في كويز مصطلحات يوم السبت ؟؟؟

[miss lolo 91]

السلام عليكم

كيفككم

حبيت اسال واتاكد

اذا في كويز مصطلحات يوم السبت ولا لا

ياليت احد يفيدني

ولكم مني الف شكر

[NoNa al7ellwa]

و الله ما ادري انا ما حضرت الاثنين و حابه اعرف

و درجة المصطلحااات جدااا سيئة مررره ما عجبتني .. اسالتها زي وجهها وووجع

كيف درجاتكم انتو يا بنات ؟؟

[calbooza]

الكويز يوم الاثنين والدرجه انا كمان ماعجبتني وياريت ماتجيب الاسئلة فراغات في الاختبار الثاني

[miss lolo 91]

والله مش ولا بد

يعني الكويز الاثنين

طيب شكرا ياعسل ربي يسعدك

[NiceLady]

أنا كمان علامتي مش ولا بد
بس حسب خبرتي مع الدكتورة في الانزيم هي مرة مرة مرة كريمة في العلامات....تدي كتير بونس...الصراحة ماني خايفة من مادتها

[إيـلاف]

حتى انا مش ولا بد :(

مع ان الماده يقولو سهله

الله يعين والله يبشرك بالخير نايس :)

[NoNa al7ellwa]

انا اخذت المادة قبل كدا مع هالة غانم .. ايش الاسئلة سهله سهله موووويا و فوق هذا كلو ما اذاكر و اجيب درجات حلوة
انا انصدمممت لما نزلي F قلت امكن عشان ما سلمتها البحث :(

جيت باراجعها بس لقيتها شالت عفشها و مشيت ولا قدرت اشوفها ولا حتى اودعها ..

عشان كدا نزلت المادة ثاني لانو سهله بس ميسوووووون لا لا اسالتها شويا صعبة صراحة فرق عن هاله .. هذي اسالتها كلها فراغات

هالة ممكن تكتب لكي مصطلح و تحط خط تحت كلمة و تقول ايش معناها ؟؟ او تكتب المصطلح و نكتب معناه او تكبت
sub .. trance
و تقول ايش معناه
يعني اشياء خفيفة

ميسوون اسالتها ايش الجهاز الي يسوي كدا كدا و الي يسوي كدا كدا و كشفنا على المريض و مدري ايش
ولا ايش العضو الي مكانو كدا كدا و وظيفتو كدا و كدا
امكن ما جابت مصطلح الا 3 او 4

ما ينفع كدا المادة اسمها مصطلحااااات

ان شاء الله الدوريات الثانية احسن من كدا

[ghala*ـــــ*]

يابنات لو فيه طريقه اقدر احذف الماده كنت حذفتها بجد صعبه والدرجات منيله بستين نيله الله يعين