ليا اكثر من ايجابياته ,,
لانو انا مااااااااتحمل (الضغط النفسسي مره) فعشان كذا بطلت من اول منه ..
بس في ناس ماشاءالله ماعندهم مشاكل عشان كذا من الافضل تتناقشون في السلبيات والايجابيات ..
سوري ع المداخله ..^_^