عاجل بخصوص نتائج اللغه الانجليزيه لكل المستويات

[الاكاديمي الاول]

السلام عليكم ....
شباب كلنا شايفين الظلم والاجحاف من مركز اللغه تجاه الطلاب وصعوبه الاختبارات وعدم توحيد ألية التصحيح لاختيار الرايتنج لكل الطلاب بل كل طالب (وحظه)حسب الدكتور اللي يصحح ورقته امريكي اوبريطاني او جنوب افريقي ... لان كل واحد وله رايه بالتصحيح على كلام دكتورنا واحنا ضحيه هذه الاختلافات وبالتالي ضياع المستقبل بالنسبه لنا. وايضا درجه الميد تيرم كيف كانت مرة طاااايحة والاختبار كان صعب لذلك نرغب بالتجمع يوم الاحد الساعه 10 صباحا اما مركز اللغه ونروح ونقابل العميد ونبين له الظلم اللي واقع علينا وعلى قولهم ماضاع حق وراه مطالب , واكبر دليل الشباب اللي راحو كليه العلوم لموضوع الاحياء وكيف اخذوا حقهم كامل (بعد ماطالبوا فيه)انا عارف ان الطلاب اللحين باجازة وفله... ومااحد فايق يروح الجامعه ولكن لان الدرجات راح ترصد وتدخل الاودس هذا الاسبوع ولمن تدخل الاودس مستحيل تتعدل عشان كذا لازم نلحق الدرجات ونطالب بحقوقنا قبل ما ترصد الدرجات ولانو اذا فات الفوت ماينفع الصوت. اما بالنسبه لحكايه ارسال الايميلات او رفع خطابات... مافي منها فايدة الدرج واسع لكل الخطابات وسله المحذوفات جاهزة للايميلات وهذا من واقع تجربه سوينا كذا في موضوع الاحياء ومافيه فايدة لكن يوم تجمعنا ووحدنا كلمتنا تحركت الامور لانهم عرفوا انو في ظلم وفيه ناس مظلومه جت تزيح هذا الظلم .
اسف على الاطالة ولكن ارجو اننا نروح اكبر عدد ممكن وصدقوني راح تتغير الامور.
اخيرا اذكركم بالموعد يوم الاحد الموافق 6/5/1432 الساعه 10 صباحا امام مركز اللغه وندخل سوا ونتكلم مع العميد .اتمنى التفاعل من الجميع ويكون الرد للي اكيد بيروح عشان نعرف العدد اللي بيروح... وما اتمنى انو احد يتكاسل ويقول غيري بيروح هذا حق كل واحد فينا ولازم كل واحد فينا يطالب عن حقو بنفسه .... وبالتوفيق إن شاء الله