..................... وشخص قبـآل العين مـآ هز مثقــآل

[د.كيــف]

قالوا تحب .. وقلت وين المحبه
اقفلت قلبي للصيانه ولا زال !!
اهديته لواحد خذاه ولعب به
ولا رجع الا وهو حالته حال
لكن بخير .. ونبضته مستتبه !!
من عقب ما جددت فعروق الآمال
أسبر على مشراف حزني وآذبه
وآراقب همومي من الجال للجال
قدلي ثلاث سنين وآنا مسبه
قهوتني اللوعات .. فنجال فنجال
يا خاطري .. لا غثك الحزن خبه
دام الهوى كله مشاريه واهمال
يسهر خفوقي .. والمحاني مشبه
ويدفى على جال المعاليق يختال
الوصل .. لحظات اللقاء بالاحبه
ماهو مواصل في .. رسايل وجوال
بملى لك الخافق غلا .. وانت كبه
على يدين الوصل يا شاغل البال
اكبر دليل ان المشاعر تنبه ؟؟
وان المحبه ما تجي غصب واذلال
شخص قبل لا تلتقي به تحبه !!
وشخص قبال العين ما هز مثقال

لب الندآآ .. يا سارق القلب لبه
باعطيك عمري .. بس تعطيني وصال
مدري القمر .. في نور وجهك .. تشبّه
ولا العسل الاصلي " على شفتك سال
لو بحلاك انسان ما .. يخاف ربه
كان ابتلى العاقل من الزين .. بهبال
لا شك طيبك .. طيب منهو مربه
متوارثه من طيب عم .. وكرم خال
العمر يمضي .. والامل الف غبه ؟؟
مليت رمضآ الهم .. وابغي لي ظلال
يا غيم .. واللي فيك من .. ماي صبه
ارو الثرى .. واسق الضمآ وانطح الفال
ريح المطر .. يوم الهبايب تهبه ؟؟
قطراته تقول لخفوقي .. وش الحال
والحال داري ويش عوقه وطبه
من دون لا ادورّ ومن دون لا احتال
الى لقيت اللي يعجبني .. بـ آحبه
وان ما لقيته بشتري .. راحة البال

الشـآعر / حمد البريدي المري

[رغد محمد]

::

أهــــــــلاً بِـ دكتورنا الغائب ...

بصراحة ...

وبكل أمـــــــــــانة ...

ومن غيـــر لف ولا دوران ...!


إبــــــــــــــــــــــــــــداع تجسد في هيئة الآآآآآآآآم قد رأيته في هذه الصفحة ...!!!

حقًـــــــا ...

تألمت من كلام الشاعر .. أحاسيسه .. وأحزانه ..

وكأنه يتحدث عن إنسان له كيانٌ مختلفٌ أنواعه فمرة متألم .. ومرة مجروح .. ومرة يبكي على آالآمه ...!

جميـــــــــــــــــل جدًا ..جدًا ...

ومن قال أن الحب سعــــــادة لا يَعقُبها شقـــــــــــــاء ...!!!

بِـ رأي ...

لاتعطي قلبك إلا لمن يُحبك وليس لمن تُحبه أنت ..!

صدقًا ...

أحببتُ أبيات هذا الشاعر وحزنت لـ ألآآآآآآآآمــه وأوجاعه ...

/

أنتَ كما أنت مُتميزٌ مهما غبت وأينما تكــــون ...

حقًا لديك ذوق راقــــــــــــي ...

يا د. الذوق ...

لاتحرمنا جديدك المُبهــر ...
/

رغد محمد ...

::

[هنآدي العتيبي]

يعطيك العآفيه^_^ طرح رآئع,,

[سنفورة موت]

يسلموو خيو طرح راقي لشاعر راقي ايضاا

الله لايبلانا بهيك عذاب >>ناقصين

ربي يسعدك خيووو

[عطر القصيد]

الى لقيت اللي يعجبني .. بـ آحبه وان ما لقيته بشتري .. راحة البال

قصيدهـ مؤلمــهـ ..

اختيــار راقي أخوي ’
شكراً على النقــل .’

[سمران]

بيض الله وجهك هذا القصيد الي يخلي الواحد يعيده مرات لإنه في كل بيت يهوجس ويسرح البال ويتعدي بيوت ما يدري عنها